ചാമ്പ്യൻസ് ട്രോഫി സെമി; ഗണ്ണേഴ്സിന് പാരിസ് പരീക്ഷ

പാ​രി​സ്: സ്വ​ന്തം മ​ണ്ണി​ൽ കൈ​വി​ട്ട ജ​യം എ​തി​രാ​ളി​ക​ളു​ടെ ത​ട്ട​ക​ത്തി​ൽ വ​ൻ​മാ​ർ​ജി​നി​ൽ തി​രി​ച്ചു​പി​ടി​ച്ച് യൂ​റോ​പ്പി​ന്റെ ചാ​മ്പ്യ​ൻ ​പോ​രാ​ട്ട​ത്തി​ലേ​ക്ക് ടി​ക്ക​റ്റെ​ടു​ക്കാ​ൻ ഗ​ണ്ണേ​ഴ്സ് ഇ​ന്നി​റ​ങ്ങു​ന്നു. ചാ​മ്പ്യ​ൻ​സ് ലീ​ഗ് സെ​മി ര​ണ്ടാം പാ​ദ മ​ത്സ​ര​ത്തി​ൽ പി.​എ​സ്.​ജി​ക്കെ​തി​രെ​യാ​ണ് ആ​ഴ്സ​ന​ലി​ന് പോ​രാ​ട്ടം.

പ്രീ​മി​യ​ർ ലീ​ഗ് വ​മ്പ​ന്മാ​ർ​ക്ക് എ​ളു​പ്പ​മാ​കി​ല്ല ഇ​ന്ന് കാ​ര്യ​ങ്ങ​ളൊ​ന്നും. ആ​ദ്യ ​ക​ളി​യി​ൽ ഉ​സ്മാ​ൻ ഡെം​ബ​ലെ നേ​ടി​യ ഏ​ക ഗോ​ളി​ന് ജ​യം പി​ടി​ച്ച ആ​വേ​ശ​ത്തി​ലാ​ണ് ആ​തി​ഥേ​യ​രാ​യ പി.​എ​സ്.​ജി. സ്വ​ന്തം മൈ​താ​ന​ത്തി​ന്റെ ആ​നു​കൂ​ല്യം മാ​ത്ര​മ​ല്ല, ക​ളി​ക്ക​രു​ത്തി​ലും നി​ല​വി​ൽ പി.​എ​സ്.​ജി ത​ന്നെ ബ​ഹു​ദൂ​രം മു​ന്നി​ൽ. പ്രി​മി​യ​ർ ലീ​ഗി​ൽ പോ​ലും ആ​ഴ്സ​ന​ലി​ന് അ​വ​സാ​ന അ​ഞ്ചു ക​ളി​ക​ളി​ൽ ഒ​രു ജ​യം മാ​ത്ര​മാ​ണ് സ​മ്പാ​ദ്യം. ഏ​റ്റ​വു​മൊ​ടു​വി​ലും തോ​ൽ​വി സ​മ്മ​തി​ച്ചാ​ണ് ടീം ​എ​ത്തു​ന്ന​ത്. മ​റു​വ​ശ​ത്ത്, ലീ​ഗ് വ​ണി​ൽ ക​പ്പും കി​രീ​ട​വും എ​ന്നേ സ്വ​ന്ത​മാ​ക്കി​യ​വ​രാ​ണ് ആ​തി​ഥേ​യ​ർ. അ​വ​സാ​ന ക​ളി​യി​ൽ തോ​ൽ​വി​യാ​യി​രു​ന്നെ​ങ്കി​ലും ഒ​ട്ടും പ്ര​ധാ​ന​മ​ല്ലാ​ത്ത മ​ത്സ​ര​മാ​യി​രു​ന്നു അ​ത്. ചാ​മ്പ്യ​ൻ​സ് ലീ​ഗ് സെ​മി ക​ളി​ച്ച ടീ​മി​ലെ 10 പേ​രെ പു​റ​ത്തി​രു​ത്തി​യാ​ണ് അ​ന്ന് ലൂ​യി എ​ന്റി​ക്വ ആ​ദ്യ ഇ​ല​വ​നെ ഇ​റ​ക്കി​യി​രു​ന്ന​തും. സീ​സ​ൺ മു​ഴു​ക്കെ തോ​ൽ​വി​യ​റി​യാ​തെ കു​തി​ച്ച ടീ​മി​ന് ഒ​രു തോ​ൽ​വി ന​ഷ്ട​ങ്ങ​ളൊ​ന്നും വ​രു​ത്തി​ല്ല എ​ന്ന​തും പ്ര​ധാ​നം.

ഇ​രു ടീ​മു​ക​ളും ചാ​മ്പ്യ​ൻ​സ് ലീ​ഗ് ച​രി​ത്ര​ത്തി​ലെ ര​ണ്ടാം ഫൈ​ന​ലാ​ണ് ല​ക്ഷ്യം വെ​ക്കു​ന്ന​ത്. പി.​എ​സ്.​ജി ക​ഴി​ഞ്ഞ ത​വ​ണ​യും സെ​മി വ​രെ​യെ​ത്തി​യെ​ങ്കി​ലും ബു​ണ്ട​സ് ലി​ഗ ടീ​മാ​യ ബൊ​റൂ​സി​യ ഡോ​ർ​ട്മു​ണ്ടി​നോ​ട് തോ​റ്റ് മ​ട​ങ്ങു​ക​യാ​യി​രു​ന്നു. ര​ണ്ടാം സെ​മി​യി​ൽ ആ​ദ്യ പാ​ദ ഇ​ല​വ​ൻ ത​ന്നെ​യാ​കും പി.​എ​സ്.​ജി​ക്കാ​യി ഇ​റ​ങ്ങു​ക. ആ​ദ്യ ക​ളി​യി​ൽ ഗോ​ള​ടി​ച്ച ഡെം​ബ​ലെ പ​രി​ക്ക് ഭീ​ഷ​ണി​യി​ലാ​ണ്. എ​ന്നാ​ൽ, തി​ങ്ക​ളാ​ഴ്ച മു​ത​ൽ താ​രം പ​രി​ശീ​ല​ന​ത്തി​നാ​യി ഇ​റ​ങ്ങി​യി​ട്ടു​ണ്ട്. ഡോ​ണ​റു​മ്മ, ഹ​കീ​മി, മാ​ർ​ക്വി​ഞ്ഞോ​സ്, പാ​ച്ചോ, മെ​ൻ​ഡെ​സ്, നെ​വ​സ്, വി​റ്റി​ഞ്ഞ, ഫാ​ബി​യ​ൻ, ഡോ​വു, ഡെം​ബ​ലെ, ക്വാ​ര​റ്റ്ക്ഷ​ലി​യ എ​ന്നി​വ​രാ​കും സാ​ധ്യ​ത ഇ​ല​വ​ൻ.

ഗ​ണ്ണേ​ഴ്സ് ടീ​മി​ൽ ജൂ​റി​യ​ൻ ടിം​ബ​റൊ​ഴി​കെ മാ​റ്റ​ങ്ങ​ളു​ണ്ടാ​കി​ല്ല. പ​രി​ക്കേ​റ്റ താ​ര​ത്തി​ന്റെ സാ​ന്നി​ധ്യ​വും സാ​ധ്യ​മെ​ങ്കി​ൽ കോ​ച്ച് ആ​ർ​ട്ടേ​റ്റ ഉ​റ​പ്പാ​ക്കും. മ​ധ്യ​നി​ര​യി​ൽ തോ​മ​സ് പാ​ർ​ട്ടി ഇ​റ​ങ്ങും. സാ​ക്ക, മാ​ർ​ട്ടി​നെ​ല്ലി എ​ന്നി​വ​ർ​ക്കൊ​പ്പം മൈ​ക്ക​ൽ മെ​റി​നോ​യും ഡെ​ക്ലാ​ൻ റൈ​സും ചേ​രു​മ്പോ​ൾ ആ​ക്ര​മ​ണം ക​ടു​ക്കും.

എ​ന്നാ​ലും പ​രി​ക്കു​മാ​യി പു​റ​ത്തി​രി​ക്കു​ന്ന കെ​യ് ഹാ​വ​ർ​ട്സ്, ഗ​ബ്രി​യേ​ൽ, ഗ​ബ്രി​യേ​ൽ ജീ​സ​സ് എ​ന്നി​വ​രു​ടെ അ​ഭാ​വം ടീ​മി​ന് ന​ഷ്ട​മാ​കും. ഗോ​ളി ഡേ​വി​ഡ് റാ​യ​യു​ടെ മി​ക​വ് ത​ന്നെ​യാ​ണ് ടീം ​കാ​ത്തി​രി​ക്കു​ന്ന​ത്. റാ​യ, ടിം​ബ​ർ, സാ​ലി​ബ, കി​വി​യ​ർ, ലൂ​യി​സ് സ്കെ​ല്ലി, പാ​ർ​ട്ടി, റൈ​സ്, ഓ​ഡി​ഗാ​ർ​ഡ്, സാ​ക്ക, മെ​റി​നോ, മാ​ർ​ട്ടി​നെ​ല്ലി എ​ന്നി​വ​രാ​ണ് സാ​ധ്യ​ത ഇ​ല​വ​ൻ. മേ​യ് 31നാ​ണ് ഫൈ​ന​ൽ.