ബ്ര​സീ​ൽ താ​ര​ങ്ങ​ളെ 'ഓ​ട്ടോ​യി​ലാ​ക്കി' മു​ഹ​മ്മ​ദാ​ലി

കോ​ട്ട​ക്ക​ൽ: ലോ​ക​ക​പ്പ് ആ​വേ​ശ​​​ത്തോ​ട​നു​ബ​ന്ധി​ച്ച് സ്വ​ന്തം താ​ര​ങ്ങ​ളെ 'ഓ​ട്ടോ​റി​ക്ഷ​യി​ൽ' ക​യ​റ്റി നാ​ടു​ചു​റ്റാ​നി​റ​ങ്ങു​ക​യാ​ണ് ക​ടു​ത്ത ബ്ര​സീ​ൽ ആ​രാ​ധ​ക​നാ​യ ക​പ്പേ​ക്കാ​ട​ൻ മു​ഹ​മ്മ​ദ​ലി. നെ​യ്മ​ർ അ​ട​ക്ക​മു​ള്ള താ​ര​ങ്ങ​ളു​ടെ ചി​ത്ര​ങ്ങ​ള​ട​ക്കം പ​തി​ച്ച് പെ​യി​ൻ​റു​മ​ടി​ച്ച​തോ​ടെ മൊ​ത്ത​ത്തി​ൽ 'ക​ള​റാ​യ' ഓ​ട്ടോ ബു​ധ​നാ​ഴ്ച നി​ര​ത്തി​ലെ​ത്തും. ഇ​ഷ്ട ടീ​മി​ന്റെ പ​താ​ക​യു​ടെ നി​റ​ങ്ങ​ളാ​യ പ​ച്ച​യും മ​ഞ്ഞ​യും നീ​ല​യും ഉ​ൾ​പ്പെ​ടു​ത്തി​യാ​ണ് ഓ​ട്ടോ​യു​ടെ മു​ക​ൾ ഭാ​ഗം ഒ​രു​ക്കി​യി​ട്ടു​ള്ള​ത്. വി​വി​ധ വ​ശ​ങ്ങ​ളി​ൽ ഘ​ടി​പ്പി​ച്ച സ്റ്റീ​ൽ പ്ലെ​യി​റ്റു​ക​ളി​ലാ​ണ് മെ​ക്കാ​നി​ക്ക് കൂ​ടി​യാ​യ മു​ഹ​മ്മ​ദ​ലി​യു​ടെ ക​ര​വി​രു​തു​ക​ളു​ള്ള​ത്.

ക​ണ്ടു​ക​ഴി​ഞ്ഞാ​ൽ വൈ​ദ്യു​തി​യി​ൽ ഓ​ടു​ന്ന പു​തി​യ ഓ​ട്ടോ​റി​ക്ഷ​യാ​ണെ​ന്ന് തോ​ന്നും. അ​ത്ത​രം ഓ​ട്ടോ ഒ​രു​മാ​സ​ത്തേ​ക്ക് കി​ട്ടു​മോ​യെ​ന്ന് അ​ന്വേ​ഷി​ച്ചു പ​രാ​ജ​യ​പ്പെ​ട്ട ശേ​ഷ​മാ​ണ് സ്വ​ന്തം ഓ​ട്ടോ​യി​ൽ പ​ണി​തു​ട​ങ്ങി​യ​ത്. ഇ​തു​വ​രെ ചെ​ല​വാ​യ​ത് പ​തി​നാ​യി​ര​ത്തി​ല​ധി​കം രൂ​പ.

ക​ളി​യാ​വേ​ശം ക​ഴി​ഞ്ഞാ​ൽ ഓ​ട്ടോ പ​ഴ​യ രൂ​പ​ത്തി​ലാ​ക്ക​ണം. അ​തി​നും ചെ​ല​വേ​റെ. ഓ​രോ ലോ​ക​ക​പ്പി​നും വ്യ​ത്യ​സ്ത ആ​ശ​യ​ങ്ങ​ളു​മാ​യാ​ണ് മു​ഹ​മ്മ​ദ​ലി എ​ത്തു​ക. 2018ൽ ​കാ​ൽ ല​ക്ഷം രൂ​പ ചെ​ല​വാ​ക്കി പ്രീ​മി​യ​ർ മോ​ഡ​ൽ കാ​റാ​ണ് ബ്ര​സീ​ലി​ന്റെ പ​താ​ക​യു​ടെ നി​റ​മാ​ക്കി മാ​റ്റി​യ​ത്. നെ​യ്മ​മ​ർ ഉ​ൾ​പ്പെ​ടെ​യു​ള്ള​വ​രു​ടെ സ്റ്റി​ക്ക​റും പ​തി​പ്പി​ച്ചു. ഇ​തോ​ടെ അ​ർ​ജ​ന്റീ​ന ആ​രാ​ധ​ക​രും അ​ന്ന് രം​ഗ​ത്തെ​ത്തി. 25,000 രൂ​പ ചെ​ല​വ​ഴി​ച്ച് മാ​രു​തി കാ​ർ അ​ർ​ജ​ന്റീ​ന​യു​ടേ​താ​ക്കി​യാ​ണ് അ​ന്ന് മ​ത്സ​രം സ​മ​നി​ല​യി​ലാ​ക്കി​യ​ത്.

2010ൽ ​ആ​രം​ഭി​ച്ച​താ​ണ് ഈ ​ആ​വേ​ശം. തു​ച്ഛ​വ​രു​മാ​ന​ത്തി​ൽ ക​ഴി​യു​ന്ന മു​ഹ​മ്മ​ദ​ലി​ക്ക് ഖ​ത്ത​റി​ൽ ന​ട​ക്കു​ന്ന സ്വ​ന്തം ടീ​മി​ന്റെ ഒ​രു​ക​ളി​യെ​ങ്കി​ലും നേ​രി​ട്ട് കാ​ണ​ണ​മെ​ന്നാ​ഗ്ര​ഹ​മു​ണ്ട്. എ​ങ്ങ​നെ​യെ​ന്ന ചോ​ദ്യ​ത്തി​ന് ഉ​ത്ത​ര​മി​ല്ല.