കോപ ലിബർ​ട്ടഡോറസിൽ ബൊട്ട​ഫോഗോ മുത്തം

സ​​വോ പോ​ളോ: ക​ളി തു​ട​ങ്ങി 30ാം സെ​ക്ക​ൻ​ഡി​ൽ 10 പേ​രാ​യി ചു​രു​ങ്ങി​യി​ട്ടും ക​രു​ത്ത​രാ​യ അ​റ്റ്ല​റ്റി​കോ മി​​നെ​യ്റോ​യെ വീ​ഴ്ത്തി ലാ​റ്റി​ൻ അ​മേ​രി​ക്ക​ൻ ചാ​മ്പ്യ​ൻ പ​ട്ട​മേ​റി സാം​ബ ക്ല​ബാ​യ ബൊ​ട്ടാ​ഫോ​ഗോ. അ​ർ​ജ​ന്റീ​ന​യി​ലെ മൊ​​ണൂ​മെ​ന്റ​ൽ മൈ​താ​ന​ത്ത് ര​ണ്ട് ബ്ര​സീ​ൽ ക്ല​ബു​ക​ൾ കൊ​മ്പു​കോ​ർ​ത്ത ആ​വേ​​ശ​പ്പോ​രി​ലാ​ണ് ഒ​ന്നി​നെ​തി​രെ മൂ​ന്നു ഗോ​ളി​ന് ടീം ​ജ​യം പി​ടി​ച്ച​ത്. ജേ​താ​ക്ക​ളാ​യ ബൊ​ട്ട​​ഫോ​ഗോ​ക്ക് ക്ല​ബ് ലോ​ക​ക​പ്പി​ൽ പ​​ങ്കെ​ടു​ക്കാം.

ആ​ദ്യ വി​സി​ൽ മു​ഴ​ങ്ങി പ​ന്തു​രു​ണ്ടു തു​ട​ങ്ങി​യ​പ്പോ​ഴേ​ക്ക് ബൊ​ട്ട​​ഫോ​ഗോ നി​ര​യി​ൽ ജോ​ർ​ജ് ചു​വ​പ്പു കാ​ർ​ഡ് വാ​ങ്ങി തി​രി​ച്ചു​ക​യ​റി. എ​തി​ർ താ​രം ഫോ​സ്റ്റോ വെ​ര​ക്കെ​തി​രെ​യാ​യി​രു​ന്നു മാ​ര​ക ഫൗ​ൾ. എ​ണ്ണ​ത്തി​ലെ ആ​നു​കൂ​ല്യം എ​തി​ർ​ഗോ​ൾ​മു​ഖ​ത്ത് അ​വ​സ​ര​മാ​ക്കാ​നു​ള്ള മി​​നെ​യ്റോ ടീ​മി​ന്റെ ശ്ര​മ​ങ്ങ​ൾ​ക്കു പ​ക്ഷേ, അ​ധി​കം ആ​യു​സ്സു​ണ്ടാ​യി​ല്ല. കാ​ലി​ൽ മാ​ന്ത്രി​ക​ത​യു​മാ​യി മൈ​താ​നം നി​റ​ഞ്ഞ ബൊ​ട്ട​​ഫോ​ഗോ 35ാം മി​നി​റ്റി​ൽ ലീ​ഡ് പി​ടി​ച്ചു.

തി​യാ​ഗോ അ​ൽ​മാ​ഡ​യു​ടെ പാ​സി​ൽ ലൂ​യി​സ് ഹെ​ന്റി​ക് ആ​യി​രു​ന്നു സ്കോ​റ​ർ. ഏ​ഴു മി​നി​റ്റി​നി​ടെ ടീ​മി​ന് ഒ​രു പെ​നാ​ൽ​റ്റി​യും ല​ഭി​ച്ചു. കി​ക്കെ​ടു​ത്ത മു​ൻ മാ​ഞ്ച​സ്റ്റ​ർ യു​നൈ​റ്റ​ഡ് താ​രം അ​ല​ക്സ് ടെ​ല​സ് പ​ന്ത് അ​നാ​യാ​സം വ​ല​യി​ലെ​ത്തി​ച്ച​തോ​ടെ ലീ​ഡ് 2-0 ആ​യി.

ഇ​ട​വേ​ള ക​ഴി​ഞ്ഞ​യു​ട​ൻ മി​നെ​യ്റോ​ക്കാ​യി​രു​ന്നു അ​വ​സ​ര​ങ്ങ​ൾ. എ​ഡ്വോ​ഡോ വ​ർ​ഗാ​സ് ഗോ​ൾ നേ​ടി​യ​തോ​ടെ പോ​രാ​ട്ടം ക​ന​ത്തെ​ങ്കി​ലും ഇ​രു​വ​ശ​ത്തും ഓ​രോ ഗോ​ൾ കൂ​ടി വീ​ണ് ക​ളി അ​വ​സാ​നി​ച്ചു. സെ​ർ​ബ് ടെ​ന്നി​സ് താ​രം നൊ​വാ​ക് ദ്യോ​കോ​വി​ച് കാ​ഴ്ച​ക്കാ​ര​നാ​യി എ​ത്തി​യ മ​ത്സ​രം കൂ​ടി​യാ​യി​രു​ന്നു ഫൈ​ന​ൽ.

അ​ർ​ജ​ന്റീ​ന​യി​ൽ പ്ര​ദ​ർ​ശ​ന മ​ത്സ​ര​ത്തി​നാ​യി എ​ത്തി​യ ദ്യോ​കോ ഗ്രൗ​ണ്ടി​ലേ​ക്ക് ട്രോ​ഫി ആ​ന​യി​ക്കു​ന്ന ച​ട​ങ്ങി​ലും പ​ങ്കാ​ളി​യാ​യി.