അലിസൺ, ഗോളിയുടെ അന്തിമവരക്കു മുന്നിൽനിന്ന്​ ചരിത്ര ഗോളി​ലേക്ക്​ ജ്വലിച്ചുയർന്നവൻ....

ലണ്ടൻ: കളി പെയ്​തുതോർന്നിട്ടും ശൂന്യമായ ഗാലറികൾക്കുകീഴെ അപ്പോഴും ആരവങ്ങൾ പെയ്യുന്നുണ്ടായിരു​ന്നു. ഞൊടിയിടയിൽ ആ അതിശയം അവസാനിച്ചെങ്കിലും ചെങ്കുപ്പായമണിഞ്ഞ കൂട്ടുകാർ അലിസൺ ബെക്കറി​െൻറ ആ അസാമാന്യ ഫിനിഷിങ്ങി​െൻറ ആവേശനിമിഷങ്ങൾക്കൊപ്പം ഏറെനേരം ബഹളങ്ങളോടെ നിലയുറപ്പിച്ചു. 94 മിനിറ്റും 18 സെക്കൻഡും​ പിന്നിട്ട കളിയിൽ, സാധ്യതയുടെ അവസാന കച്ചിത്തുരുമ്പിൽ ഒട്ടും നിനച്ചിരിക്കാതെ അവൻ മൂർധാവിൽ ചുംബിച്ച പന്തിലൂടെ ടീമിനെ അതിശയ വിജയത്തിലേക്ക്​ ചെത്തിയിടുേമ്പാൾ ഫുട്​ബാളിൽ അത്​ അധികം കണ്ടുപരിചയമില്ലാത്ത കാഴ്​ചകളിലൊന്നായി.

ലിവർപൂളി​െൻറ ചാമ്പ്യൻസ്​ ലീഗ്​​ പ്രതീക്ഷകൾ അണയാതെ കാക്കാൻ മുൻധാരണകളെയൊക്കെ ത​െൻറ ​ഗോൾലൈനിലുപേക്ഷിച്ച്​ എതിരാളികളുടെ നിയന്ത്രണഭൂമിയിലേക്ക്​ ഗോളിയായ അലിസൺ നടന്നെത്തു​േമ്പാൾ അദ്​​ഭുതങ്ങൾ പിറക്കുമെന്ന്​ കരുതിയവർ വിരളം. എന്നാൽ, ഗോളിയായ അലിസണി​ െൻറ ശിരസ്സിലുമ്മ വെച്ച്​ എതിർഗോളിക്ക്​ പ്രതിരോധത്തിനുള്ള നേരിയ സാധ്യത പോലും നൽകാതെ പന്ത്​ വലയുടെ ഇടതുമൂലയിലേക്ക്​ ഏ​ങ്കോണിച്ച്​ കയറു​േമ്പാൾ അതു ചരിത്രമായി. ഗോളിമാർ ഗോളടിച്ച അപൂർവ ചരിത്രത്തി​െൻറ മറ്റൊരാവർത്തനം.

അതിലെല്ലാമുപരി, സമനിലയിൽ കുരുങ്ങിയെന്നുറപ്പിച്ച കളിയിൽ ആ വണ്ടർഗോൾ​ ലിവർപൂളിനെ വിജയത്തിലെത്തിച്ചുവെന്നതാണ്​ സവിശേഷം. വെസ്​റ്റ്​ ബ്രോംവിച്ചിനെതിരെ 1-1ന്​ സമനിലയിലൊടുങ്ങുമെന്നുറപ്പിച്ച കളിയാണ്​ അലിസണി​െൻറ അവസാന നിമിഷഗോളിൽ ലിവർപൂൾ തങ്ങളുടേതാക്കി മാറ്റിയത്​. 2-1ന്​ ജയിച്ചതോടെ ലിവർപൂൾ ആദ്യ നാലിൽ ഫിനിഷ്​ ചെയ്യാമെന്ന പ്രതീക്ഷ നിലനിർത്തി. 63 പോയൻറുമായി അഞ്ചാം സ്​ഥാനത്താണ്​ ടീം. 64 പോയൻറുള്ള ചെൽസിയാണ്​ തൊട്ടുമുന്നിലുള്ളത്​.

പിന്നിൽനിന്നശേഷം തിരിച്ചടിച്ചാണ്​ ​ലിവർപൂൾ ആദ്യം വെസ്​റ്റ്​ ബ്രോംവിച്ചിനൊപ്പമെത്തിയത്​. കളി കാൽമണിക്കൂറാകവേ, റോബ്​സൺ കാനുവിലൂടെയാണ്​ അലിസൺ കാത്ത വലയിൽ ആതിഥേയർ പന്തെത്തിച്ചത്​. എന്നാൽ, ഇടവേളക്ക്​ തൊട്ടുടനെ മുഹമ്മദ്​ സലാഹിലൂടെ ലിവർപൂൾ ഒപ്പമെത്തി. പിന്നീട്​ വെസ്​റ്റ്​ ബ്രോം ഗോളിമാത്രം മുന്നിൽനിൽക്കെ റോബർട്ട്​ ഫിർമി​നോയുടെ ഷോട്ട്​ പോസ്​റ്റിനെ പ്രകമ്പനംകൊള്ളിച്ച്​ ഗതിമാറി. കെയ്​ൽ ബാർട്​ലിയിലൂടെ വെസ്​റ്റ്​ ബ്രോം വീണ്ടും വല കുലുക്കിയെങ്കിലു​ം ഓഫ്​സൈഡ്​ വിസിലിൽ ആ മുൻതൂക്കം മുങ്ങിപ്പോയി.

ഒടുവിൽ സമനില ഉറപ്പിച്ചുനിൽക്കെയായിരുന്നു 95ാം മിനിറ്റിലെ കോർണർ കിക്ക്​. ട്രെൻറ്​ അലക്​സാണ്ടർ ആർനോൾഡ് കോർണർ തൊടുത്തുവിടു​േമ്പാൾ അലിസൺ എതിർബോക്​സിലേക്ക്​ ഓടിയെത്തിയിരുന്നു. ​അറ്റാക്കിങ്​ ​െപ്ലയേഴ്​സിനെ മാർക്ക്​ ചെയ്യാൻ തിടുക്കം കാട്ടുന്നതിനിടയിൽ വെസ്​​റ്റ്​ ബ്രോം ഡിഫൻസ്,​ ഗോളിയായ അലിസണിനെ കാര്യമായെടുത്തില്ല.

പന്ത്​ ബോക്​സിലേക്ക്​ പറന്നിറങ്ങിയതും ഞൊടിയിടയിൽ അലിസൺ കൃത്യമായി ഗതിമാറ്റിയ പന്ത്​ വലക്കണ്ണികളിൽ മുത്തമിടു​േമ്പാൾ​ വെസ്​റ്റ്​ ബ്രോമി​െൻറ പരാജയം എഴുതപ്പെട്ടുകഴിഞ്ഞിരുന്നു. ഒപ്പം പുതിയൊരു ചരിത്രവും. 1892ൽ രൂപവത്​ കൃതമായ ലിവർപൂൾ ക്ലബി​െൻറ ഇ​േന്നവരെയുള്ള അതീവ സംഭവ ബഹുലമായ ചരിത്രത്തിൽ തങ്ങളുടെ ഗോൾകീപ്പർമാരിലൊരാൾ ഒരു കോംപറ്റേറ്റിവ്​ ഗോൾ നേടുന്നത്​ ​ഇതാദ്യം. ​ ഇംഗ്ലീഷ്​ പ്രീമിയർ ലീഗ്​ ഫുട്​ബാളി​െൻറ ചരിത്രത്തിൽ ഹെഡറിലൂടെ ഗോൾ​ നേടുന്ന ആദ്യ ഗോൾകീപ്പർ എന്ന വിശേഷണവും അലിസണിന്​ സ്വന്തം.