Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightമോട്ടിവേഷൻ...

മോട്ടിവേഷൻ സ്​റ്റോറിയിൽ അനസ്​ എടത്തൊടികയെ ഓർമിപ്പിച്ച്​ ഏഷ്യൻ ഫുട്​ബാൾ കോൺഫെഡറേഷൻ

text_fields
bookmark_border
മോട്ടിവേഷൻ സ്​റ്റോറിയിൽ അനസ്​ എടത്തൊടികയെ ഓർമിപ്പിച്ച്​ ഏഷ്യൻ ഫുട്​ബാൾ കോൺഫെഡറേഷൻ
cancel

ഓ​ട്ടോറിക്ഷക്കാരനായി തുടങ്ങി ഇന്ത്യൻ ഫുട്​ബാളി​െൻറ പ്രതിരോധം വരെ കാക്കാൻ കെൽപുള്ളവനായി വളർന്ന മലയാളി താരം അനസ്​ എടത്തൊടിക നൽകുന്ന ജീവിത പാഠം വലുതാണ്​. ഏതു ജീവിതത്തിനിടയിലും ത​െൻറ വലിയ സ്വപ്​നങ്ങൾ കാണാൻ പഠിക്കണമെന്ന മഹത്തായ പാഠം പഠിപ്പിച്ച കളിക്കാരൻ.


ഈ ​മലയാളി താരത്തി​െൻറ ജീവിത കഥ കഴിഞ്ഞ ദിവസം ഏഷ്യൻ ഫുട്​ബാൾ ​കോൺഫെഡറേഷ​ൻ ഓർമിപ്പിച്ചു.​ ഏഷ്യൻ കപ്പ്​ 2023 ട്വിറ്റർ അകൗണ്ടിലെ 'മൺഡേ മോട്ടിവേഷൻ' ട്വീറ്റിലാണ്​ അനസ്​ എടത്തൊടികയെ എടുത്തു പറഞ്ഞത്​. ഓ​ട്ടോറിക്ഷയിൽ നിന്ന്​ തുടങ്ങി ഇന്ത്യൻ ഫുട്​ബാൾ ടീമിലെത്തി സ്വപ്​നം സാക്ഷാത്​കരിച്ച മലപ്പുറത്തുകാരൻ എന്ന ട്വീറ്റോടു കൂടിയായിരുന്നു മോട്ടിവേഷനായി എ.എഫ്​.സി അനസിനെ ഓർമിപ്പിച്ചത്​.

കൊണ്ടോട്ടി മുണ്ടപ്പലത്തെ എടത്തൊടിക മുഹമ്മദ് കുട്ടി -ഖദീജ ദമ്പതികളുടെ മകനായി 1987 ഫെബ്രുവരി 15നായിരുന്നു അനസി​െൻറ ജനനം. പിതാവ് ബസ് ഡ്രൈവറായിരുന്നു. കൊണ്ടോട്ടി ഇ.എം.ഇ.എ ഹയർ സെക്കൻററി സ്കൂൾ, മഞ്ചേരി എൻ.എസ്.എസ് കോളജ്, ഇ.എം.ഇ.എ. കോളേജ് കൊണ്ടോട്ടി എന്നിവിടങ്ങളിൽ പഠനം പൂർത്തിയാക്കിയ അനസ്​ ജീവിത ഭാരം ചുമന്നത്​ ഓ​ട്ടോറിക്ഷക്കാരനായിട്ടായിരുന്നു. അപ്പോഴും ത​െൻറ വലിയ ഫുട്​ബാൾ സ്വപ്​നം വിട്ടിരുന്നില്ല. സെവൻസ്​ ഫുട്​ബാളിലൂടെ കളിച്ചു വളർന്ന താരം ഒടുവിൽ ഇന്ത്യൻ ഫുട്​ബാളിലെ പ്രതിരോധ നായകനായി മാറി.


2007ൽ ഐ ലീഗ്​ ​െ​സക്കൻറ്​ ഡിവിഷൻ ക്ലബായ മുംബൈ എഫ്.സിയിൽ ചേർന്നാണ്​ അനസ് പ്രഫഷണൽ ഫുട്​ബാളിലേക്ക്​ കാലെടുത്തു വെക്കുന്നത്​. ആദ്യ വർഷം തന്നെ മുംബൈ എഫ്.സിയെ ഐ ലീഗ് രണ്ടാം ഡിവിഷൻ ചാമ്പ്യൻമാരാക്കി. മികച്ച കളി കാഴ്ചവെച്ച അനസിനെ 2011 വരെ മുംബൈ എഫ്.സി ടീം മറ്റാർക്കും നൽകിയില്ല.

പിന്നീട്​ തട്ടകം പൂനെ എഫ്.സിയായിരുന്നു. മുംബൈ ടീമിലെ മികച്ച പ്രകടനത്തിന് ശേഷം അനസിനെ വലിയ തുകയ്ക്ക് പൂനെ എഫ്.സി വാങ്ങി. അവർക്ക് വേണ്ടി നാല് വർഷം കളിച്ചു. 2014 ൽ പൂനെ ടീമിനെ ഏഷ്യൻ ക്ലബ്ബ് ഫുട്ബോളിലും ഐ ലീഗിലും നയിച്ച അനസിനെ അവരുടെ ബെസ്റ്റ് പ്ലയർ അവാർഡായ അയൺ മാൻ പുരസ്ക്കാരം നൽകി ആദരിച്ചു. പൂനെ എ.എഫ്​ സിയിലൂടെയായിരുന്നു ​െഎ.എസ്​.എൽ പ്രവേശനം.


ഐ.എസ്.എൽ രണ്ടാം സീസണിൽ ഡൽഹി ഡൈനാമോസ് പ്രതിരോധ നിരയിൽ എത്തി. ബ്രസീലിയൻ ഫുട്ബോൾ ഇതിഹാസം റോബർട്ടോ കാർലോസ് പരിശീലിപ്പിച്ച ഡൽഹി ഡൈനാമോസിലൂടെ മികച്ച കളി കാഴ്ച വെച്ച് റോബർട്ടോ കാർലോസി​െൻറ ഇഷ്ട താരവുമായി. 2016-17 ഐ.എസ്.എല്ലിൽ ഇറ്റാലിയൻ ഫുട്ബോൾ ഇതിഹാസം ജിയാൻ ലുക്കാ സംബ്രോട്ടയുടെ പരിശീലനത്തിന് കീഴിൽ ഡൽഹി ഡൈനാമോസിൽ തന്നെ തുടർന്നു.



ഐ.എസ്.എല്ലിനു ശേഷം വൻ തുകയ്ക്ക് ഇന്ത്യയിലെ ഏറ്റവും പഴയതും പ്രസിദ്ധവുമായ മോഹൻ ബഗാൻ ക്ലബ്ബിന് വേണ്ടി ഐ ലീഗ് കളിച്ചു. അവർക്ക് വേണ്ടി ഏഷ്യൻ ക്ലബ്ബ് ഫുട്ബോളിലും ഫെഡറേഷൻ കപ്പിലും മികച്ച പ്രകടനം നടത്തി. ഐ ലീഗിലും ഫെഡറേഷൻ കപ്പിലും നിർഭാഗ്യം കൊണ്ട് മാത്രം റണ്ണേഴ്‌സ് അപ്പിൽ ഒതുങ്ങിപ്പോയി. പിന്നീട്​ 2017ൽ ഐ.എസ്.എലിലെ ഏറ്റവും ഉയർന്ന തുകക്ക് (1.10 കോടി രൂപ) ജംഷഡ്പൂർ എഫ്.സി അനസിനെ സ്വന്തമാക്കി.



2018-19 സീസണിലായിരുന്നു കേരള ബ്ലാസ്​റ്റേഴ്​സിനായി പന്തു തട്ടിയത്​. അതിനിടക്ക്​ 2017 മുതൽ ഇന്ത്യൻ ദേശീയ ടീമിലും ഇടംപിടിച്ചു. 21ഓളം മത്സരങ്ങളാണ്​ ഔദ്യേഗികമായി ഇന്ത്യക്കായി കളിച്ചത്​. ഇപ്പോൾ എ.ടി.കെ താരമാണ്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Anas Edathodika
Next Story