'എട്ടി​​​െൻറ' കളി തുടർന്ന്​ ബയേൺ; ഷാൾകെയെ തോൽപിച്ചത്​ 8-0ത്തിന്​

ബെർലിൻ: ചാമ്പ്യൻസ്​ ലീഗ്​ കിരീടത്തോടെ കഴിഞ്ഞ സീസൺ അവസാനിപ്പിച്ച അതേ പോയൻറിൽ പുതു സീസണിലേക്ക്​ കിക്കോഫ്​ കുറിച്ച്​ ബയേൺ മ്യുണിക്​. പുതിയ സീസൺ ബുണ്ടസ്​ ലിഗയിലെ ആദ്യമത്സരത്തിൽ ഷാൽകെ വലയിൽ എട്ട്​ ​േഗാളുകൾ നിക്ഷേപിച്ച്​ ബയേണി​െൻറ പടയോട്ടത്തിന്​ റീസ്​റ്റാർട്ട്​ വിളിച്ചു.

ചാമ്പ്യൻസ്​ ലീഗ്​ കിരീടവും, ബാഴ്​സലോണക്കെതിരായ 8-2​െൻറ ജയവുമെല്ലാമായി സീസൺ അവസാനിപ്പിച്ച ബയേൺ, അതേ ഗ​തിവേഗത്തിൽ പുതു ഫുട്​ബാൾ വർഷത്തിനും തുടക്കമിട്ടു. സെർജി നാബ്രി ഹാട്രികും, റോബർട്​ ലെവൻഡോവ്​സ്​കി, ലെറോയ്​ സാനെ, തോമസ്​ മ്യൂളർ, ലിയോൺ​ ഗൊരസ്​ക, ജമാൽ മുസിയാല എന്നിവർ ഒ​ാരോ ഗോളും നേടി പട്ടിക തികച്ചു. 17കാരനായ ഇംഗ്ലീഷ്​ താരം ജമാൽ മുസിയാല ബയേണി​െൻറ ഏറ്റവും പ്രായം കുറഞ്ഞ ഗോൾ സ്​കോററുമായി.