ഏഴു വർഷത്തിന്​ ശേഷം മുഹമ്മദൻസിന്​ ​െഎ ലീഗ്​ യോഗ്യത

കൊൽക്കത്ത: യോഗ്യതാ റൗണ്ടിലെ മൂന്നാമത്തെ മത്സരവും ജയിച്ച്​ മുഹമ്മദൻസ്​ ​െഎ ലീഗിന്​. നഗരവൈരികളായ ഭവാനിപൂർ എഫ്​.സിയെ മറുപടിയില്ലാത്ത രണ്ട്​ ഗോളിന്​ വീഴ്​ത്തിയാണ്​ മുഹമ്മദൻ സ്​പോർട്ടിങ്​ യോഗ്യത ഉറപ്പിച്ചത്​.

മലയാളിതാരം ഗനി അഹമ്മദും ട്രിനിഡാഡ്​ സ്​ട്രൈക്കർ വില്ലിസ്​ പ്ലാസയുമാണ്​ മുഹമ്മദൻസി​െൻറ ഗോളടിക്കാർ. യോഗ്യതാ റൗണ്ടിൽ എല്ലാ ടീമുകൾക്കും ഒരു കളികൂടി ബാക്കിനിൽക്കെയാണ്​ ​മുഹമ്മദൻസ്​ നേരത്തേ തന്നെ ​െഎ ലീഗ്​ ടിക്കറ്റ്​ ഉറപ്പിച്ചത്​.

പ്രധാന വെല്ലുവിളി ഉയർത്തിയ ഭവാനിപൂർ എഫ്​.സി തോറ്റതോടെ അടുത്ത മത്സരങ്ങളിലെ ഫലം അപ്രസക്തമായി.

129 വർഷത്തെ ചരിത്രമുള്ള മുഹമ്മദൻസ്​ ഇൗ സീസണി​ൽ ​െഎ ലീഗിലെ 11ാമത്തെ ക്ലബാണ്​. 2013-14 സീസണിനു ശേഷം ആദ്യമായാണ്​ ​െഎ ലീഗിൽ തിരികെയെത്തുന്നത്​.