സെർജിയോ അഗ്യൂറോക്ക്​ മത്സരത്തിനിടെ നെഞ്ചുവേദന

മഡ്രിഡ്​: ബാഴ്​സലോണയുടെ അർജന്‍റീനൻ താരം സെർജിയോ അഗ്യൂറോക്ക്​ മത്സരത്തിനിടെ നെഞ്ചുവേദന. ലാലിഗയിൽ ഡിപോർടിവോ അലാവസിനെതിരായ മത്സരത്തിലാണ്​ സംഭവം.

കടുത്ത ശ്വാസ തടസവും നേരിട്ടതോടെ മെഡിക്കൽ ടീം മൈതാനത്തെത്തി പ്രാഥമിക ശ്രുശൂഷ നൽകി. മത്സരത്തിന്‍റെ 40ാം മിനിറ്റിലാണ്​ അഗ്യൂറോക്ക്​ ശാരീരിക പ്രശ്​നങ്ങൾ അനുഭവപ്പെട്ടത്​.

കളിക്കളത്തില്‍ നിന്നു കയറിയ അദ്ദേഹത്തെ ആശുപത്രിയിലേക്ക് കൊണ്ടുപോകുകയും ചെയ്തു. താരത്തെ കാര്‍ഡിയാക് ടെസ്റ്റിന് വിധേയമാക്കി. എന്നാൽ, ഗുരുതര സാഹര്യമില്ലെന്ന്​ ബാഴ്​സലോണ അധികൃതർ പിന്നീട്​ അറിയിച്ചു.