പരമയോഗ്യർ ഇന്ത്യ; ഹോങ്കോങ്ങിനെയും തകർത്തു, 4-0; ഗ്രൂപ്പ് ജേതാക്കൾ

കൊ​ൽ​ക്ക​ത്ത: ഗ്രൂ​പ് ഡി​യി​ലെ അ​വ​സാ​ന മ​ത്സ​ര​ത്തി​ൽ ഹോ​ങ്കോ​ങ്ങി​നെ നേ​രി​ടു​ന്ന​തി​ന് മ​ണി​ക്കൂ​റു​ക​ൾ മു​മ്പേ 2023ലെ ​എ.​എ​ഫ്.​സി ഏ​ഷ്യ​ൻ ക​പ്പി​ന് യോ​ഗ്യ​ത നേ​ടി​യി​രു​ന്നു ഇ​ന്ത്യ. ഗ്രൂ​പ് ബി ​മ​ത്സ​ര​ത്തി​ൽ ഫ​ല​സ്തീ​ൻ എ​തി​രി​ല്ലാ​ത്ത നാ​ലു ഗോ​ളി​ന് ഫി​ലി​പ്പീ​ൻ​സി​നെ തോ​ൽ​പി​ച്ച​തോ​ടെ​യാ​ണി​ത്. യോ​ഗ്യ​ത റൗ​ണ്ടി​ലെ ആ​റ് ഗ്രൂ​പ് ജേ​താ​ക്ക​ൾ​ക്കും മി​ക​ച്ച അ​ഞ്ച് ര​ണ്ടാം സ്ഥാ​ന​ക്കാ​ർ​ക്കു​മാ​ണ് ബെ​ർ​ത്ത്.

ഫ​ലം അ​പ്ര​സ​ക്ത​മാ​യ ക​ളി​യി​ൽ രാ​ത്രി ഹോ​ങ്കോ​ങ്ങി​നെ​തി​രെ ആ​തി​ഥേ​യ​ർ നേ​ടി​യ​ത് എ​തി​രി​ല്ലാ​ത്ത നാ​ലു ഗോ​ളി​ന്റെ ആ​ധി​കാ​രി​ക ജ​യം. ക​ളി തു​ട​ങ്ങി ര​ണ്ടാം മി​നി​റ്റി​ൽ​ത്ത​ന്നെ അ​ൻ​വ​ർ അ​ലി അ​ക്കൗ​ണ്ട് തു​റ​ന്നു. സാ​ൾ​ട്ട് ലേ​ക്കി​ൽ തി​മി​ർ​ത്തു​പെ​യ്ത മ​ഴ​യെ​യും അ​വ​ഗ​ണി​ച്ച് ക​ളി തു​ട​ർ​ന്ന​പ്പോ​ൾ 45ാം മി​നി​റ്റി​ൽ ക്യാ​പ്റ്റ​ൻ സു​നി​ൽ ഛേത്രി, 85ാം ​മി​നി​റ്റി​ൽ മ​ൻ​വീ​ർ സി​ങ്, ഇ​ഞ്ചു​റി ടൈ​മി​ന്റെ മൂ​ന്നാം മി​നി​റ്റി​ൽ സൂ​പ്പ​ർ സ​ബ് ഇ​ഷാ​ൻ പ​ണ്ഡി​ത എ​ന്നി​വ​രും സ്കോ​ർ ചെ​യ്തു. മൂ​ന്നി​ൽ മൂ​ന്നു മ​ത്സ​ര​വും ജ​യി​ച്ച് ഒ​മ്പ​തു പോ​യ​ന്റോ​ടെ ഇ​ന്ത്യ ഗ്രൂ​പ് ജേ​താ​ക്ക​ൾ.

ഹോ​ങ്കോ​ങ്ങും യോ​ഗ്യ​ത നേ​ടി​യി​ട്ടു​ണ്ട്. ഇ​ന്ത്യ തു​ട​ർ​ച്ച​യാ​യ ര​ണ്ടു ത​വ​ണ വ​ൻ​ക​ര​യു​ടെ ഫു​ട്ബാ​ൾ പോ​രാ​ട്ട​ത്തി​ന് ടി​ക്ക​റ്റെ​ടു​ക്കു​ന്ന​ത് ഇ​താ​ദ്യ​മാ​ണ്. നാ​ലു പ്രാ​വ​ശ്യം ഏ​ഷ്യ​ൻ ക​പ്പ് ക​ളി​ച്ചി​ട്ടു​ണ്ട്. 1964, 1984, 2011, 2019 വ​ർ​ഷ​ങ്ങ​ളി​ലാ​ണ് ഇ​ന്ത്യ ഏ​ഷ്യ​ൻ ക​പ്പി​ൽ പ​ന്തു​ത​ട്ടി‍യ​ത്. 1964ൽ ​നാ​ലു ടീ​മു​ക​ൾ മാ​ത്രം പ​ങ്കെ​ടു​ത്ത​പ്പോ​ൾ ര​ണ്ടാം സ്ഥാ​ന​ക്കാ​രാ​യ​താ​ണ് ഇ​തു​വ​രെ​യു​ള്ള മി​ക​ച്ച പ്ര​ക​ട​നം. ബാ​ക്കി മൂ​ന്നു പ്രാ​വ​ശ്യ​വും നോ​ക്കൗ​ട്ട് റൗ​ണ്ടി​ലേ​ക്കു ക​ട​ക്കാ​തെ ഗ്രൂ​പ്പി​ൽ അ​വ​സാ​ന​ക്കാ​രാ​യി മ​ട​ങ്ങു​ക​യാ​യി​രു​ന്നു. മൂ​ന്നു റൗ​ണ്ടു​ക​ളി​ൽ​നി​ന്നാ​ണ് യോ​ഗ്യ​രെ നി​ശ്ച​യി​ക്കു​ന്ന​ത്. ആ​കെ 24 ടീ​മു​ക​ളാ​ണ് ക​ളി​ക്കു​ക. ആ​ദ്യ ര​ണ്ടു റൗ​ണ്ടു​ക​ൾ ക​ഴി​ഞ്ഞ​പ്പോ​ൾ 13 എ​ണ്ണം യോ​ഗ്യ​ത നേ​ടി.

ര​ണ്ടാം റൗ​ണ്ടി​ലാ​ണ് ഇ​ന്ത്യ തു​ട​ങ്ങി​യ​ത്. ഖ​ത്ത​ർ, ഒ​മാ​ന​ട​ക്ക​മു​ള്ള ഗ്രൂ​പ്പി​ൽ ഒ​രു ജ​യ​വും നാ​ലു സ​മ​നി​ല​യും മൂ​ന്നു തോ​ൽ​വി​യും വാ​ങ്ങി മൂ​ന്നാ​മ​താ​യി. ഇ​തോ​ടെ‍യാ​ണ് ഇ​ന്ത്യ എ.​എ​ഫ്.​സി ഏ​ഷ്യ​ൻ ക​പ്പ് യോ​ഗ്യ​ത മൂ​ന്നാം റൗ​ണ്ടി​ലേ​ക്കെ​ത്തി​യ​ത്. ആ​ദ്യ ക​ളി​യി​ൽ കം​ബോ​ഡി​യ​യെും ര​ണ്ടാ​മ​ത്തെ മ​ത്സ​ര​ത്തി​ൽ അ​ഫ്ഗാ​നി​സ്താ​നെ​യും തോ​ൽ​പി​ച്ചു. ഇ​ക്കൊ​ല്ലം ന​ട​ക്കേ​ണ്ട​താ​യി​രു​ന്നു മ​ത്സ​ര​ങ്ങ​ൾ. കോ​വി​ഡ് ഭീ​ഷ​ണി​യി​ൽ 2023ലേ​ക്കു മാ​റ്റി. ചൈ​ന​യാ​ണ് വേ​ദി​യാ​യി നി​ശ്ച​യി​ച്ചി​രു​ന്ന​തെ​ങ്കി​ലും അ​വ​ർ പി​ന്മാ​റി​യി​ട്ടു​ണ്ട്.