കമ്യൂണിറ്റി ഷീൽഡിൽ നാളെ​ ​ലിവർപൂൾ x ആഴ്​സനൽ പോരാട്ടം

ലണ്ടൻ: ഇംഗ്ലീഷ്​ ഫുട്​ബാൾ സീസണി​െൻറ കേളികൊട്ടായി ശനിയാഴ്​ച​ ചാമ്പ്യന്മാരുടെ പോരാട്ടം. കമ്യൂണിറ്റി ഷീൽഡിനായി പ്രീമിയർ ലീഗ്​ ജേതാക്കളായ ലിവർപൂളും എഫ്​.എ കപ്പ്​ ചാമ്പ്യന്മാരായ ആഴ്​സനലും വെംബ്ലിയിൽ മുഖാമുഖം. 2020-21 സീസൺ പ്രീമിയർ ലീഗിന്​ സെപ്​റ്റംബർ 12ന്​ കിക്കോഫ്​ കുറിക്കാനിരിക്കെയാണ്​ യൂർഗൻ ​േക്ലാപ്പി​െൻറയും മൈകൽ ആർടേറ്റയുടെയും ടീമുകൾ മുഖാമുഖമെത്തുന്നത്​.

സാധാരണ പുതു സീസണി​െൻറ വാംഅപ്പാണ്​ കമ്യൂണിറ്റി ഷീൽഡ്​ പോരാട്ടമെങ്കിൽ ഇക്കുറി, കോവിഡ്​കാരണം കാര്യമായ ഇടവേളയില്ലാതെയാണ്​ കളി തുടങ്ങുന്നത്​. ഒരു മാസം മുമ്പ്​ മാത്രമായിരുന്നു കഴിഞ്ഞ സീസൺ ലീഗി​െൻറ അവസാന മത്സരം. തൊട്ടുപിന്നാലെ എഫ്​.എ കപ്പ്​ ഫൈനലും കഴിഞ്ഞു. ടീമുകളൊന്ന്​ ആശ്വസിക്കു​േമ്പാഴേക്കാണ്​ പുതു സീസണി​െൻറ വിളംബരമായി കമ്യൂണിറ്റി ഷീൽഡ്​ കിരീടപ്പോരാട്ടം.

ആത്മവിശ്വാസത്തി​െൻറ നെറുകെയിലാണ്​ ഇരു ടീമുകളും. ഏതാനും ആഴ്​ച മുമ്പ്​ മടക്കിവെച്ച ആയുധങ്ങളെല്ലാം അതേ തിളക്കത്തോടെതന്നെ പുറത്തെടുക്കപ്പെടണം. 18 ​േപായൻറ്​ വ്യത്യാസത്തിൽ പ്രീമിയർ ലീഗ്​ കിരീടം നേടിയവരാണ്​ ​േക്ലാപ്പി​െൻറ ലിവർപൂൾ എങ്കിൽ, നോക്കൗട്ട്​ പോരാട്ടമായ എഫ്​.എ കപ്പിൽ ചെൽസിയെയും മാഞ്ചസ്​റ്റർ സിറ്റിയെയും പോലുള്ള വമ്പന്മാരെ വെട്ടിവീഴ്​ത്തിയാണ്​ ആർടേറ്റയുടെ ടീമി​െൻറ വരവ്​.

ലിവർപൂൾ ക്യാപ്​റ്റൻ ജോർഡൻ ഹെൻഡേഴ്​സൻ പരിക്ക്​ കാരണം വിശ്രമത്തിലാണ്​. പൂർണ​മായും ഫിറ്റ്​നസ്​ ഇല്ലാത്ത ​ട്രെൻഡ്​ അലക്​സാണ്ടർ അർനോൾഡിനെയും കോച്ച്​ ശനിയാഴ്​ച കളിപ്പിക്കാനിടയില്ല. വാൻഡൈക്​ തിരികെയെത്തും. പുതുതാരം കോസ്​റ്റാസ്​ സിമികാസിന്​ ​േക്ലാപ്പ്​​ ഇടം നൽകിയേക്കും. ആൻഡ്ര്യൂ റോബർട്​സൺ, റിയാൻ ബ്രെസ്​റ്റർ എന്നിവരും ​െപ്ലയിങ്​ ഇലവനിൽ ഇടം പിടിച്ചേക്കാം.

ആഴ്​സനൽ നിരയിൽ ഷൊദ്​റാൻ മുസ്​തഫി, ​പ​േബ്ലാ മാറി, കാലം ചേേമ്പഴ്​സ്​ എന്നിവർ പരിക്കി​െൻറ പടിയിലാണ്​. ഒബുമെയാങ്ങും ചെൽസിയിൽനിന്നെത്തിയ വില്യനുമാവും മുന്നേറ്റം നയിക്കുക.

കമ്യൂണിറ്റി ഷീൽഡ്​

112 വർഷം പഴക്കമുള്ള ചാമ്പ്യൻഷിപ്പാണിത്​. ​തൊട്ടു മുൻ സീസണിലെ ചാമ്പ്യന്മാരുടെ പോരാട്ടം. ഇംഗ്ലീഷ്​ പ്രീമിയർ ലീഗിലെയും എഫ്​.എ കപ്പിലെയും​ ജേതാക്കളാണ്​ മാറ്റുരക്കുന്നത്​. 1908ൽ ആരംഭിച്ച ടൂർണമെൻറിൽ ഏറ്റവും കൂടുതൽ ചാമ്പ്യന്മാരായത്​ മാഞ്ചസ്​റ്റർ യുനൈറ്റഡ്​ (21 തവണ). പിന്നാലെ, ആഴ്​സനലും ലിവർപൂളും (15). ആറു തവണ കിരീടമണിഞ്ഞ മാഞ്ചസ്​റ്റർ സിറ്റിയാണ്​ നിലവിലെ ജേതാക്കൾ.