ആഴ്​സണൽ പുറത്തിരുത്തിയ ഓസിൽ ക്ലബ്​ വിട്ട്​ തുർക്കിയിലേക്ക്​

ആഴ്​സീൻ വെംഗറിനു കീഴിൽ അലക്​സിസ്​ സാഞ്ചസിനൊപ്പം ഗണ്ണേഴ്​സ്​ മുൻനിരയിൽ കളിയഴകി​െൻറ സുൽത്താനായി നീണ്ട വർഷങ്ങൾ കളം വാണ മെസ്യൂട്ട്​ ഓസിലി​െൻറ പ്രിമിയർ ലീഗ്​ യുഗത്തിന്​ അപ്രതീക്ഷിത അന്ത്യം? മൈക്കൽ ആർ​ട്ടേറ്റ പരിശീലകനായി എത്തിയതോടെ ടീം ഇലവനിൽ നിന്ന്​ എന്നേ പുറത്തായ ഓസിൽ തുർക്കി ക്ലബായ ഫെനർബാഹുമായി മൂന്നര വർഷത്തേക്ക്​ കരാറിലെത്തിയതായി റിപ്പോർട്ടുകൾ പറയുന്നു. ടീമി​െൻറ ചരിത്രത്തിലെ ഏറ്റവും ഉയർന്ന തുകക്ക്​ ആഴ്​സണലിൽ തുടർന്ന ജർമൻ താരം എട്ടു വർഷം നീണ്ട ബന്ധം അവസാനിപ്പിച്ചാണ്​ മുമ്പ്​ ഉർദുഗാനൊപ്പം നിന്ന്​ വിവാദങ്ങൾ സൃഷ്​ടിച്ച തുർക്കിയിലേക്ക്​ പോകുന്നത്​.

2014ൽ ജർമനി ലോകകപ്പിൽ മുത്തമിടു​േമ്പാൾ നിർണായക സാന്നിധ്യമായിരുന്ന ഓസിൽ സാഞ്ചസിനൊപ്പം ആഴ്​സണലിൽ പന്തുതട്ടിയ സുവർണ കാലം ടീമിന്​ വലിയ നേട്ടങ്ങൾ കൂടി സമ്മാനിച്ച ഘട്ടമായിരുന്നു. അവസാന നാളുകളിൽ ഫോം മങ്ങിയതിനൊപ്പം അഭിപ്രായങ്ങൾ തുറന്നുപറഞ്ഞ്​ ആരാധകരുടെ അനിഷ്​ടവും സ്വന്തമാക്കിയതിനു പിന്നാലെയാണ്​ പുതിയ സീസണിനുള്ള പ്രിമിയർ ലീഗ്​, യൂറോപ്​ ലീഗ്​ സ്​ക്വാഡുകളിൽനിന്ന്​ ഓസിലിനെ കോച്ച്​ പുറത്തിരുത്തിയത്​. അവസരം കുറഞ്ഞതോടെ തുർക്കി ക്ലബിനൊപ്പം അമേരിക്കൻ മുൻനിര ടീമായ ഡി.സി യുനൈറ്റഡുമായും ഓസിൽ ചർച്ച നടത്തിയിരുന്നു. എന്നാൽ, ഫെനർബാഹ്​ അവസാന വട്ട ചർച്ചകൾ പൂർത്തിയാക്കിയതോടെ ക്ലബ്​ ചെയർമാനും ഡയറക്​ടറും നേരെ ലണ്ടനിലേക്ക്​ പറന്നതായി റിപ്പോർട്ടുകൾ പറയുന്നു.

2013ൽ റയൽ മഡ്രിഡിൽനിന്നാണ്​ ഓസിൽ പ്രതിവാരം മൂന്നര ലക്ഷം പൗണ്ടിന്​ ആഴ്​സണലിലെത്തിയത്​. തുടക്കം ഗംഭീരമാ​ക്കിയെങ്കിലും അവസാന ഘട്ടത്തിൽ നിറംമങ്ങിയ താരം കഴിഞ്ഞ വർഷം മാർച്ച്​ മുതൽ ക്ലബ്​ ജഴ്​സിയിൽ ഇറങ്ങിയിരുന്നില്ല. സീസൺ അവസാനത്തോടെ ക്ലബുമായി കരാർ അവസാനിക്കാനിരിക്കുകയുമാണ്​.

തുർക്കി പൗരത്വവുമുള്ള ഓസിൽ കഴിഞ്ഞ വർഷം വിവാഹസമയത്ത്​ തുർക്കി പ്രസിഡൻറ്​ റജബ്​ ത്വയ്യിബ്​ ഉർദുഗാനൊപ്പം നിന്ന്​ ഫോ​​ട്ടോയെടുത്തത്​ ജർമനിയിൽ വിവാദങ്ങൾക്കിടയാക്കിയിരുന്നു. ചൈന ഉയ്​ഗൂർ മുസ്​ലിംകൾക്കെതിരെ നടത്തുന്ന ക്രൂരതകളൂം ഓസിൽ കടുത്ത ഭാഷയിൽ വിമർശിച്ചിരുന്നു.