2026 ലോകകപ്പ് 16 നഗരങ്ങളിൽ

ന്യൂയോർക്: യു.എസും മെക്സികോയും കാനഡയും സംയുക്ത ആതിഥേയത്വം വഹിക്കുന്ന 2026 ഫുട്ബാൾ ലോകകപ്പിന് പന്തുരുളുക 16 മൈതാനങ്ങളിൽ. യു.എസിലെ 11ഉം മെക്സികോയിലെ മൂന്നും കാനഡയിലെ രണ്ടും സ്റ്റേഡിയങ്ങളാണ് ലോക കപ്പിനായി ഫിഫ തെരഞ്ഞെടുത്തത്. മെക്സികോ സിറ്റിയിലെ ആസ്റ്റെക സ്റ്റേഡിയം മൂന്ന് ലോക കപ്പ് നടക്കുന്ന സ്റ്റേഡിയമാവും.

1970, 86 ലോകകപ്പുകൾ മെക്സികോയിൽ നടന്നപ്പോൾ പ്രധാന മത്സരങ്ങൾ ആസ്റ്റെകയിലായിരുന്നു. യു.എസിന്റെ രണ്ടാം ലോക കപ്പാണിത്. 1994ലായിരുന്നു ആദ്യത്തേത്. കാനഡക്കിത് കന്നി ലോക കപ്പാണ്.