ഡോ​ർ​ട്​​മ​ണ്ടി​നെ വീ​ഴ്​​ത്തി ബ​യേ​ൺ മ്യൂ​ണി​ക്​ ജ​ർ​മ​ൻ സൂ​പ്പ​ർ ക​പ്പ്​​ ചാ​മ്പ്യ​ന്മാ​ർ

മ്യൂ​ണി​ക്​: ക​ളി​മൈ​താ​ന​ങ്ങ​ളെ കൊ​റോ​ണ​യെ​ടു​ത്ത 2020ൽ ​അ​ഞ്ചാം കി​രീ​ട​വും ഷെ​ൽ​ഫി​െ​ല​ത്തി​ച്ച്​ ബ​യേ​ൺ തേ​രോ​ട്ടം. ജോ​ഷ്വ കി​മ്മി​ഷ്​ നേ​ടി​യ മാ​സ്​​മ​രി​ക ഗോ​ളി​ൽ ബ​ദ്ധ​വൈ​രി​ക​ളാ​യ ബൊ​റൂ​സി​യ ഡോ​ർ​ട്​​മ​ുണ്ടി​നെ ക​ലാ​ശ​പ്പോ​രി​ൽ 3-2ന്​ ​വീ​ഴ്​​ത്തി ജ​ർ​മ​ൻ സൂ​പ്പ​ർ ക​പ്പാ​ണ്​ ബ​വേ​റി​യ​ൻ ക​രു​ത്ത​ർ അ​വ​സാ​ന​മാ​യി മാ​റോ​ടു​ചേ​ർ​ത്ത​ത്.

സ്വ​ന്തം മൈ​താ​ന​മാ​യ അ​ലി​യ​ൻ​സ്​ അ​റീ​ന​യി​ൽ കോ​റ​ൻ​റീ​ൻ ടൊ​ളീ​സോ​യും തോ​മ​സ്​ മ്യൂ​ള​റും നേ​ടി​യ ഗോ​ളു​ക​ളി​ൽ ആ​ദ്യം മു​ന്നി​ലെ​ത്തി​യ ശേ​ഷം തു​ട​രെ ഗോ​ളു​ക​ൾ വ​ഴ​ങ്ങി സ​മ​നി​ല​യി​ലേ​ക്ക്​ ചു​രു​ങ്ങി​യ​വ​ർ​ക്ക്​ കി​മ്മി​ഷ്​ അ​വ​സാ​ന നി​മി​ഷ​ങ്ങ​ളി​ൽ​ ര​ക്ഷ​ക​നാ​വു​ക​യാ​യി​രു​ന്നു. ജൂ​ലി​യ​ൻ ബ്രാ​ൻ​ഡ്​​റ്റും എ​ർ​ലി​ങ്​ ഹാ​ല​ൻ​ഡു​മാ​യി​രു​ന്നു ഡോ​ർ​ട്​​മു​ണ്ട്​ സ്​​കോ​റ​ർ​മാ​ർ.

22 ക​ളി​ക​ളി​ൽ ഹാ​ല​ൻ​ഡ്​ ടീ​മി​നാ​യി നേ​ടി​യ​ത്​ 19 ഗോ​ളു​ക​ൾ. തു​ട​ർ​ച്ച​യാ​യ 23 ജ​യ​ങ്ങ​ളു​മാ​യി അ​ശ്വ​മേ​ധം തു​ട​ർ​ന്ന ബ​യേ​ൺ ഞാ​യ​റാ​ഴ്​​ച ഹോ​ഫ​ൻ​ഹീ​മി​നു മു​ന്നി​ൽ വ​ൻ​തോ​ൽ​വി ഏ​റ്റു​വാ​ങ്ങി​യി​രു​ന്നു. ഇ​തി​െൻറ ക്ഷീ​ണം തീ​ർ​ത്താ​ണ്​ ബ​യേ​ൺ ക​പ്പു​മാ​യി മ​ട​ങ്ങി​യ​ത്.

എ​ട്ടാം ത​വ​ണ​യും പ​തി​വു​പോ​ലെ ബു​ണ്ട​സ്​ ലി​ഗ​യി​ൽ കി​രീ​ടം​തൊ​ട്ട ടീം ​ജ​ർ​മ​ൻ ക​പ്പ്​, ചാ​മ്പ്യ​ൻ​സ്​ ലീ​ഗ്, യു​വേ​ഫ സൂ​പ്പ​ർ ക​പ്പ്​​ എ​ന്നി​വ​യാ​ണ്​ ഈ ​വ​ർ​ഷം സ്വ​ന്ത​മാ​ക്കി​യ മ​റ്റു കി​രീ​ട​ങ്ങ​ൾ. അ​ഞ്ചു വ​ർ​ഷ​ത്തി​നി​ടെ നാ​ലാം ത​വ​ണ​യാ​ണ്​ സൂ​പ്പ​ർ ക​പ്പ്​​ ജേ​താ​ക്ക​ളാ​കു​ന്ന​ത്. ഡോ​ർ​ട്​​മ​ുണ്ട്​ താ​ര​ങ്ങ​ളാ​യ ജെ​യ്​​ഡ​ൻ സാ​ഞ്ചോ​യും​ ഗോ​ൾ​കീ​പ്പ​ർ റോ​മ​ൻ ബു​​ർ​കി​യും കോ​വി​ഡ്​ ല​ക്ഷ​ണ​ങ്ങ​ൾ കാ​ണി​ച്ച​തി​നെ തു​ട​ർ​ന്ന്​ ഇ​റ​ങ്ങി​യി​രു​ന്നി​ല്ല. പി​ന്നീ​ട്​ ന​ട​ന്ന പ​രി​ശോ​ധ​ന​യി​ൽ ഇ​രു​വ​രും നെ​ഗ​റ്റി​വാ​യി.