ഛേത്രിയും മനീഷ കല്യാണും 'ഫുട്ബാളർ ഓഫ് ഇയർ'

ന്യൂഡൽഹി: ദേശീയ ടീം ക്യാപ്റ്റൻ സുനിൽ ഛേത്രിയും വനിത ടീം മിഡ്ഫീൽഡർ മനീഷ കല്യാണും അഖിലേന്ത്യ ഫുട്ബാൾ ഫെഡറേഷൻ 'ഫുട്ബാളർ ഓഫ് ഇയർ 2021-22' പുരസ്കാരങ്ങൾക്ക് അർഹരായി. ഛേത്രി ഏഴാം തവണയാണ് പുരസ്കാരത്തിന് അർഹനാവുന്നത്.

മനീഷ സൈപ്രസിലെ ഒന്നാം ഡിവിഷൻ ക്ലബായ അപലോൺ ലേഡീസുമായി ഈയിടെ കരാറൊപ്പിട്ടിരുന്നു. വിക്രം പർതാപ് സിങ്ങിനെയും മാർട്ടിന തോക്ചോമിനെയും എമർജിങ് പ്ലെയേഴ്സായും ക്രിസ്റ്റൽ ജോണിനെയും ഉജ്ജ്വൽ ഹാൽദറെയും മികച്ച റഫറി, അസി. റഫറിമാരായും പ്രഖ്യാപിച്ചു.