എറിക്സണെ വിളിച്ച് ഡെന്മാർക്; 2021നു ശേഷം ആദ്യമായി ദേശീയ ടീമിൽ

കോ​പ​ൻ​ഹേ​ഗ​ൻ: 2020 ​യൂ​റോ ക​പ്പി​നി​ടെ ഹൃ​ദ​യാ​ഘാ​തം വ​ന്ന് നീ​ണ്ട അ​വ​ധി​യി​ലാ​യ ക്രി​സ്റ്റ്യ​ൻ എ​റി​ക്സ​ണെ ദേ​ശീ​യ ടീ​മി​ലേ​ക്ക് തി​രി​ച്ചു​വി​ളി​ച്ച് ഡെ​ന്മാ​ർ​ക്. മാ​ർ​ച്ച് 26ന് ​നെ​ത​ർ​ല​ൻ​ഡ്സി​നെ​തി​രെ​യും മൂ​ന്നു ദി​വ​സ​ങ്ങ​ൾ​ക്കു ശേ​ഷം സെ​ർ​ബി​യ​ക്കെ​തി​രെ​യും ന​ട​ക്കു​ന്ന സൗ​ഹൃ​ദ മ​ത്സ​ര​ത്തി​ൽ എ​റി​ക്സ​ൺ ഇ​റ​ങ്ങി​യേ​ക്കും. ശാ​രീ​രി​ക പ്ര​ശ്ന​ത്തെ തു​ട​ർ​ന്ന് ഇ​ന്റ​ർ മി​ലാ​ന്‍ വി​ട്ട താ​രം ജ​നു​വ​രി​യി​ൽ പ്രി​മി​യ​ർ ലീ​ഗ് ടീ​മാ​യ ബ്രെ​ന്റ്ഫോ​ഡി​നൊ​പ്പം ചേ​ർ​ന്നി​രു​ന്നു.

ഹൃ​ദ​യ​ത്തി​ന്റെ പ്ര​വ​ർ​ത്ത​നം സാ​ധാ​ര​ണ നി​ല​യി​ലാ​ക്കാ​ൻ ഡി​ഫി​ബ്രി​ലേ​റ്റ​ർ (ഐ.​സി.​ഡി) ഘ​ടി​പ്പി​ച്ച​തി​നെ തു​ട​ർ​ന്നാ​ണ് ഇ​ന്റ​റി​നൊ​പ്പം ക​ളി​ക്കാ​നാ​വാ​തെ വ​ന്ന​ത്. ഹൃ​ദ​യ​ത്തി​ന്റെ പ്ര​വ​ർ​ത്ത​ന​ത്തി​ന് ഐ.​സി.​ഡി സ​ഹാ​യ​മു​ള്ള​വ​ർ സീ​രി എ​യി​ൽ ക​ളി​ക്ക​രു​തെ​ന്നാ​ണ് ച​ട്ടം. ഇ​തു പ​രി​ഗ​ണി​ച്ചാ​ണ് ഇ​റ്റാ​ലി​യ​ൻ ടീ​മു​മാ​യി ക​രാ​ർ അ​വ​സാ​നി​പ്പി​ച്ച് മ​ട​ങ്ങി​യ​ത്.

എ​ന്നാ​ൽ, അ​ത്ത​രം വി​ല​ക്കി​ല്ലാ​ത്ത പ്രീ​മി​യ​ർ ലീ​ഗി​ലെ​ത്തി​യ താ​രം ജ​നു​വ​രി 26ന് ​ന്യൂ​കാ​സി​ലി​നെ​തി​രാ​യ മ​ത്സ​ര​ത്തി​ൽ പ​ക​ര​ക്കാ​ര​നാ​യി ഇ​റ​ങ്ങി തി​രി​ച്ചു​വ​ര​വ് ഗം​ഭീ​ര​മാ​ക്കി​യി​രു​ന്നു. 52 മി​നി​റ്റ് പി​ന്നി​ട്ട​യു​ട​ൻ മൈ​താ​ന​ത്തെ​ത്തി​യ എ​റി​ക്സ​ണെ കാ​ണി​ക​ൾ എ​ഴു​ന്നേ​റ്റു​നി​ന്ന് കൈ​യ​ടി​ച്ചാ​ണ് വ​ര​വേ​റ്റ​ത്. പി​ന്നീ​ട് നോ​ർ​വി​ച്ച് സി​റ്റി, ബേ​ൺ​ലി എ​ന്നി​വ​ക്കെ​തി​രെ 90 മി​നി​റ്റും ക​ളി​ക്കു​ക​യും ചെ​യ്തു. ഖ​ത്ത​ർ ലോ​ക​ക​പ്പി​ന് യോ​ഗ്യ​ത നേ​ടി​യ ഡെ​ന്മാ​ർ​ക് നി​ര​യി​ൽ എ​റി​ക്സ​ണു​മു​ണ്ടാ​കു​ന്ന​ത് ടീ​മി​ന് ക​രു​ത്താ​കും.