ഇംഗ്ലണ്ടിന് ഇന്ന് ദക്ഷിണാ​ഫ്രിക്ക

മും​ബൈ: ഏ​ക​ദി​ന ക്രി​ക്ക​റ്റ് ലോ​ക​ക​പ്പി​ൽ ഇ​ന്ന് വ​മ്പ​ന്മാ​രു​ടെ ​പോ​രാ​ട്ടം. മൂ​ന്ന് ക​ളി​ക​ളി​ൽ നാ​ല് പോ​യ​ൻ​റു​ള്ള ദ​ക്ഷി​ണാ​ഫ്രി​ക്ക​യും ര​ണ്ട് പോ​യ​ന്റു​ള്ള ഇം​ഗ്ല​ണ്ടും ഏ​റ്റു​മു​ട്ടു​മ്പോ​ൾ വി​ജ​യം ഇ​രു​കൂ​ട്ട​ർ​ക്കും അ​ത്യാ​വ​ശ്യ​മാ​ണ്. ആ​ദ്യ ക​ളി​യി​ൽ ന്യൂ​സി​ല​ൻ​ഡി​നോ​ട് ​ തോ​റ്റ നി​ല​വി​ലെ ജേ​താ​ക്ക​ളാ​യ ഇം​ഗ്ല​ണ്ട് ര​ണ്ടാം മ​ത്സ​ര​ത്തി​ൽ ബം​ഗ്ലാ​ദേ​ശി​നെ തോ​ൽ​പി​ച്ചി​രു​ന്നു. മൂ​ന്നാം ക​ളി​യി​ൽ 69 റ​ൺ​സി​ന്റെ ഞെ​ട്ടി​ക്കു​ന്ന തോ​ൽ​വി​യാ​യി​രു​ന്നു ഇം​ഗ്ല​ണ്ടി​ന്റേ​ത്.

ശ്രീ​ല​ങ്ക​യെ​യും ആ​സ്ട്രേ​ലി​യ​യെ​യും കീ​ഴ​ട​ക്കി​യ ദ​ക്ഷി​ണാ​ഫ്രി​ക്ക, പി​ന്നീ​ട് നെ​ത​ർ​ല​ൻ​ഡ്സി​നോ​ടേ​റ്റ തോ​ൽ​വി​യു​ടെ ക്ഷീ​ണ​ത്തി​ലാ​ണ് വാം​ഖ​ഡെ സ്​​റ്റേ​ഡി​യ​ത്തി​ൽ ഇ​ന്നി​റ​ങ്ങു​ന്ന​ത്. ലോ​ക​ക​പ്പി​ൽ ഏ​ഴ് ത​വ​ണ പ​ര​സ്പ​രം ഏ​റ്റു​മു​ട്ടി​യ​പ്പോ​ൾ നാ​ല് ജ​യം ഇം​ഗ്ല​ണ്ടി​നാ​യി​രു​ന്നു. എ​ന്നാ​ൽ, ഈ ​ലോ​ക​ക​പ്പി​ൽ മി​ക​ച്ച ടീ​മാ​ണ് ദ​ക്ഷി​ണാ​ഫ്രി​ക്ക​യെ​ങ്കി​ലും പ​തി​വ് പോ​ലെ പ്ര​ക​ട​ന​ത്തി​ലെ അ​സ്ഥി​ര​ത​യാ​ണ് വ​ലി​യ വെ​ല്ലു​വി​ളി. ക​ട​ലാ​സി​ൽ ക​രു​ത്ത​രാ​ണെ​ങ്കി​ലും ഇം​ഗ്ല​ണ്ടി​ന് ഗം​ഭീ​ര​മാ​യ ക​ളി പു​റ​ത്തെ​ടു​ക്കാ​നാ​യി​ട്ടി​ല്ല. സ്റ്റാ​ർ ഓ​ൾ റൗ​ണ്ട​റും സ​ഹ​താ​ര​ങ്ങ​ൾ​ക്ക് പ്ര​ചോ​ദ​ന​വു​മാ​യ ബെ​ൻ സ്റ്റോ​ക്ക്സ് ഇ​ന്ന് ക​ളി​ക്കാ​ൻ സാ​ധ്യ​ത​യു​ണ്ട്. പ​രി​ശീ​ല​നം ന​ട​ത്തി​യി​രു​ന്നെ​ന്നും സ്റ്റോ​ക്ക്സി​ന്റെ തി​രി​ച്ചു​വ​ര​വ് ടീ​മി​ന് പു​ത്ത​നു​ണ​ർ​വേ​കു​മെ​ന്നും ക്യാ​പ്റ്റ​ൻ ജോ​സ് ബ​ട് ല​ർ പ​റ​ഞ്ഞു. ദ​ക്ഷി​ണാ​ഫ്രി​ക്ക​ൻ നി​ര​യി​ൽ ക്വി​ന്റ​ൻ ഡി​കോ​ക്, എ​യ്ഡ​ൻ മാ​ർ​ക്രം, വാ​ൻ ഡെ​ർ ഡ്യു​സ​ൻ തു​ട​ങ്ങി​യ ക​രു​ത്ത​രാ​യ ബാ​റ്റ​ർ​മാ​രു​ണ്ട്.