ഷൂട്ടൗട്ടിൽ സാക്ക കിക്കെടുക്കു​േമ്പാൾ 'തുലഞ്ഞുപോ​ട്ടെ'യെന്ന്​ പ്രാകി കെല്ലീനി; ആ ശാപവാക്ക്​ 'കിരികോച്ചോ'..

റോം: ആതിഥേയരായ ഇംഗ്ലണ്ടിന്‍റെ കിരീടമോഹങ്ങൾ തകർത്ത്​ യൂറോകപ്പ് ഫൈനലിൽ ഇറ്റലി ജയത്തിലെത്തിയതിനുപിന്നാലെ പുതിയ 'വെളിപ്പെടുത്തലു'മായി അസൂറികളുടെ നായകൻ ജിയോർജിയോ കെല്ലീനി. കലാശപ്പോരിൽ നിശ്ചിത സമയത്തും എക്​സ്​​ട്രാ ടൈമിലും ഇരുടീമും 1-1ന്​ സമനില പാലിച്ചതോടെ ടൈബ്രേക്കറിലാണ്​ യൂറോപ്യൻ ചാമ്പ്യന്മാരെ നിശ്​ചയിച്ചത്​. ഇംഗ്ലണ്ടിന്‍റെ കൗമാര താരം ബുകായോ സാക്ക വിധിനിർണായകമായ അവസാന കിക്ക്​ പാഴാക്കിയതോടെയാണ്​ ഇറ്റലി 53 വർഷത്തിനുശേഷം യൂറോകപ്പിന്‍റെ കിരീടത്തിളക്കത്തിലേറിയത്​.

എന്നാൽ, സാക്ക കിക്കെടുക്കുന്ന വേളയിൽ​ 'തുലഞ്ഞുപോ​ട്ടെ' എന്നർഥം വരുന്ന 'കിരികോച്ചോ' എന്ന വാക്ക്​ കെല്ലീനി ഉറക്കെ പറയുന്നത്​ ഇപ്പോൾ സമൂഹമാധ്യമങ്ങളിൽ നിറയുകയാണ്​. ഫുട്​ബാൾ വൃത്തങ്ങളിൽ ഏറെ പ്രചാരത്തിലുള്ള ശാപവാക്കാണിത്​. സാക്കയെ താൻ പ്രാകിയതായി വ്യക്​തമാക്കി കെല്ലീനി തന്നെ രംഗത്തുവന്നു​. ഇ.എസ്.പി.എന്നിന് നല്‍കിയ അഭിമുഖത്തിൽ താന്‍ സാക്കയെ ശപിച്ചതായി കെല്ലീനി പറഞ്ഞു. സാക്കയുടെ കിക്ക്​ ഇറ്റലി ഗോളി ഡോണരുമ തടഞ്ഞിടുകയായിരുന്നു.

ഇംഗ്ലണ്ടിനെതിരെ പെനാല്‍റ്റി ഷൂട്ടൗട്ടില്‍ 3-2 എന്ന സ്‌കോറിനായിരുന്നു ഇറ്റലിയുടെ വിജയം. 55 വര്‍ഷത്തിന് ശേഷം ഒരു രാജ്യാന്തര കിരീടം നേടാനുള്ള അവസരമാണ്​ സ്വന്തം മണ്ണിൽ ഇംഗ്ലണ്ടിന്​ കൈവിട്ടുപോയത്​. ഇറ്റാലിയൻ നിരയിൽ ബെറാര്‍ഡി, ബൊനൂച്ചി, ബെര്‍ണാഡെസ്‌കി എന്നിവര്‍ ലക്ഷ്യം കണ്ടു. ബെലോട്ടിയുടെയും ജോർജീഞ്ഞോയുടെയും കിക്കുകള്‍ ഇംഗ്ലണ്ട് ഗോളി പിക്ഫോര്‍ഡ് തടുത്തിട്ടു. ഇംഗ്ലീഷ്​ നിരയിൽ ഹാരി കെയ്നും ഹാരി മഗ്വയറു​മാണ്​ വല കുലുക്കിയത്​. മാർക്കസ്​ റാഷ്ഫോര്‍ഡ്, ജാഡൻ സാഞ്ചോ, സാക്ക എന്നിവര്‍ക്ക് പാഴായതോടെയാണ്​ ഇറ്റലി കിരീടത്തിലേറിയത്​.

തോല്‍വിക്കുശേഷം താരങ്ങള്‍ക്കെതിരെ ഇംഗ്ലണ്ട് ആരാധകര്‍ വംശീയാധിക്ഷേപവുമായി രംഗത്തുവന്നത്​ ഏറെ പ്രതിഷേധത്തിന്​ വഴിയൊരുക്കിയിട്ടുണ്ട്​. റാഷ്ഫോര്‍ഡ്, സാഞ്ചോ, സാക്ക എന്നിവർക്കെതിരെയായിരുന്നു വംശീയാധിക്ഷേപം കൂടുതൽ.

എന്താണ്​ 'കിരികോച്ചോ പ്രാക്ക്​'?

അര്‍ജന്‍റീനയിലെ പ്രമുഖ ക്ലബായ എസ്റ്റുഡിയാൻറ്​സ്​ ഡി ലാ പ്ലാറ്റയുടെ ആരാധകനായ യുവാന്‍ കാര്‍ലോസ് കിരികോച്ചോയുമായി ബന്ധപ്പെട്ടാണ് ഫുട്​ബാൾ വൃത്തങ്ങളിൽ ഈ വാക്ക്​ പ്രചാരത്തിലായത്​. 1980കളില്‍ എസ്റ്റുഡിയാൻറ്​സിന്‍റെ കടുത്ത ആരാധകനായിരുന്ന കിരികോച്ചോ ടീമിന്‍റെ പരിശീലന സെഷനുകളിൽവരെ കാണിയായി എത്താറുണ്ടായിരുന്നു. എന്നാൽ, ഇയാൾ പരിശീലനം കാണാൻ വരു​േമ്പാ​െഴാ​െക്ക ത​െന്‍റ കളിക്കാരിൽ പലരും ദുരൂഹമായി പരിക്കിന്‍റെ പിടിയിലകപ്പെടുന്നതായി ക്ലബിന്‍റെ ഹെഡ്​ കോച്ച്​ കാർലോസ്​ ബിലാർഡോക്ക്​ തോന്നിത്തുടങ്ങി.

തുടർന്ന്​ കിരികോച്ചോയോട്​ എതിർടീമുകളുടെ പരിശീലന സെഷനുകളിൽ കാഴ്ചക്കാരനായി പോവാനായി ബിലാർഡോയുടെ നിർദേശം. കിരികോച്ചോയുടെ 'ശക്​തി' അങ്ങനെ തങ്ങൾക്ക്​ അനുകൂലമാക്കി മാറ്റിയെടുത്തെന്നും 1982ൽ തങ്ങൾ ചാമ്പ്യന്മാരായ ശേഷം ടീമിന്‍റെ ഭാഗ്യമുദ്രയായി അവനെ അംഗീകരിച്ചെന്നും ബിലാർഡോ പറഞ്ഞിരുന്നു.