മെസ്സിയെ നിർത്തി ബാഴ്​സക്കെതിരെ ഗോളടിച്ച്​ റാക്കിറ്റിച്ച്​; കിങ്​സ്​ കപ്പിൽ സെവിയ്യക്ക്​ ജയം

മഡ്രിഡ്​: കോപ ഡെൽ റെ സെമി ഫൈനൽ ആദ്യ പാദം ബാഴ്​സയെ വീഴ്​ത്തി സെവിയ്യ. പഴയ തട്ടകമായ കറ്റാലൻ ജഴ്​സി ഊരിവെച്ച്​ വെള്ളക്കുപ്പായത്തിൽ ഇറങ്ങിയ ഇവാൻ റാക്കിറ്റിച്ച്​ ഗോൾ നേടിയ മത്സരത്തിൽ മെസ്സി നിറംമങ്ങിയത്​ ബാഴ്​സക്ക്​ തിരിച്ചടിയായി.

ബാഴ്​സലോണയുടെ ചരിത്രത്തിലെ ഏറ്റവും സ്​ഥിരതയാർന്ന താരങ്ങളിലൊരാളായ റാക്കിറ്റിച്ച്​ അടുത്തിടെയാണ്​ ടീം വിട്ട്​ സെവിയ്യയിലെത്തിയത്​. ബാഴ്​സക്കെതിരെ ഗോൾ നേടിയാൽ ആഘോഷിക്കില്ലെന്ന്​ നേരത്തെ താരം പറഞ്ഞത്​ അതേപടി ആദ്യ കളിയിൽ സംഭവിക്കുകയും ചെയ്​തു. പരസ്​പരം മുഖാമുഖം നിന്ന കിങ്​സ്​ കപ് സെമി ഒന്നാം പാദത്തിൽ മനോഹര ഗോളുമായി താരം നിറഞ്ഞാടിയപ്പോൾ സെവിയ്യ കുറിച്ചത്​ അനായാസ ജയം.

ആദ്യ പകുതിയുടെ 25ാം മിനിറ്റിൽ ജൂ

ൾസ്​ കുണ്ടെയാണ്​ സെവിയ്യ നിരയെ മുന്നിലെത്തിച്ചത്​. സ്വന്തം പെനാൽറ്റി ഏരിയയിൽനിന്ന്​ പന്തുമായി അതിവേഗം കുതിച്ച്​ നാല്​ ബാഴ്​സ താരങ്ങളെ പിറകിലാക്കിയ കുണ്ടെ​ വെടി​ച്ചില്ലു കണക്കെ പായിച്ച ഷോട്ട്​ ബാഴ്​സ ഗോൾകീപർ മാർക്​ ആ​ൻഡ്രേ ടെർ സ്​റ്റീഗന്​ നോക്കിനിൽക്കാനേ കഴിഞ്ഞുള്ളൂ.

കഴിഞ്ഞ ആഗസ്​റ്റ്​ അവസാനത്തോടെ ബാഴ്​സ വിട്ട്​ സെവിയ്യ കുപ്പായമണിഞ്ഞ റാക്കിറ്റിച്ച്​ അവസാന നിമിഷങ്ങളിലാണ്​ വിജയം ഗംഭീരമാക്കി പിന്നെയും ഗോൾ നേടിയത്​. അവസാന നിമിഷം മെസ്സി തകർപ്പൻ നീക്കവുമായി ഗോളിനടുത്തെത്തിയെങ്കിലും എതിർഗോളി ബോനോ അനുവദിച്ചില്ല.

സ്വന്തം കളിമുറ്റ​െത്ത ആധികാരിക ജയത്തോ​ടെ സെവിയ്യക്ക്​ കിങ്​സ്​ കപ്​ കിരീടത്തിലേക്ക്​ വഴി എളുപ്പമായി. മാർച്ച്​ മൂന്നിനാണ്​ രണ്ടാം പാദം. മൂന്നു വർഷം മുമ്പ്​ കിങ്​സ്​ കപ്​ ഫൈനലിൽ സെവിയ്യയെ 5-0ന്​ വീഴ്​ത്തിയത്​ മാത്രമാണ്​ ബാഴ്​സക്ക്​ ആശ്വാസം.

കളിയിൽ ആധിപത്യം പുലർത്തിയിട്ടും ഒരിക്കൽ പോലും വലകുലുക്കാൻ മറന്ന മെസ്സി സംഘത്തിന്​ കൂടുതൽ വിയർപ്പൊ​ഴുക്കേണ്ടിവരും.

രണ്ടാം സെമിയിൽ അത്​ലറ്റിക്​ ബിൽബാവോ ലെവാ​െൻറയെ നേരിടും.