ബ്രൈറ്റണെ വീഴ്ത്തി ആഴ്സണൽ കുതിപ്പ്

ഇംഗ്ലീഷ് പ്രീമിയർ ലീഗിൽ ബ്രൈറ്റണെ എതിരില്ലാത്ത രണ്ട് ഗോളിന് വീഴ്ത്തി ആഴ്സണൽ. 53ാം മിനിറ്റിൽ ഗബ്രിയേൽ ജീസസും 87ാം മിനിറ്റിൽ കെയ് ഹാവർട്സുമാണ് ഗണ്ണേഴ്സിനായി വല കുലുക്കിയത്. ജയത്തോടെ 17 മത്സരങ്ങളിൽ 39 പോയന്റുമായി ലിവർപൂളിനെ മറികടന്ന് ഒന്നാമതെത്താനും ആഴ്സണലിനായി. ഒരു മത്സരം കുറച്ചുകളിച്ച ലിവർപൂളിന് 38 പോയന്റാണുള്ളത്. ഇന്ന് നടക്കുന്ന ലിവർപൂൾ-മാഞ്ചസ്റ്റർ യുനൈറ്റഡ് മത്സരത്തിൽ ജയിക്കാനായാൽ ലിവർപൂളിന് വീണ്ടും ഒന്നാം സ്ഥാനത്തേക്ക് കയറാനാകും.

ആദ്യ പകുതിയിൽ ആഴ്സണൽ വ്യക്തമായ മേധാവിത്തം നേടിയെങ്കിലും ഗോളടിക്കാനായില്ല. ജീസസും സാകയും മാർട്ടിനെല്ലിയും ഒഡേഗാർഡുമെല്ലാം അവസരം തുലക്കുന്നതിൽ മത്സരിച്ചു. പലപ്പോഴും ബ്രൈറ്റൺ ഗോൾകീപ്പറുടെ തകർപ്പൻ സേവുകളാണ് അവരുടെ വഴിമുടക്കിയത്. എന്നാൽ, രണ്ടാം പകുതി തുടങ്ങി എട്ട് മിനിറ്റിനകം ഗബ്രിയേൽ ജീസസ് വല കുലുക്കി. സാക എടുത്ത കോർണർ കിക്ക് ഹെഡറിലൂടെ വലയിലാക്കുകയായിരുന്നു. കളി തീരാൻ മൂന്ന് മിനിറ്റ് ശേഷിക്കെ എൻകേറ്റിയയുടെ അസിസ്റ്റിൽ കെയ് ഹാവർട്സും ലക്ഷ്യം നേടുകയായിരുന്നു. 26 ഷോട്ടുകളാണ് ആഴ്സണൽ എതിർവല ലക്ഷ്യമാക്കി തൊടുത്തുവിട്ടത്.

നി​ർ​ണാ​യ​ക​മാ​യ മ​റ്റൊ​രു പോ​രാ​ട്ട​ത്തി​ൽ ബ്രെ​ന്റ്ഫോ​ഡി​നെ​തി​രെ 2-1ന് ​ജ​യി​ച്ച് ആ​സ്റ്റ​ൺ വി​ല്ല വി​ല​പ്പെ​ട്ട മൂ​ന്നു പോ​യി​ന്റ് സ്വ​ന്ത​മാ​ക്കി. ഇ​തോ​ടെ സി​റ്റി​യെ​ക്കാ​ൾ ടീ​മി​ന് നാ​ലു പോ​യി​ന്റ് ലീ​ഡാ​യി. കു​ദു​സ് ര​ണ്ടു വ​ട്ടം ഗോ​ള​ടി​ച്ച മൂ​ന്നാം അ​ങ്ക​ത്തി​ൽ വെ​സ്റ്റ് ഹാം ​വു​ൾ​വ്സി​നെ ഏ​ക​പ​ക്ഷീ​യ​മാ​യ മൂ​ന്ന് ഗോ​ളി​ന് തോ​ൽ​പി​ച്ചു.