ലീഗ്​ കപ്പിൽ നാലാംവട്ടവും സിറ്റി; വെംബ്ലിയിൽ വീണ്​​ ടോട്ടൻഹാം

ലണ്ടൻ: തുടർച്ചയായ നാലാം തവണയും ലീഗ്​ കപ്പിൽ മുത്തമിട്ട്​ റെക്കോഡിനൊപ്പമെത്തി മാഞ്ചസ്റ്റർ സിറ്റി. വെംബ്ലി​ മൈതാനത്തുനടന്ന കലാശപ്പോരിൽ ടോട്ടൻഹാം ഹോട്​സ്​പറിനെയാണ്​ ടീം എതിരില്ലാത്ത ഒരു ഗോളിന്​ പരാജയപ്പെടുത്തിയത്​.

ആദ്യ പകുതിയിൽ കാർഡിന്​ പകരം റഫറിയുടെ ശാസനയുമായി രക്ഷപ്പെട്ട സിറ്റി പ്രതിരോധ താരം ഐമറിക്​ ലപോർ​ട്ടെയാണ്​ ചാമ്പ്യൻമാരെ തീരുമാനിച്ച ഗോൾ നേടിയത്​. കെവിൻ ഡി​ ബ്രുയിന്‍റെ ഫ്രീകിക്കിൽ തലവെച്ചായിരുന്നു ഗോൾനേട്ടം.

കോച്ച്​ ഹോസെ മൊറീഞ്ഞോ പുറത്താകുകയും റിയാൻ ​േമസൺ പകരക്കാരനായി എത്തുകയും ചെയ്​ത ടോട്ടൻഹാം ടീം കാണിച്ച ദൗർബല്യം മുതലെടുത്താണ്​ സിറ്റി കളി ജയിച്ചത്​.

ഓരോ ടീമിന്‍റെയും 2,000 ഉൾപെടെ 8000 കാണികൾക്ക്​ പ്രവേശനം നൽകിയായിരുന്നു വെംബ്ലിയിലെ ഫൈനൽ.

1980കളിൽ തുടർച്ചയായി നാലു വട്ടം ലീഗ്​ കപ്പ്​ സ്വന്തമാക്കിയ ശേഷം ആദ്യമായാണ്​ സിറ്റി വീണ്ടും അതേ നേട്ടം പിടിക്കുന്നത്​.