Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightബ്രസീലിൽ വിമാനപകടത്തിൽ...

ബ്രസീലിൽ വിമാനപകടത്തിൽ നാലു ഫുട്ബാൾ താരങ്ങളടക്കം അഞ്ചു മരണം

text_fields
bookmark_border
ബ്രസീലിൽ വിമാനപകടത്തിൽ നാലു ഫുട്ബാൾ താരങ്ങളടക്കം അഞ്ചു മരണം
cancel

റയോ ഡി ജനീറോ: ലോക​ത്തി​െൻറ ഫുട്​ബാൾ സ്വപ്​നഭൂമിയായ ബ്രസീലിൽ താരങ്ങളെയൂം ക്ലബ്​ പ്രസിഡൻറിനെയും തട്ടിയെടുത്ത്​ വീണ്ടും വിമാന ദുരന്തം. നാലാം ഡിവിഷൻ ടീമായ പാൽമാസ്​ പ്രസിഡൻറും താരങ്ങളും സഞ്ചരിച്ച ചെറുവിമാനമാണ്​ ബ്രസീലിലെ വടക്കൻ സംസ്​ഥാനമായ ടോകാൻടിൻസിൽ ടേക്കോഫിനിടെ കുഴിയിൽ പതിച്ചത്​. പറന്നുയരാൻ റൺവേയി​ൽ അതിവേഗം നീങ്ങിയ വിമാനം അവസാന ഭാഗത്ത്​ ഉയർന്നുതുടങ്ങിയ ഉടൻ​ തൊട്ടുചേർന്നുള്ള വൻ ഗർത്തത്തിലേക്ക്​ കുത്തനെ മൂക്കുകുത്തുകയായിരുന്നു.

വില നോവ ക്ലബുമായി ഗൊലാനിയയിൽ മത്സരത്തിന്​ താരങ്ങളുമായി പോയതായിരുന്നു വിമാനം. ദിവസങ്ങൾക്ക്​ മുമ്പ്​ കോവിഡ്​ പരിശോധനയിൽ പോസിറ്റീവായ താരങ്ങൾ വിമാനത്തിലായിരുന്നു യാത്ര ചെയ്​തത്​. ഇവർക്ക്​ ക്വാറൻറീൻ കാലാവധി ഞായറാഴ്​ച അവസാനിക്കേണ്ടതായിരുന്നു. ഈ ദിനത്തിലായിരുന്നു നാലു പേരുടെയും ജീവനെടുത്ത്​ വൻ ദുരന്തം. ലുക്കാസ്​ പ്രാക്​സിഡിസ്​, ഗുൽഹേം നോ, മാർക്​ മൊളിനാരി, റാന്യൂൾ എന്നീ താരങ്ങൾക്ക്​ പുറമെ ക്ലബ്​ പ്രസിഡൻറ്​ ലൂകാസ്​ മേരയും വൈമാനികനും ദുരന്തത്തിനിരയായി.

ഒരാൾ പോലും രക്ഷപ്പെട്ടില്ലെന്ന്​ രക്ഷാ പ്രവർത്തനത്തിന്​ നേതൃത്വം നൽകിയ അധികൃതർ അറിയിച്ചു. മറ്റു താരങ്ങൾ മറ്റൊരു വിമാനത്തിൽ പുറപ്പെടാനിരുന്നതാണ്​.

1997ൽ നിലവിൽ വന്ന പാൽമാസ്​ ബ്രസീൽ നിലവിൽ നാലാം ഡിവിഷനിലാണ്​ കളിക്കുന്നത്​. ആറു പേർക്ക്​ യാത്ര ചെയ്യാവുന്ന വിമാനം ദുരന്തത്തിൽ പെടാൻ കാരണം വ്യക്​തമല്ല. റൺവേയിൽനിന്ന്​ 500 മീറ്റർ മാത്രം അകലെ കുഴിയിൽ വീണ വിമാനം വൈകാതെ അഗ്​നി വിഴുങ്ങി. രണ്ടു സ്​ഫോടനങ്ങൾ കേട്ടതായി പരിസര വാസികൾ പറഞ്ഞു.

2016ൽ ചാപെസെൻസ്​ ക്ലബി​െൻറ 19 താരങ്ങൾ വിമാന ദുരന്തത്തിൽ മരിച്ചിരുന്നു. തെക്കേ അമേരിക്കൻ ടൂർണമെൻറ്​ കലാ​ശപ്പോരാട്ടത്തിനായി കൊളംബിയയിലേക്ക്​ യാത്രക്കിടെ ഇന്ധനം തീർന്നായിരുന്നു വിമാനം തകർന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:plane crashBrazil
Next Story