വെ​സ്റ്റ് ഹാമിന്റെ സമനിലപ്പൂട്ടിൽ തിരിച്ചടി​യേറ്റ് ആഴ്സണൽ; കിരീടപ്പോര് ഇഞ്ചോടിഞ്ച്

ല​ണ്ട​ൻ: ഇംഗ്ലീഷ് പ്രീമിയർ ലീഗിൽ പോ​യ​ന്റ് പ​ട്ടി​ക​യി​ൽ ഒ​ന്നാം സ്ഥാ​ന​ത്തുള്ള ആ​ഴ്സ​ന​ലിന് ഞാ​യ​റാ​ഴ്ച വെ​സ്റ്റ് ഹാം ​യു​നൈ​റ്റ​ഡി​നോ​ട് വഴങ്ങിയ സ​മ​നി​ല ഏൽപിച്ചത് കനത്ത തിരിച്ചടി. രണ്ടാം സ്ഥാനത്തുള്ള മാഞ്ചസ്റ്റർ സിറ്റി ഒ​ന്നി​നെ​തി​രെ മൂ​ന്ന് ഗോ​ളു​ക​ൾ​ക്ക് ലെ​സ്റ്റ​ർ സി​റ്റി​യെ തോ​ൽ​പി​ച്ചതോടെ പോയന്റ് വ്യ​ത്യാ​സം നാ​ലാ​യി ചു​രു​ങ്ങിയിരിക്കുകയാണ്. ആഴ്സണലിനേക്കാൾ ഒരു മത്സരം കുറച്ചാണ് സിറ്റി കളിച്ചത്. 31 മ​ത്സ​ര​ങ്ങ​ളി​ൽ ഗ​ണ്ണേ​ഴ്സി​ന് 74 പോ​യ​ന്റുള്ളപ്പോൾ ഒ​രു മ​ത്സ​രം കു​റ​വി​ൽ സി​റ്റി​ക്ക് 70 പോ​യ​ന്റായി. അടുത്ത മത്സരം സിറ്റി ജയിച്ചാൽ ഒരൊറ്റ പോയന്റിന്റെ വ്യത്യാസം മാത്രമാകും. ഇതോടെ കിരീട പോര് ഇഞ്ചോടിഞ്ചാകും.

വെ​സ്റ്റ് ഹാ​മി​നെ​തി​രെ ആ​ദ്യ പ​ത്തു മി​നി​റ്റി​ൽ ര​ണ്ടു ഗോ​ള​ടി​ച്ചി​ട്ടും ആ​ഴ്സ​ന​ൽ ര​ണ്ടെ​ണ്ണം തി​രി​ച്ചു​വാ​ങ്ങു​കയായിരുന്നു. ഏഴാം മിനിറ്റില്‍ തന്നെ ഗണ്ണേഴ്സ് മുന്നിലെത്തി. ബ്രസീല്‍ സൂപ്പര്‍താരം ഗബ്രിയേല്‍ ജീസസാണ് വലകുലുക്കിയത്. മൂന്ന് മിനിറ്റിനകം മാര്‍ട്ടിന്‍ ഒഡേഗാര്‍ഡും ലക്ഷ്യം കണ്ടതോടെ ലീഡ് ഇരട്ടിയായി. എന്നാല്‍ 33ാം മിനിറ്റില്‍ ലഭിച്ച പെനാല്‍റ്റിയിലൂടെ സൈദ് ബെന്റാമ വെസ്റ്റ് ഹാമിന് ആദ്യഗോള്‍ സമ്മാനിച്ചു. ആദ്യ പകുതി 2-1ന് പിരിഞ്ഞെങ്കിലും രണ്ടാം പകുതിയുടെ തുടക്കത്തില്‍ വെസ്റ്റ് ഹാം സമനില ഗോളും നേടി. 54ാം മിനിറ്റില്‍ ജാരോഡ് ബോവനാണ് ആഴ്സണൽ വലകുലുക്കിയത്. തിരിച്ചടിക്കാനുള്ള ശ്രമങ്ങളെല്ലാം വെസ്റ്റ്ഹാം പ്രതിരോധക്കോട്ടയില്‍ തട്ടിത്തെറിച്ചതോടെ ആഴ്‌സണലിന് സമനിലയോടെ മടങ്ങേണ്ടി വന്നു.

എ​ർ​ലി​ങ് ഹാ​ല​ൻ​ഡിന്റെ ഇ​ര​ട്ട ഗോ​ളു​കളാണ് മാ​ഞ്ച​സ്റ്റ​ർ സി​റ്റി​ക്ക് ത​ക​ർ​പ്പ​ൻ ജ​യം സമ്മാനിച്ചത്. അ​ഞ്ചാം മി​നി​റ്റി​ൽ ജോ​ൺ സ്റ്റോ​ൺ​സാണ് സി​റ്റി​ക്കാ​യി ആ​ദ്യം വ​ല​കു​ലു​ക്കിയത്. 13ാം മി​നി​റ്റി​ൽ പെ​നാ​ൽ​റ്റി​യി​ലൂ​ടെ ഹാ​ല​ൻ​ഡ് ലീ​ഡ് ഉ​യ​ർ​ത്തി. 25ാം മി​നി​റ്റി​ൽ ഹാ​ല​ൻ​ഡി​ന്‍റെ ര​ണ്ടാം ഗോ​ളും പി​റ​ന്നു. 75ാം മി​നി​റ്റി​ൽ നൈ​ജീ​രി​യ​ൻ താ​രം കെ​ലേ​ച്ചി ഇ​ഹെ​അ​നാ​ച്ചോ​യു​ടെ വ​ക​യാ​യി​രു​ന്നു ലെ​സ്റ്റ​റി​ന്‍റെ ആ​ശ്വാ​സ ഗോ​ൾ. ഇ​ര​ട്ട ഗോ​ളോ​ടെ ഹാ​ല​ൻ​ഡ് പ്രീ​മി​യ​ർ ലീ​ഗി​ൽ ഒ​രു സീ​സ​ണി​ൽ ഏ​റ്റ​വും കൂ​ടു​ത​ൽ ഗോ​ളെ​ന്ന ഈ​ജി​പ്ഷ്യ​ൻ താ​രം മു​ഹ​മ്മ​ദ് സ​ലാ​ഹി​ന്റെ റെ​ക്കോ​ഡി​നൊ​പ്പ​മെ​ത്തി, 32 ഗോ​ളു​ക​ൾ. 32 മ​ത്സ​ര​ങ്ങ​ളി​ൽ​നി​ന്നാ​ണ് ഹാ​ല​ൻ​ഡ് ഈ ​നേ​ട്ടം കൈ​വ​രി​ക്കു​ന്ന​ത്. ലീ​ഗി​ൽ ഇ​നി​യും എ​ട്ടു മ​ത്സ​ര​ങ്ങ​ൾ ബാ​ക്കി​നി​ൽ​ക്കെ​യാ​ണ് താ​ര​ത്തി​ന്‍റെ റെ​ക്കോ​ഡ്.

മ​റ്റു മ​ത്സ​ര​ങ്ങ​ളി​ൽ ചെ​ൽ​സി 1-2ന് ​ബ്രൈ​റ്റ​നോ​ട് തോ​ൽ​വി ഏ​റ്റു​വാ​ങ്ങി​യ​പ്പോ​ൾ ഫു​ൾ​ഹാം 3-1ന് ​എ​വ​ർ​ട്ട​നെ​യും ആ​സ്റ്റ​ൻ വി​ല്ല 3-0ത്തി​ന് ന്യൂ​കാ​സി​ലി​നെ​യും ക്രി​സ്റ്റ​ൽ പാ​ല​സ് 2-0ത്തി​ന് സ​താം​പ്റ്റ​ണി​നെ​യും ബോ​ൺ​മൗ​ത്ത് 3-2ന് ​ടോ​ട്ട​ൻ​ഹാ​മി​നെ​യും വൂ​ൾ​ഫ്സ് 2-0ത്തി​ന് ബ്രെ​ന്റ്ഫോ​ഡി​നെ​യും പ​രാ​ജ​യ​പ്പെ​ടു​ത്തി.