Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightFootballchevron_rightഅസൂറിപ്പടയുടെ അപരാജിത...

അസൂറിപ്പടയുടെ അപരാജിത കുതിപ്പിൽ ഇനി തകരാനുള്ളത്​ ഈ റെക്കോഡ്​

text_fields
bookmark_border
italy euro cup
cancel

ലണ്ടൻ: കരുത്തരായ ഇംഗ്ലണ്ടിനെ സ്വന്തം തട്ടകത്തിൽ പെനാൽറ്റി ഷൂട്ടൗട്ടിൽ കീഴടക്കി രണ്ടാം യൂറോ കപ്പ്​ കിരീടം സ്വന്തമാക്കിയ സന്തോഷത്തിലാണ്​ ഇറ്റലി. ജർമനിക്ക് (7)​ പിന്നിൽ ഏറ്റവും കൂടുതൽ മേജർ കിരീടങ്ങളുള്ള ടീമായി മാറിയിരിക്കുകയാണ്​ ഇറ്റലി (നാല്​ ലോകകപ്പ്​, രണ്ട്​ യൂറോ കപ്പ്​). ഇതോടൊപ്പം തന്നെ റോബർ​ട്ടോ മാൻസീനിയും സംഘവും അവരുടെ അപരാജിത കുതിപ്പ്​ 34 മത്സരങ്ങളിലേക്ക്​ നീട്ടിയിരിക്കുകയാണ്​.

സ്​പെയിനിനെ ഷൂട്ടൗട്ടിൽ 4-2ന്​ കീഴടക്കിയായിരുന്നു അസൂറിപ്പട കലാശക്കളിക്ക്​ യോഗ്യത നേടിയിരുന്നത്​. ക്വാർട്ടറിൽ അടിയറവ്​ പറയിപ്പിച്ചതോ ലോക ഒന്നാം നമ്പർ ടീമായ ബെൽജിയത്തെയും. ടൂർണമെന്‍റിൽ ഇതുവരെ 13 ഗോളുകൾ സ്​കോർ ചെയ്​ത ഇറ്റലി ആകെ വഴങ്ങിയത്​ നാല്ഗോളുകൾ മാത്രം.

2018 സെപ്​റ്റംബർ 10 യുവേഫ നേഷൻസ്​ ലീഗിൽ പോർചുഗലിനെതിരെയായിരുന്നു ഇറ്റലിയു​െട അവസാന തോൽവി. 1935 മുതൽ 1939 വരെയുള്ള കാലയളവിൽ കോച്ച്​ വിറ്റോറിയോ പോസോയുടെ കീഴിൽ ഇറ്റലി 30 മത്സരങ്ങൾ പരാജയമറിയാതെ പൂർത്തിയാക്കിയിരുന്നു. അക്കാലത്ത്​ അവർ രണ്ടാം ലോക കിരീടവും (1938) പിറ്റേ വർഷം നടന്ന ഒളിമ്പിക്​സിൽ സ്വർണമെഡലും സ്വന്തമാക്കി.

35 മത്സരങ്ങൾ അപരാജിതരായി പൂർത്തിയാക്കിയ ബ്രസീൽ (1993-1996), സ്​പെയിൻ (2007-2009) ടീമുകളുടെ റെക്കോഡ്​ സ്വന്തമാക്കുകയാണ്​ ഇനി ഇറ്റലിയുടെ ലക്ഷ്യം. ഇറ്റലിയോടൊപ്പം തന്നെ ആഫ്രിക്കൻ ടീമായ അൾജീരിയയും ഇൗ ലക്ഷ്യത്തിനായുള്ള പോരാട്ടത്തിലാണ്​. ആഫ്രിക്കൻ നേഷൻസ്​ കപ്പ്​ ജേതാക്കളായ അൾജീരിയ 2018 മുതൽ 27 മത്സരങ്ങളിൽ പരാജയമറിഞ്ഞിട്ടില്ല.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:italyEuro Copa
News Summary - 34 games unbeaten for Italy aims this record
Next Story