പുതുതാരപ്പകിട്ടിൽ താളം കണ്ടെത്തി ബാഴ്സ; ബിൽബാവോക്കെതിരെ നാലുഗോൾ ജയം

ബാഴ്സലോണ: പുതുതാരങ്ങളെത്തിയതോടെ താളം കണ്ടെത്തിത്തുടങ്ങിയ ബാഴ്സലോണക്ക് സ്പാനിഷ് ലാ ലിഗയിൽ തകർപ്പൻ ജയം. അത്‍ലറ്റികോ ബിൽബാവോയെ 4-0ത്തിനാണ് ചാവിയുടെ ടീം തകർത്തത്. പിയറി എംറിക് ഔബമയാങ്, ഉസ്മാനെ ഡെംബലെ, ലൂക് ഡി​യോങ്, മെംഫിസ് ഡിപായ് എന്നിവരാണ് സ്കോർ ചെയ്തത്.

വിയ്യാറയൽ 5-1ന് എസ്പാന്യോളിനെയും സെവിയ്യ 2-1ന് റയൽ ബെറ്റിസിനെയും റയൽ സോസിഡാഡ് 1-0ത്തിന് ഒസാസുനയെയും തോൽപിച്ചു. ഒന്നാമതുള്ള റയൽ മഡ്രിഡിന് (60) പിന്നിൽ സെവിയ്യ (54), റയൽ ബെറ്റിസ് (46), ബാഴ്സ (45), അത്‍ലറ്റികോ മഡ്രിഡ് (45) ടീമുകളാണ് രണ്ടു മുതൽ അഞ്ചു വരെ സ്ഥാനങ്ങളിൽ.