‘ബെസ്​റ്റ്​’ ഷോ

ദോ​ഹ: സീ​സ​ണി​ലെ ഏ​റ്റ​വും മി​ക​ച്ച കോ​ച്ചാ​യും താ​ര​മാ​യും തി​ര​ഞ്ഞെ​ടു​ക്ക​പ്പെ​ട്ട കാ​ർ​ലോ ആ​ഞ്ച​ലോ​ട്ടി​യും വി​നീ​ഷ്യ​സും. ലോ​ക​ക​പ്പ്​ ഫൈ​ന​ലി​ൽ അ​ർ​ജ​ൻ​റീ​ന​ക്കെ​തി​രെ ഒ​റ്റ​യാ​ൾ പ​ട്ടാ​ള​മാ​യി പൊ​രു​തി​വീ​ണ ഓ​ർ​മ​യി​ൽ കി​ലി​യ​ൻ എം​ബാ​പ്പെ.

പി​ന്നെ മോ​ഡ്രി​ചും തി​ബോ ക​ർ​ടു​വ​യും റോ​ഡ്രി​ഗോ​യും ജൂ​ഡ്​ ബെ​ല്ലി​ങ്​​ഹാ​മും റു​ഡി​ഗ​റും വാ​സ്​​ക്വ​സും ഉ​ൾ​പ്പെ​ടെ ലോ​ക​ഫു​ട്​​ബാ​ളി​ലെ സൂ​പ്പ​ർ​താ​ര​ങ്ങ​ളും. ലോ​ക​ക​പ്പ്​ ഫു​ട്​​ബാ​ൾ ഫൈ​ന​ൽ അ​ര​ങ്ങേ​റി​യ​തി​ന്റെ ര​ണ്ടാം വാ​ർ​ഷി​ക​ദി​നം ലു​സൈ​ൽ സ്​​റ്റേ​ഡി​യ​ത്തി​ന്​ മ​റ്റൊ​രു ക​ളി​പ്പെ​രു​ന്നാ​ൾ ത​ന്നെ​യാ​യി​രു​ന്നു.

67,000ത്തോ​ളം പേ​ർ ഇ​രി​പ്പു​റ​പ്പി​ച്ച ലു​സൈ​ലി​ലെ ഗാ​ല​റി​പ്പ​ട​വു​ക​ളി​ൽ വ​ലി​യൊ​രു ശ​ത​മാ​നം മ​ല​യാ​ളി ആ​രാ​ധ​ക​ർ കൂ​ടി​യാ​യ​തോ​ടെ ഖ​ത്ത​ർ വേ​ദി​യാ​യ ലോ​ക​ക​പ്പ്​ ഫു​ട്​​ബാ​ൾ പോ​ലെ​ത​ന്നെ സ​വി​ശേ​ഷ​മാ​യി ഫി​ഫ ഇ​ൻ​റ​ർ​കോ​ണ്ടി​നെ​ന്റ​ൽ ക​പ്പി​ന്റെ ക​ലാ​ശ​പ്പോ​രാ​ട്ട​വും.

യൂ​റോ​പ്യ​ൻ ചാ​മ്പ്യ​ന്മാ​ർ എ​ന്ന പ​കി​ട്ടു​മാ​യി ടൂ​ർ​ണ​മെൻറി​ന്റെ ഫൈ​ന​ലി​ലേ​ക്ക്​ വൈ​ൽ​ഡ്​ കാ​ർ​ഡ്​ എ​​ൻ​ട്രി​യു​മാ​യെ​ത്തി​യ റ​യ​ൽ മ​ഡ്രി​ഡി​ന്​ ഒ​ത്ത എ​തി​രാ​ളി​യാ​യി​രു​ന്നി​ല്ല മെ​ക്​​സി​ക​ൻ ക്ല​ബാ​യ പ​ചൂ​ക. ടൂ​ർ​ണ​മെൻറി​ൽ നേ​ര​ത്തേ പോ​രാ​ട്ടം തു​ട​ങ്ങി​യ​വ​ർ തെ​ക്ക​ന​മേ​രി​ക്ക​ൻ ജേ​താ​ക്ക​ളാ​യ ബോ​ട്ട​ഫോ​ഗോ​യെ​യും ആ​ഫ്രി​ക്ക​ൻ ജേ​താ​ക്ക​ളാ​യ അ​ൽ അ​ഹ്​​ലി​യെ​യും വീ​ഴ്​​ത്തി​യാ​ണ്​ ഫൈ​ന​ലി​ൽ പ്ര​വേ​ശി​ച്ച​ത്.

എ​ന്നാ​ൽ, ക​ലാ​ശ​പ്പോ​രാ​ട്ട​ത്തി​ൽ എ​തി​രാ​ളി​യു​ടെ വ​ലി​പ്പ​ത്തി​ന് മു​ന്നി​ൽ പ​ക​ച്ച പ​ചൂ​ക​യാ​യി. പ്ര​​തി​രോ​ധം ശ​ക്ത​മാ​ക്കി ക​ളി​തു​ട​ങ്ങി​യ പ​ചൂ​ക​ക്ക്​ പ​ക്ഷേ, റ​യ​ലി​ന്റെ പ്ര​തി​ഭാ മി​ക​വി​നെ ത​ട​യാ​നു​ള്ള ശേ​ഷി​യി​ല്ലാ​യി​രു​ന്നു. 37ാം മി​നി​റ്റി​ൽ ആ​ദ്യം കി​ലി​യ​ൻ എം​ബാ​പ്പെ​യി​ലൂ​ടെ വ​ല​കു​ലു​ങ്ങി.

ലോ​ങ്​​റേ​ഞ്ചി​ൽ തു​ട​ങ്ങി കു​റു​കി​യ പാ​സു​മാ​യി പ്ര​തി​രോ​ധം പൊ​ട്ടി​ച്ചു​കൊ​ണ്ട്​ മു​ന്നേ​റി​യ റോ​ഡ്രി​ഗോ, ബെ​ല്ലി​ങ്​ ഹാം ​ട​ച്ചി​ൽ​നി​ന്ന് വി​നീ​ഷ്യ​സി​ലൂ​ടെ പ​ന്ത്​ ബോ​ക്​​സി​നു​ള്ളി​ലേ​ക്ക്. ഗോ​ൾ​​ലൈ​ൻ ക്രോ​സി​ൽ​നി​ന്ന് വി​നീ​ഷ്യ​സ്​ ന​ൽ​കി​യ വൈ​ഡ്​ ഷോ​ട്ട്​ എം​ബാ​പ്പെ​ക്ക്​ ഇ​ട​തു​കാ​ൽ​കൊ​ണ്ട്​ വ​ല​യി​ലേ​ക്ക്​ തൊ​ടു​ക്കേ​ണ്ട ജോ​ലി​യേ ഉ​ണ്ടാ​യി​രു​ന്നു​ള്ളൂ. ഗാ​ല​റി കാ​ത്തി​രു​ന്ന ഗോ​ളി​ന്റെ പി​റ​വി.

ര​ണ്ടാം പ​കു​തി​യി​ലെ 53ാം മി​നി​റ്റി​ൽ റോ​ഡ്രി​ഗോ​യു​ടെ എ​ല്ലാ മാ​ന്ത്രി​ക​ത​യും പ്ര​ക​ട​മാ​ക്കി​യ​താ​യി​രു​ന്നു ര​ണ്ടാം ഗോ​ൾ. മ​ധ്യ​വ​ര ക​ട​ന്ന​തി​ന് പി​ന്നാ​ലെ വാ​ൽ​വെ​ർ​ദെ​യു​ടെ ട​ച്ചി​ലൂ​ടെ​ ബോ​ക്​​സി​ന്​ പു​റ​ത്തെ​ത്തി​യ പ​ന്ത്​ എം​ബാ​പ്പെ ബാ​ക്​ പാ​സി​ലൂ​ടെ റോ​ഡ്രി​ഗോ​ക്ക്​ ന​ൽ​കു​​മ്പോ​ൾ മ​ന​സ്സി​ൽ ബോ​ക്​​സി​നു​ള്ളി​ലേ​ക്ക്​ ഒ​രു ത്രൂ​പാ​സാ​യി​രു​ന്നു. പ​ക്ഷേ, ക​ള​ത്തി​ൽ ക​ണ്ട​ത്​ റോ​ഡ്രി​ഗോ​യു​ടെ നൃ​ത്തം.

മു​ന്നി​ൽ നി​ര​ന്നു​നി​ന്ന അ​ഞ്ച്​ എ​തി​ർ ഡി​ഫ​ൻ​ഡ​ർ​മാ​രെ പ​പ്പ​റ്റ്​​ഷോ​യി​ലെ​ന്ന പോ​ലെ തെ​ന്നി നീ​ക്കി ക​ബ​ളി​പ്പി​ച്ച്​ അ​വ​ർ​ക്ക്​ മു​ക​ളി​ലൂ​ടെ കി​ടി​ല​നൊ​രു ഷോ​ട്ട്. പ​ചൂ​ക നി​ഷ്​​പ്ര​ഭ​മാ​യ നി​മി​ഷം. റ​യ​ലി​ന്റെ മേ​ധാ​വി​ത്വം ഉ​റ​പ്പാ​ക്കു​ക​യും ചെ​യ്​​തു.

84ാം മി​നി​റ്റി​ൽ ഫി​ഫ ബെ​സ്​​റ്റി​ന്റെ ആ​ഘോ​ഷ​മാ​യി വി​നീ​ഷ്യ​സി​ന്റെ പെ​നാ​ൽ​റ്റി ഗോ​ളും പി​റ​ന്ന​തോ​ടെ ലു​സൈ​ലി​ലെ ‘ബെ​സ്​​റ്റ്​ ഷോ’ ​അ​വ​സാ​നി​ച്ചു. പ്ര​ഥ​മ ഫി​ഫ ഇ​ൻ​റ​ർ​കോ​ണ്ടി​നെൻറ​ൽ ക​പ്പ്​ കി​രീ​ട​വു​മാ​യി കോ​ച്ച്​ കാ​ർ​ലോ ആ​ഞ്ച​ലോ​ട്ടി​യു​ടെ ആ​ഘോ​ഷ​വും. റ​യ​ലി​ൽ 15 കി​രീ​ട​വു​മാ​യി ആ​ഞ്ച​ലോ​ട്ടി റെ​ക്കോ​ഡും തി​രു​ത്തി.

ര​ണ്ടു ദി​വ​സ​ങ്ങ​ളി​ലാ​യി തേ​ടി​യെ​ത്തി​യ ര​ണ്ടു നേ​ട്ട​ങ്ങ​ളു​ടെ സ​ന്തോ​ഷ​ത്തി​ലാ​യി​രു​ന്നു കോ​ച്ച്​ ആ​ഞ്ച​ലോ​ട്ടി​യും വി​നീ​ഷ്യ​സ്​ ജൂ​നി​യ​റും ​പ്രീ​മാ​ച്ച്​ വാ​ർ​ത്ത​സ​മ്മേ​ള​ന​ത്തി​നെ​ത്തി​യ​ത്. ടീ​മി​നും സ​ഹ​താ​ര​ങ്ങ​ൾ​ക്കും ന​ന്ദി​പ​റ​ഞ്ഞ ഇ​രു​വ​രും ഈ ​വി​ജ​യം ഓ​രോ സ​ഹ​താ​ര​ങ്ങ​ൾ​ക്കു​മു​ള്ള​താ​ണെ​ന്ന്​ പ്ര​തി​ക​രി​ച്ചു.