ഏഷ്യൻ കപ്പ്; ഇന്ന് മരണക്കളികൾ

ദോ​ഹ: ഏ​ഷ്യ​ൻ ക​പ്പി​ലെ ഗ്രൂ​പ് റൗ​ണ്ട് പോ​രാ​ട്ട​ങ്ങ​ൾ​ക്ക് വ്യാ​ഴാ​ഴ്ച​യി​ലെ നാ​ല് അ​ങ്ക​ങ്ങ​ളോ​ടെ ​സ​മാ​പ​നം. ഗ്രൂ​പ് ‘ഇ’, ‘​എ​ഫ്’ ടീ​മു​ക​ളാ​ണ് നി​ർ​ണാ​യ​ക മ​ത്സ​ര​ങ്ങ​ളി​ൽ ബൂ​ട്ടു​കെ​ട്ടു​ന്ന​ത്. നി​ല​വി​ൽ ആ​ർ​ക്കും പ്രീ​ക്വാ​ർ​ട്ട​ർ ഉ​റ​പ്പി​ക്കാ​ൻ ക​ഴി​യാ​ത്ത ഗ്രൂ​പ് ‘ഇ’​യി​ൽ ഇ​ന്ന​ത്തെ മ​ത്സ​ര​ങ്ങ​ൾ ഏ​റെ നി​ർ​ണാ​യ​ക​മാ​യി മാ​റും. അ​തേ​സ​മ​യം, സൗ​ദി അ​റേ​ബ്യ പ്രീ​ക്വാ​ർ​ട്ട​റി​ൽ പ്ര​വേ​ശി​ച്ച ‘എ​ഫി’​ൽ​നി​ന്ന് താ​യ്‍ല​ൻ​ഡ്, ഒ​മാ​ൻ ​ടീ​മു​ക​ളെ കാ​ത്തി​രി​ക്കു​ന്ന​ത് വി​ധി നി​ർ​ണാ​യ​ക അ​ങ്ക​ങ്ങ​ൾ.

‘ഇ’ ​മ​ര​ണ​ഗ്രൂ​പ്

ദ​ക്ഷി​ണ കൊ​റി​യ​യു​ടെ ഈ​സി വാ​ക്കോ​വ​ർ പ്ര​തീ​ക്ഷി​ച്ച ‘ഇ’​യാ​ണ് ടൂ​ർ​ണ​മെ​ന്റി​ലെ മ​ര​ണ​ഗ്രൂ​പ്പാ​യി മാ​റി​യ​ത്. ആ​ദ്യ ക​ളി​യി​ൽ ബ​ഹ്റൈ​നെ 3-1ന് ​വീ​ഴ്ത്തി​യ കൊ​റി​യ​ക്കാ​ർ​ക്ക് ജോ​ർ​ഡ​നെ​തി​രാ​യ ര​ണ്ടാം മ​ത്സ​ര​മാ​ണ് തി​രി​ച്ച​ടി​യാ​യ​ത്. അ​ൽ തു​മാ​മ സ്റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ ഇ​ഞ്ചു​റി ടൈ​മി​ൽ പി​റ​ന്ന സെ​ൽ​ഫ് ഗോ​ൾ തോ​ൽ​വി​യു​ടെ നാ​ണ​ക്കേ​ടി​ൽ​നി​ന്ന് കൊ​റി​യ​ക്കാ​രെ ര​ക്ഷ​പ്പെ​ടു​ത്തു​ക​യാ​യി​രു​ന്നു. മ​ത്സ​രം 2-2ന് ​സ​മ​നി​ല​യാ​യ​തോ​ടെ ജോ​ർ​ഡ​നും കൊ​റി​യ​യും നാ​ല് പോ​യ​ന്റ് വീ​തം സ്വ​ന്ത​മാ​ക്കി ഒ​ന്നും ര​ണ്ടും സ്ഥാ​ന​ക്കാ​രാ​യി. വ്യാ​ഴാ​ഴ്ച ഉ​ച്ച​ക്ക് 2.30ന് ​അ​ൽ ജ​നൂ​ബ് സ്റ്റേ​ഡി​യ​ത്തി​ൽ മ​ലേ​ഷ്യ​യും കൊ​റി​യ​യു​മാ​ണ് മ​ത്സ​രം. ജ​യി​ച്ചാ​ൽ വെ​ല്ലു​വി​ളി​യി​ല്ലാ​തെ ഏ​ഴ് പോ​യ​ന്റു​മാ​യി അ​വ​ർ​ക്ക് ​പ്രീ​ക്വാ​ർ​ട്ട​റി​ൽ ഇ​ടം​നേ​ടാം.

അ​തേ​സ​മ​യം, ജോ​ർ​ഡ​ന് ഖ​ലീ​ഫ സ്റ്റേ​ഡി​യ​ത്തി​ൽ ബ​ഹ്റൈ​നാ​ണ് എ​തി​രാ​ളി. ഇ​രു​വ​ർ​ക്കും പ്രീ​ക്വാ​ർ​ട്ട​ർ പ്ര​വേ​ശ​ന​ത്തി​ന് നി​ർ​ണാ​യ​ക​മാ​യ മ​ത്സ​ര​ങ്ങ​ൾ.ജ​യി​ച്ചാ​ൽ ബ​ഹ്റൈ​ൻ മു​ന്നോ​ട്ട്. സ​മ​നി​ല​യാ​യാ​ൽ ജോ​ർ​ഡ​നും മു​ന്നേ​റും.

ഒ​മാ​ന് നി​ർ​ണാ​യ​കം

ഗ്രൂ​പ് ‘എ​ഫി’​ൽ​നി​ന്ന് സൗ​ദി അ​റേ​ബ്യ ര​ണ്ട് ജ​യ​വു​മാ​യി ആ​ദ്യം പ്രീ​ക്വാ​ർ​ട്ട​ർ ​പ്ര​വേ​ശ​നം സാ​ധ്യ​മാ​ക്കി. എ​ന്നാ​ൽ, താ​യ്‍ല​ൻ​ഡ് (4), ഒ​മാ​ൻ (1) എ​ന്നി​ങ്ങ​നെ​യാ​ണ് മ​റ്റു പോ​യ​ന്റു നി​ല​ക​ൾ. വ്യാ​ഴാ​ഴ്ച സൗ​ദി താ​യ്‍ല​ൻ​ഡി​​നെ നേ​രി​ടു​മ്പോ​ൾ മി​ന്നും പോ​രാ​ട്ട​മാ​ണ് ആ​രാ​ധ​ക​ർ പ്ര​തീ​ക്ഷി​ക്കു​ന്ന​ത്. വൈ​കു​ന്നേ​രം ആ​റി​ന് അ​ബ്ദു​ല്ല ബി​ൻ ഖ​ലീ​ഫ സ്റ്റേ​ഡി​യ​ത്തി​ൽ ഒ​മാ​ന് കി​ർ​ഗി​സ്താ​നാ​ണ് എ​തി​രാ​ളി. ഒ​രു പോ​യ​ന്റു​ള്ള ഒ​മാ​ന് ജ​യം മാ​ത്രം മ​തി​യാ​വി​ല്ല. ഒ​പ്പം, താ​യ്‍ല​ൻ​ഡി​നെ സൗ​ദി തോ​ൽ​പി​ക്കാ​നും പ്രാ​ർ​ഥി​ക്ക​ണം. ക​ളി​യി​ൽ ഒ​ട്ടും മോ​ശ​ക്കാ​ര​ല്ലാ​ത്ത കി​ർ​ഗി​സ്താ​നാ​ണ് അ​വ​രു​ടെ എ​തി​രാ​ളി.

ഗാലറിക്കാഴ്ചകൾ