ഒന്നാം സ്ഥാനം ലക്ഷ്യമിട്ട്​ ബ്ലാസ്​റ്റേഴ്​സ്

വാ​സ്​​കോ: ക​ഴി​ഞ്ഞ ക​ളി​യി​ലെ അ​തേ സാ​ധ്യ​ത​യി​ലാ​ണ്​ കേ​ര​ള ബ്ലാ​സ്​​റ്റേ​ഴ്​​സ്​ ഇ​ന്ന്​ ഐ.​എ​സ്.​എ​ല്ലി​ൽ അ​ങ്ക​ത്തി​നി​റ​ങ്ങു​ന്ന​ത്. ജ​യി​ച്ചാ​ൽ പോ​യ​ന്‍റ്​ പ​ട്ടി​ക​യി​ൽ മു​മ്പ​ന്മാ​രാ​യ മും​ബൈ​ക്ക്​ ഒ​പ്പം പി​ടി​ക്കാം. മൂ​ന്നു ഗോ​ൾ വ്യ​ത്യാ​സ​ത്തി​ൽ ജ​യി​ച്ചാ​ൽ ഒ​റ്റ​ക്ക്​ ഒ​ന്നാം സ്ഥാ​ന​ത്തേ​ക്ക്​ ക​യ​റാം. സ​മ​നി​ല​യാ​ണെ​ങ്കി​ൽ മൂ​ന്നാം സ്ഥാ​നം കൊ​ണ്ടു​ തൃ​പ്തി​പ്പെ​ട​ണം.

നി​ല​വി​ൽ 13 പോ​യ​ന്‍റു​മാ​യി അ​ഞ്ചാം സ്ഥാ​ന​ത്തു​ള്ള ബ്ലാ​സ്​​റ്റേ​ഴ്​​സി​ന്​ എ​ട്ടു പോ​യ​ന്‍റു​മാ​യി എ​ട്ടാ​മ​തു​ള്ള എ​ഫ്.​സി ഗോ​വ​യാ​ണ്​ എ​തി​രാ​ളി​ക​ൾ. 13 പോ​യ​ന്‍റും ഒ​രു ഗോ​ൾ കൂ​ടു​ത​ലു​മാ​യി ബ്ലാ​സ്​​​റ്റേ​ഴ്​​സി​ന്‍റെ തൊ​ട്ടു​മു​ന്നി​ലു​ള്ള ജാം​ഷ​ഡ്​​പു​ർ എ​ഫ്.​സി​യും 11 പോ​യ​ന്‍റു​മാ​യി തൊ​ട്ടു​പി​റ​കി​ലു​ള്ള ചെ​ന്നൈ​യി​ൻ എ​ഫ്.​സി​യും ത​മ്മി​ലാ​ണ്​ ഞാ​യ​റാ​ഴ്ച​ത്തെ ര​ണ്ടാം മ​ത്സ​രം. ഈ ​മ​ത്സ​ര​ഫ​ല​വും ബ്ലാ​സ്​​റ്റേ​ഴ്​​സി​ന്‍റെ സ്ഥാ​ന​ത്തെ ബാ​ധി​ക്കാം.

ആ​ദ്യ ക​ളി​യി​ൽ എ.​ടി.​കെ മോ​ഹ​ൻ ബ​ഗാ​നോ​ട്​ തോ​റ്റ​ശേ​ഷം ഏ​ഴു മ​ത്സ​ര​ങ്ങ​ളി​ൽ പ​രാ​ജ​യം രു​ചി​ക്കാ​ത്ത ബ്ലാ​സ്​​റ്റേ​ഴ്​​സ്​ മി​ക​ച്ച ഫോ​മി​ലാ​ണ്. ക​രു​ത്ത​രാ​യ മും​ബൈ​യെ​യും ചെ​ന്നൈ​യി​നെ​യും ആ​ധി​കാ​രി​ക​മാ​യി തോ​ൽ​പി​ച്ച ഇ​വാ​ൻ വു​കോ​മാ​നോ​വി​ചി​ന്‍റെ ടീം ​ജാം​ഷ​ഡ്​​പു​രു​മാ​യി പോ​യ​ന്‍റ്​ പ​ങ്കു​വെ​ച്ചെ​ങ്കി​ലും മി​ക​ച്ച ക​ളി​യാ​യി​രു​ന്നു കെ​ട്ട​ഴി​ച്ച​ത്.

പ്ര​തി​രോ​ധ​ത്തി​ന്‍റെ കെ​ട്ടു​റ​പ്പും മ​ധ്യ​നി​ര​യു​ടെ ഭാ​വ​ന​യും മു​ൻ​നി​ര​യു​ടെ പ്ര​ഹ​ര​ശേ​ഷി​യും സ​മ്മേ​ളി​ക്കു​ന്ന ക​ളി​യാ​യി​രു​ന്നു മ​ഞ്ഞ​പ്പ​ട മും​ബൈ​ക്കും ചെ​ന്നൈ​യി​നു​മെ​തി​രെ പു​റ​ത്തെ​ടു​ത്ത​ത്. ഇ​തേ ക​ളി​യാ​ണ്​ ഗോ​വ​ക്കെ​തി​രെ ആ​രാ​ധ​ക​ർ പ്ര​തീ​ക്ഷി​ക്കു​ന്ന​ത്. അ​ൽ​വാ​രോ വാ​സ്ക്വ​സി​ന്‍റെ​യും സ​ഹ​ൽ അ​ബ്​​ദു​സ്സ​മ​ദി​ന്‍റെ​യും ഹോ​ർ​ഹെ പെ​രീ​ര ഡ​യ​സി​ന്‍റെ​യും സ്​​കോ​റി​ങ്​ മി​ക​വ്​ തു​ണ​ച്ചാ​ൽ ബ്ലാ​സ്​​റ്റേ​ഴ്​​സ്​ ക​സ​റും.

മ​റു​വ​ശ​ത്ത്​ ഗോ​വ മു​ൻ സീ​സ​ണു​ക​ളി​ലെ ഫോ​മി​ന്‍റെ നാ​ല​യ​ല​ത്തു​​പോ​ലു​മ​ല്ല. ആ​ദ്യ മൂ​ന്നു ക​ളി​ക​ളി​ലെ തോ​ൽ​വി​ക്കു​ശേ​ഷം ര​ണ്ടു മ​ത്സ​ര​ങ്ങ​ൾ ജ​യി​ച്ചെ​ങ്കി​ലും അ​വ​സാ​ന മൂ​ന്നു ക​ളി​ക​ളി​ൽ ര​ണ്ടു സ​മ​നി​ല​യും ഒ​രു തോ​ൽ​വി​യു​മാ​ണ്​ ഡെ​റി​ക്​ പെ​രേ​ര​യു​ടെ ടീ​മി​ന്‍റെ ക്രെ​ഡി​റ്റി​ലു​ള്ള​ത്. ര​ണ്ടു ഗോ​ളും മൂ​ന്നു അ​സി​സ്റ്റു​മു​ള്ള സ്​​ട്രൈ​ക്ക​ർ ജോ​ർ​ജ്​ ഓ​ർ​ട്ടി​സ്​ സ​സ്​​പെ​ൻ​ഷ​ൻ ക​ഴി​ഞ്ഞ്​ തി​രി​ച്ചെ​ത്തു​ന്ന​ത്​ ഗോ​വ​ക്ക്​ ക​രു​ത്തു​പ​ക​രും. മ​ല​യാ​ളി താ​രം മു​ഹ​മ്മ​ദ്​ നെ​മി​ൽ ഗോ​വ ടീ​മി​ലു​ണ്ട്.