ഐ.എസ്​.എല്ലിലും കോവിഡ്​ കളി; തു​ട​ർ​ച്ച​യാ​യ മൂ​ന്നാം മ​ത്സ​ര​വും മാ​റ്റി

ബാം​ബോ​ലിം (​ഗോ​വ): രാ​ജ്യ​ത്തെ ജ​ന​ജീ​വി​ത​ത്തെ അ​വ​താ​ള​ത്തി​ലാ​ക്കി മു​ന്നേ​റു​ന്ന കോ​വി​ഡി​ന്‍റെ ക​ളി ഇ​ന്ത്യ​ൻ സൂ​പ്പ​ർ ലീ​ഗി​ലും. ഒ​രൊ​റ്റ വേ​ദി​യി​ലാ​ക്കി ബ​യോ ബ​ബ്​​ളി​ന്‍റെ 'സു​ര​ക്ഷി​ത​ത്വ'​ത്തി​ൽ ന​ട​ക്കു​ന്ന ഐ.​എ​സ്.​എ​ല്ലി​ലും കോ​വി​ഡി​ന്‍റെ ക​ളി രൂ​ക്ഷ​മാ​വു​ന്ന​താ​യാ​ണ്​ സൂ​ച​ന. കോ​വി​ഡി​നെ തു​ട​ർ​ന്ന്​ തു​ട​ർ​ച്ച​യാ​യ മൂ​ന്നാം ദി​വ​സ​വും ഐ.​എ​സ്.​എ​ൽ മ​ത്സ​രം മാ​റ്റി​വെ​ക്കേ​ണ്ടി​വ​ന്നു.

മി​ക്ക ടീ​മു​ക​ളെ​യും കോ​വി​ഡ്​ ബാ​ധി​ച്ചി​ട്ടും ഐ.​എ​സ്.​എ​ൽ നി​ർ​ത്തി​വെ​ക്കാ​ൻ സം​ഘാ​ട​ക​ർ ത​യാ​റാ​യി​ട്ടി​ല്ല. കോ​വി​ഡ്​ രൂ​ക്ഷ​മാ​യ​തി​നെ തു​ട​ർ​ന്ന്​ തു​ട​ങ്ങി ദി​വ​സ​ങ്ങ​ൾ​ക്ക​കം ഐ ​ലീ​ഗ്​ നി​ർ​ത്തി​വെ​ച്ചി​രു​ന്നു. എ​ന്നാ​ൽ, ഇ​തേ മാ​ന​ദ​ണ്ഡം ഐ.​എ​സ്.​എ​ല്ലി​ന്‍റെ കാ​ര്യ​ത്തി​ൽ ഇ​തു​വ​രെ ന​ട​പ്പാ​ക്കി​യി​ട്ടി​ല്ല.

തി​ങ്ക​ളാ​ഴ്ച ന​ട​ക്കേ​ണ്ട ജാം​ഷ​ഡ്​​പു​ർ എ​ഫ്.​സി-​ഹൈ​ദ​രാ​ബാ​ദ്​ എ​ഫ്.​സി മ​ത്സ​ര​മാ​ണ്​ ഒ​ടു​വി​ൽ മാ​റ്റി​വെ​ച്ച​ത്. വേ​ണ്ട​ത്ര ക​ളി​ക്കാ​രെ ക​ള​ത്തി​ലി​റ​ക്കാ​ൻ ജാം​ഷ​ഡ്​​പു​രി​ന്​ സാ​ധി​ക്കി​ല്ലെ​ന്ന്​ വൈ​ദ്യ​സം​ഘം വി​ല​യി​രു​ത്തി​യ​തി​നാ​ലാ​ണ്​ മ​ത്സ​രം മാ​റ്റി​വെ​ച്ച​തെ​ന്ന്​ ഐ.​എ​സ്.​എ​ൽ വാ​ർ​ത്ത​ക്കു​റി​പ്പി​ൽ അ​റി​യി​ച്ചു. ജാം​ഷ​ഡ്​​പു​ർ ടീ​മി​ലെ ര​ണ്ടു പേ​ർ പോ​സി​റ്റി​വാ​യ​തി​നാ​ൽ മി​ക്ക ക​ളി​ക്കാ​രും ഐ​സൊ​ലേ​ഷ​നി​ലാ​യി​രി​ക്കു​ക​യാ​ണ്.

ഞാ​യ​റാ​ഴ്ച​യി​ലെ കേ​ര​ള ബ്ലാ​സ്​​റ്റേ​ഴ്​​സ്​-​മും​ബൈ സി​റ്റി, ശ​നി​യാ​ഴ്ച​യി​ലെ എ.​ടി.​കെ മോ​ഹ​ൻ ബ​ഗാ​ൻ-​ബം​ഗ​ളൂ​രു എ​ഫ്.​സി മ​ത്സ​ര​ങ്ങ​ളും കോ​വി​ഡി​നെ തു​ട​ർ​ന്ന്​ മാ​റ്റി​വെ​ച്ചി​രു​ന്നു. അ​തി​നു​മു​മ്പ്​ എ.​ടി.​കെ-​ഒ​ഡി​ഷ എ​ഫ്.​സി മ​ത്സ​ര​വും മാ​റ്റി. ജാം​ഷ​ഡ്​​പു​ർ, എ.​ടി.​കെ, ​എ​ഫ്.​സി ഗോ​വ, ബം​ഗ​ളൂ​രു, ഒ​ഡി​ഷ ടീ​മു​ക​ളി​ലെ ഒ​ന്നി​ല​ധി​കം ക​ളി​ക്കാ​ർ പോ​സി​റ്റി​വാ​യി​ട്ടു​ണ്ടെ​ന്നാ​ണ്​ റി​പ്പോ​ർ​ട്ട്. ബ​യോ ബ​ബ്​​ളി​ന​ക​ത്തെ ഹോ​ട്ട​ൽ ജീ​വ​ന​ക്കാ​ർ​ക്ക്​ കോ​വി​ഡാ​യ​തി​നാ​ൽ ഈ​സ്റ്റ്​ ബം​ഗാ​ളി​ന്‍റെ​യും ബ്ലാ​സ്റ്റേ​ഴ്​​സി​ന്‍റെ​യും താ​ര​ങ്ങ​ൾ ഐ​സൊ​ലേ​ഷ​നി​ലാ​വു​ക​യും ചെ​യ്തു.

ചു​രു​ങ്ങി​യ​ത്​ 15 ക​ളി​ക്കാ​ർ ഇ​ല്ലെ​ങ്കി​ൽ ക​ളി മാ​റ്റി​വെ​ക്കാ​മെ​ന്ന മാ​ന​ദ​ണ്ഡ​മാ​ണ്​ ഐ.​എ​സ്.​എ​ൽ സം​ഘാ​ട​ക​ർ പി​ന്തു​ട​രു​ന്ന​ത്. എ.​ടി.​കെ​യു​ടെ ര​ണ്ടു ക​ളി​ക​ൾ മാ​റ്റി​യ​പ്പോ​ൾ എ​ല്ലാ ടീ​മു​ക​ളു​ടെ​യും കാ​ര്യ​ത്തി​ൽ ഇ​ത്​ ന​ട​പ്പാ​ക്കു​ന്നി​ല്ലെ​ന്ന്​ കാ​ണി​ച്ച്​ ചി​ല താ​ര​ങ്ങ​ൾ രം​ഗ​ത്തെ​ത്തി​യി​രു​ന്നു.

അ​തി​നു​ശേ​ഷ​മാ​ണ്​ മ​റ്റു ടീ​മു​ക​ളു​ടെ ക​ളി​ക​ളും മാ​റ്റി​ത്തു​ട​ങ്ങി​യ​ത്. കോ​വി​ഡി​നെ തു​ട​ർ​ന്ന്​ തു​ട​ർ​ച്ച​യാ​യ ര​ണ്ടാം സീ​സ​ണി​ലും ഹോം ​ആ​ൻ​ഡ്​ എ​വേ മ​ത്സ​ര​ങ്ങ​ൾ ഒ​ഴി​വാ​ക്കി ഗോ​വ​യി​ലെ മൂ​ന്നു മൈ​താ​ന​ങ്ങ​ളി​ലാ​യാ​ണ്​ ഐ.​എ​സ്.​എ​ൽ ന​ട​ത്തു​ന്ന​ത്. ​ഫ​റ്റോ​ർ​ഡ​യി​ലെ ജ​വ​ഹ​ർ​ലാ​ൽ നെ​ഹ്​​റു സ്​​റ്റേ​ഡി​യം, വാ​സ്​​കോ​യി​ലെ തി​ല​ക്​ മൈ​താ​ൻ, ബാം​ബോ​ലി​മി​ലെ അ​ത്​​ല​റ്റി​ക്​ സ്​​റ്റേ​ഡി​യം എ​ന്നി​വി​ട​ങ്ങ​ളി​ലാ​ണ്​ ക​ളി​ക​ൾ.