പെറുവിനെതിരെ ജയം; ​അർജന്‍റീന ലോകകപ്പ്​ യോഗ്യതക്ക്​ തൊട്ടടു​ത്ത്​

ബ്വേനസ്​ ഐറിസ്​: പെറുവിനെ ഏകപക്ഷീയമായ ഒരുഗോളിന്​ തോൽപിച്ച്​ അർജന്‍റീന ലോകകപ്പ്​ യോഗ്യതക്ക്​ തൊട്ടടുത്തെത്തി. 43ാം മിനിറ്റിൽ ലോതാരോ മാർട്ടിനസാണ്​ അർജന്‍റീനയുടെ വിജയഗോൾ നേടിയത്​.

ആദ്യ പകുതിയിൽ സന്ദർശകർ അർജന്‍റീനയുടെ ലോകോത്തര നിരയെ പിടിച്ചുകെട്ടിയിരുന്നു. എന്നാൽ ആദ്യ പകുതി അവസാനിക്കാൻ മൂന്ന്​ മിനിറ്റ്​ മുമ്പ്​ അർജ​ൈന്‍റൻ നിര കാഴ്ചവെച്ച അത്യുജ്വല പ്രകടനത്തിന്​ മുമ്പിൽ അവർക്ക്​ ​കാഴ്ചക്കാരായി നിൽക്കാനെ സാധിച്ചുള്ളൂ.

റോഡ്രിഗോ ഡിപോൾ നൽകിയ പന്ത്​ വലതുവിങ്ങിൽ നിന്ന്​ റൈറ്റ്​ബാക്ക്​ നാഹ്വേൽ മൊളിന ബോക്​സിലുണ്ടായിരുന്ന മാർട്ടിനസിന്​ ഉയർത്തി നൽകി. ഓടിയെത്തിയ മാർട്ടിനസ്​ പവർഫുൾ ഹെഡ്ഡറിലൂടെ പന്ത്​ വലയിലേക്ക്​ തുളച്ച്​ കയറ്റുകയായിരുന്നു.

മാർട്ടിനസിന്‍റെ ഗോളിന്​ ശേഷം അർജന്‍റീനക്ക്​ കാര്യമായ അവസരങ്ങൾ സൃഷ്​ടിക്കാനായില്ല. രണ്ടാം പകുതിയിൽ സമനില പിടിക്കാനുള്ള അവസരം പെറുവിന്​ ലഭിച്ചിരുന്നു. 63ാം മിനിറ്റിൽ സബ്​സ്റ്റിറ്റ്യൂട്ടായ ജെഫേഴ്​സൺ ഫർഫാൻ നേടി​യ പെനാൽറ്റി യോഷിമാർ യോടുൻ പാഴാക്കി. കിക്ക്​ ക്രോസ്​ബാറിൽ തട്ടി മടങ്ങുകയായിരുന്നു.

88ാം മിനിറ്റിൽ അർജന്‍റീനയുടെ ഗ്വിഡോ റോഡ്രിഗസ്​ പന്ത്​ വലയിലാക്കിയെങ്കിലും റഫറി ഓഫ്​​ൈസഡ്​ വിളിച്ചു. ഫൈനൽ വിസിലിന്​ തൊട്ടുമുമ്പ്​ ഒരു കോർണർ കിക്കും ലഭിച്ചെങ്കിലും പെറുവിന്​ അതും​ ഗോളാക്കി മാറ്റാൻ സാധിച്ചില്ല.

ലാറ്റിനമേരിക്കയിലെ മറ്റ്​ മത്സരങ്ങളിൽ ബൊളീവിയ 4-0ത്തിന്​ പാരഗ്വായ്​യെ തകർത്തു. ​ചിലെ വെനിസ്വേലയെ 3-0ത്തിന്​ തോൽപിച്ചപ്പോൾ കൊളംബിയയെ ഇക്വഡോർ ഗോൾരഹിത സമനിലയിൽ തളച്ചു. 11 മത്സരങ്ങളിൽ നിന്ന്​ 25 പോയിന്‍റുമായി അർജന്‍റീന മേഖലയിൽ രണ്ടാമതാണ്​. ബ്രസീലാണ്​ പോയിന്‍റ്​ പട്ടികയിൽ ഒന്നാമത്​. 17 പോയിന്‍റുമായി ഇക്വഡോറാണ്​ മൂന്നാമത്​.