ബാഴ്​സ, റയൽ, യുവൻറസ്​ ടീമുകൾക്ക്​ വിലക്ക്​ ഭീഷണി

മഡ്രിഡ്​: യൂറോപ്യൻ സൂപ്പർ ലീഗി​െൻറ പേരിൽ പ്രബലരായ റയൽ മഡ്രിഡ്​, ബാഴ്​സലോണ, യുവൻറസ്​ ടീമുകൾക്കെതിരെ യുവേഫ വിലക്ക്​ മുന്നറിയിപ്പ്​. ടൂർണമെൻറിലെ സ്​ഥാപകാംഗങ്ങളായ 12ൽ ഒമ്പത്​ ടീമുകളും പിൻവാങ്ങിയെങ്കിലും ഇൗ മൂവർ സംഘം ഇതുവരെ തീരുമാനം മാറ്റിയിട്ടില്ല. വിമത ലീഗ്​ നീക്കത്തിനു ശേഷം യുവേഫ മുന്നോട്ടുവെച്ച പുനഃസംയോജനത്തിനുള്ള ഒത്ത​ുതീർപ്പ്​ നിർദേശങ്ങൾ തള്ളിയ ക്ലബുകൾക്കെതിരെ ചാമ്പ്യൻസ്​ ലീഗ്​ ഉൾപ്പെടെയുള്ള ടൂർണമെൻറുകളിൽ വിലക്ക്​ ഏർപ്പെടുത്തുമെന്നാണ്​ സൂചന.

വിമതപ്രവർത്തനങ്ങൾക്ക്​ ശ്രമിച്ചതിന്​ യുവേഫയുടെ ശിക്ഷ നടപടിയായി പിഴ നൽകാൻ മൂന്ന്​ ക്ലബുകൾ ഒഴികെയുള്ളവർ സമ്മതിച്ചു.ഗ്രാസ്​റൂട്ട്​ ഫുട്​ബാൾ വികസനത്തിനായി 15ദശലക്ഷം യൂറോ നീക്കിവെക്കുക, യുവേഫയിൽ നിന്നുള്ള വരുമാനത്തിൽ അഞ്ച്​ ശതമാനം പിഴയായി ചുമത്തുക എന്നിവയാണ്​ ശിക്ഷ നടപടികൾ.