കോ​പയിൽ​ തോറ്റവരുടെ അങ്കം

ഷാ​ർ​ല​റ്റ് (യു.​എ​സ്.​എ): ​സെ​മി ഫൈ​ന​ലി​ലെ തോ​ൽ​വി​ക്ക് ശേ​ഷം ഗാ​ല​റി​ക്ക​രി​കി​ലെ​ത്തി ​കൊ​ളം​ബി​യ​യു​ടെ ആ​രാ​ധ​ക​രെ നേ​രി​ട്ട ഉ​റു​ഗ്വാ​യ്ക്ക് ക​ള​ത്തി​ൽ ഒ​രു പോ​രാ​ട്ടം​കൂ​ടി ബാ​ക്കി​യു​ണ്ട്. ഷാ​ർ​ല​റ്റി​ലെ ബാ​ങ്ക് ഓ​ഫ് ​അ​മേ​രി​ക്ക സ്റ്റേ​ഡി​യ​ത്തി​ൽ കോ​പ അ​മേ​രി​ക്ക ലൂ​സേ​ഴ്സ് ഫൈ​ന​ലി​ൽ കാ​ന​ഡ​യാ​ണ് ഉ​റു​ഗ്വാ​യു​ടെ എ​തി​രാ​ളി​ക​ൾ. ഇ​ന്ത്യ​ൻ സ​മ​യം ഞാ​യ​റാ​ഴ്ച രാ​വി​ലെ 5.30നാ​ണ് മ​ത്സ​രം. ക​ഴ​ി​ഞ്ഞ ദി​വ​സം ​കൊ​ളം​ബി​യ​ക്കെ​തി​രാ​യ സെ​മി ഫൈ​ന​ലി​ന് ശേ​ഷം കൈ​യാ​ങ്ക​ളി​യും ക​ഴി​ഞ്ഞാ​ണ് ഉ​റു​​ഗ്വാ​യ് താ​ര​ങ്ങ​ൾ പി​രി​ഞ്ഞു​പോ​യ​ത്. ഏ​ഴ് മ​ഞ്ഞ​ക്കാ​ർ​ഡും ഒ​രു ചു​വ​പ്പു കാ​ർ​ഡു​മാ​ണ് മ​ത്സ​ര​ത്തി​ൽ റ​ഫ​റി പു​റ​ത്തെ​ടു​ത്ത​ത്. ചീ​ത്ത​വി​ളി​യും ഷൂ ​ഏ​റും മ​ത്സ​ര​ശേ​ഷ​വും ന​ട​ന്നു. ഉ​റു​ഗ്വാ​യ് താ​ര​ങ്ങ​ൾ​ക്കെ​തി​​രെ സൗ​ത്ത് അ​മേ​രി​ക്ക​ൻ ഫു​ട്ബാ​ൾ അ​ധി​കൃ​ത​ർ അ​ന്വേ​ഷ​ണം തു​ട​ങ്ങി​യി​ട്ടു​ണ്ട്. അ​തേ​വേ​ദി​യി​ലാ​ണ് നാ​ളെ ലൂ​സേ​ഴ്സ് ഫൈ​ന​ൽ.

ഫി​ഫ റാ​ങ്കി​ങ്ങി​ൽ 14ാം സ്ഥാ​ന​മാ​ണ് ഉ​റു​ഗ്വാ​യ്ക്ക്. പ​രി​ക്ക് കാ​ര​ണം ​റൊ​ണാ​ൾ​ഡ് അ​രൗ​യോ ക​ളി​ക്കി​ല്ല. റോ​ഡ്രി​ഗോ ബെ​ന്റാ​ൻ​ക​ർ​ക്കും പ​രി​ക്കു​ണ്ട്. ബാ​ഴ്സ​ലോ​ണ​യു​ടെ സെ​ന്റ​ർ ബാ​ക്കാ​യ അ​രൗ​യോ​വി​ന് പേ​ശി​ക​ൾ​ക്ക് പ​രി​ക്കാ​ണ്. ബെ​ന്റാ​ൻ​ക​ർ ​കൊ​ളം​ബി​യ​ക്കെ​തി​രാ​യ സെ​മി​യി​ൽ ആ​ദ്യ​പ​കു​തി​യി​ൽ പ​രി​ക്കേ​റ്റ് മ​ട​ങ്ങി​യി​രു​ന്നു. ഗ്വി​ല്ല​ർ​മോ വ​രേ​ല​യും നി​കോ​ളാ​സ് ഡി ​ലാ​ക്രൂ​സും സ​സ്പെ​ൻ​ഷ​നി​ലാ​ണ്. അ​ടി​യു​ണ്ടാ​ക്കി​യ ഡാ​ർ​വി​ൻ നു​ന​സി​ന് ഫൈ​ന​ലി​ന് തൊ​ട്ടു​മു​മ്പ് സ​സ്പെ​ൻ​ഷ​ന് സാ​ധ്യ​ത​യേ​റെ​യാ​ണ്. നു​ന​സ് ഇ​ല്ലെ​ങ്കി​ൽ ടീ​മി​ന്റെ എ​ക്കാ​ല​ത്തെ​യും വ​ലി​യ ഗോ​ൾ​വേ​ട്ട​ക്കാ​ര​നാ​യ ലൂ​യി സു​വാ​ര​സി​ന് ആ​ദ്യ ഇ​ല​വ​നി​ൽ സ്ഥാ​നം ല​ഭി​ക്കും. റൈ​റ്റ് ബാ​ക്ക് ന​ഹി​താ​ൻ നാ​ൻ​ഡ​സ് സ​സ്പെ​ൻ​ഷ​ന് ശേ​ഷം ലൂ​സേ​ഴ്സ് ഫൈ​ന​ലി​ൽ ക​ളി​ക്ക​ും.

ക്യാ​പ്റ്റ​ൻ അ​ൽ​ഫോ​ൻ​സോ ഡേ​വി​സ്, ജൊ​നാ​ഥ​ൻ ഡേ​വി​ഡ്, റി​ച്ചി ലാ​ർ​യെ തു​ട​ങ്ങി​യ പ്ര​മു​ഖ​ർ കാ​ന​ഡ നി​ര​യി​ലു​ണ്ട്. പ​രി​ക്കി​ന്റെ സ​ങ്ക​ട​മൊ​ന്നും ടീ​മി​ലി​ല്ല.