ബാഴ്​സയിൽ ശമ്പളം വെട്ടിക്കുറക്കൽ മേള; പ്രമുഖർക്ക്​ പകുതി പോകും

മഡ്രിഡ്​: പകുതി ശമ്പളത്തിന്​ സൂപർ താരം ലയണൽ മെസ്സിയെ നിലനിർത്തിയതിന്​ പിന്നാലെ കറ്റാലൻ ക്ലബിൽ ശമ്പളം വെട്ടിക്കുറക്കൽ മാമാങ്കം. സാമ്പത്തിക പ്രതിസന്ധിയു​െട നടുക്കയത്തിൽ അതല്ലാതെ പോംവഴിയില്ലെന്നുവന്നതോടെയാണ്​ പ്രമുഖരുൾ​പെടെ താരങ്ങൾക്ക്​ വേതനം കുറക്കാൻ തീരുമാനം. ജെറാർഡ്​ പീക്വേ, സെർജിയോ ബുസ്​കെറ്റ്​സ്​, സെർജിയോ റോബർ​ട്ടോ, ജോർഡി ആൽബ തുടങ്ങിയവര​ുടെ മാനേജർമാരുമായി ക്ലബ്​ ഭാരവാഹികൾ ഇതിനകം സംസാരിച്ചുകഴിഞ്ഞതായാണ്​ റിപ്പോർട്ട്​. ഇവർ 40 ശതമാനമെങ്കിലും കുറക്കേണ്ടിവരുമെന്നാണ്​ സൂചന. പുതിയ കരാറിൽ 50 ശതമാനം കുറച്ച്​ ശമ്പളത്തിന്​ മെസ്സി സന്നദ്ധത അറിയിച്ചിട്ടുണ്ട്​.

താരങ്ങളുമായി ഈ ആഴ്ച ചർച്ച തുടരും. വൈകാതെ അന്തിമ തീരുമാന​ത്തിലെത്താനാകുമെന്ന്​ ക്ലബ്​ പ്രതീക്ഷിക്കുന്നു. താരങ്ങളിൽ പലരും വേതനം വെട്ടിക്കുറക്കുന്നതിന്​ എതിരാണെന്നാണ്​ സുചന.