മെസ്സിയെ സാക്ഷിയാക്കി എംബാപ്പേയുടെ തേരോട്ടം, ഹൃദയംപൊട്ടി ബാഴ്​സലോണ

കിലിയൻ എംബാപ്പേ പന്തുമായി കുതിച്ച്​ പായു​േമ്പാൾ ലയണൽ മെസ്സി ഒരിക്കൽ കൂടി നിസ്സഹായനായി നോക്കി നിന്നു. റഷ്യ ലോകകപ്പിന്‍റെ പ്രീ ക്വാർട്ടറിൽ അർജന്‍റീനയും ഫ്രാൻസും ഏറ്റുമുട്ടിയപ്പോൾ എം​ബാപ്പേക്ക്​ മുമ്പിൽ മെസ്സി കാഴ്ചക്കാരനായതിന്‍റെ ആവർത്തനമായിരുന്നു ചാമ്പ്യൻസ്​ ലീഗിലും. ഹാട്രിക്​ ഗോളുമായി എംബാപ്പേ ​നിറഞ്ഞാടിയ മത്സരത്തിൽ സ്വന്തം തട്ടകത്തിൽ 4-1നായിരുന്നു ബാഴ്​സലോണ പി.എസ്​.ജിക്ക്​ മുമ്പിൽ തരിപ്പണമായത്​. വിള്ളൽ വീണ ബാഴ്​സ പ്രതിരോധ നിരയാണ്​ പി.എസ്​.ജിക്ക്​ കാര്യങ്ങൾ എളുപ്പമാക്കിയത്​.

26ാം മിനുറ്റിൽ മെസ്സിയുടെ പെനൽറ്റിയിലുടെ ബാഴ്​സയാണ്​ ആദ്യം സ്​കോർ ചെയ്​തത്​. പെനൽറ്റി ബോക്​സിലേക്ക് ഓടിക്കയറിയ ഡി ജോങ്ങ്​ പി.എസ്​.ജി പ്രതിരോധ താരം കുർസാവയുടെ കാലിലുരസി വീണതിന്​ റഫറി പെനൽറ്റി വിധിക്കുകയായിരുന്നു.

32ാം മിനുറ്റിൽ പി.എസ്​.ജിയുടെ മറുപടി ഗോളെത്തി. പെനൽറ്റി ബോക്​സിൽ നിന്നും വകഞ്ഞുമാറ്റിക്കയറിയ എം​ബാപ്പേ വലകുലുക്കുകയായിരുന്നു. ഒപ്പത്തിനൊപ്പം നിന്നാണ്​ ആദ്യ പകുതി അവസാനിച്ചത്​.

65ാം മിനുറ്റിൽ ബാഴ്​സയുടെ ഹൃദയം തകർത്ത്​ എംബാപ്പേയുടെ രണ്ടാംഗോളെത്തി. ​േഫ്ലാറൻസി മറിച്ചുകൊടുത്ത ​ക്രോസ്​ മാർക്ക്​ ചെയ്യാതെ നിന്നിരുന്ന എംബാപ്പേയുടെ കാലുകളിലേക്ക്​ വീഴുകയായിരുന്നു. ബാഴ്​സയുടെ വെറ്ററൻ പ്രതിരോധഭടൻ ജെറാർഡ്​ പിക്വ പന്ത്​ ക്ലിയർചെയ്യുന്നതിൽ പരാജയപ്പെട്ടതാണ്​ ഗോളിലേക്ക്​ നയിച്ചത്​.

73ാം മിനുറ്റിൽ പരേദസിന്‍റെ ഫ്രികിക്കിന്​ തലവെച്ച്​ മോയ്​സെ കീൻ പി.എസ്​.ജിക്കായി വീണ്ടും വലകുലുക്കി. തരിപ്പണമായിനിന്ന ബാഴ്​സലോണക്ക്​ മേൽ 85ാം മിനുറ്റിൽ അവസാന ആണിയണിച്ച് എംബാപ്പേ ​തന്‍റെ ഹാട്രിക്​ പൂർത്തിയാക്കി.

മാർച്ച്​ 10ന്​ പി.എസ്​.ജിയുടെ തട്ടകത്തിലാണ്​ രണ്ടാം പാതം. നാല്​ എവേ ഗോളുകളുടെ ആനുകൂല്യത്തോടെ പന്തുതട്ടുന്ന പി.എസ്​.ജിയെ വീഴ്​ത്താൻ ബാഴ്​സ എന്ത്​ ജാലവിദ്യ പുറത്തെടുക്കുമെന്ന്​ കണ്ടറിയണം. 2017ൽ പി.എസ്​.ജിയുടെ തട്ടകത്തിൽ 4-0ത്തിന്​ പിന്നിട്ട ശേഷം രണ്ടാം പാദത്തിൽ 6-1ന്​ ജയിച്ചുകയറിയ അവിശ്വസനീയ ചരിത്രം ബാഴ്​സക്കുണ്ട്​. അന്ന്​ ബാഴ്​സയുടെ ജയത്തിന്​ ചുക്കാൻ പിടിച്ച നെയ്​മർ ഇന്ന്​ പി.എസ്​.ജിയിലാണെന്നത്​ ചരിത്രത്തിന്‍റെ മറ്റൊരു വൈരുധ്യം.

വകഴിഞ്ഞ വർഷത്തെ ചാമ്പ്യൻസ്​ലീഗ്​ സെമിഫൈനലിസ്റ്റുകളായ ആർ.ബി ലെപ്​സിഷിനെ എതിരാളികളുടെ തട്ടകത്തിൽ രണ്ടുഗോളിന്​​ തോൽപ്പിച്ച്​ ലിവർപൂർ ആദ്യപാദം ഗംഭീരമാക്കി. മുഹമ്മദ്​ സലാഹും സാദിയോ മാനേയുമാണ്​ ലിവർപൂളിനായി വലകുലുക്കിയത്​. പ്രീമിയർ ലീഗിലെ തുടർതോൽവികൾക്കിടയിൽ ചാമ്പ്യൻസ്​ലീഗിൽ ജയം സ്വന്തമാക്കിയത്​ യുർഗൻ ​േക്ലാപ്പിനും കുട്ടികൾക്കും ആശ്വാസമാണ്​.