വ​നി​ത ഫു​ട്ബാ​ൾ ലോ​ക​ക​പ്പ്: ബ്ര​സീ​ലി​നും ജ​ർ​മ​നി​ക്കും വ​മ്പ​ൻ ജ​യം; തോ​റ്റ് അ​ർ​ജ​ന്റീ​ന

സി​ഡ്നി: വ​നി​ത ലോ​ക​ക​പ്പി​ൽ വ​മ്പ​ന്മാ​ർ മാ​റ്റു​ര​ച്ച ദി​ന​ത്തി​ൽ ജ​ർ​മ​നി​യും ബ്ര​സീ​ലും ക​രു​ത്തു​​കാ​ട്ടി​യ​പ്പോ​ൾ അ​സൂ​റി​ക​ളോ​ട് തോ​റ്റ് നീ​ല​ക്കു​പ്പാ​യ​ക്കാ​ർ. ഗ്രൂ​പ് എ​ച്ചി​ലെ ഫേ​വ​റി​റ്റു​ക​ളാ​യ ജ​ർ​മ​നി ഏ​ക​പ​ക്ഷീ​യ​മാ​യ ആ​റു ഗോ​ളി​നാ​ണ് മൊ​റോ​ക്കോ​യെ മു​ക്കി​യ​ത്. ഈ ​ലോ​ക​ക​പ്പി​ലെ ആ​ദ്യ ഹാ​ട്രി​ക് കു​റി​ച്ച് ആ​രി ബോ​ർ​ഹെ​സ് നി​റ​ഞ്ഞാ​ടി​യ ദി​ന​ത്തി​ൽ പാ​ന​മ​ക്കെ​തി​രെ ബ്ര​സീ​ൽ കു​റി​ച്ച​ത് നാ​ലു ഗോ​ൾ ജ​യം. ഏ​റ്റ​വും മി​ക​ച്ച ര​ണ്ടു നി​ര​ക​ൾ മു​ഖാ​മു​ഖം നി​ന്ന ഇ​റ്റ​ലി-​അ​ർ​ജ​ന്റീ​ന പോ​രി​ൽ യൂ​റോ​പ്യ​ൻ ടീം ​ജ​യി​ച്ചു​ക​യ​റി​യ​ത് ഏ​ക​പ​​ക്ഷീ​യ​മാ​യ ഒ​രു ഗോ​ളി​ന്.

മൈ​താ​ന​ത്ത് ആ​ദ്യ​വ​സാ​നം ജ​ർ​മ​നി മാ​ത്രം ദൃ​ശ്യ​മാ​യ മ​ത്സ​ര​ത്തി​ൽ അ​ല​ക്സാ​ണ്ട​ർ പോ​പ്പ് ഡ​ബ്ള​ടി​ച്ച് മു​ന്നി​ൽ​നി​ന്ന് ന​യി​ച്ച​പ്പോ​ൾ ബ്യൂ​ഹ്ൽ, എ​യ്ത് അ​ൽ​ഹാ​ജ് (സെ​ൽ​ഫ് ഗോ​ൾ), റാ​ബി​റ്റ്, ഷൂ​ള​ർ എ​ന്നി​വ​ർ മൊ​റോ​ക്കോ വ​ല​യി​ൽ പ​ന്തെ​ത്തി​ച്ചു. ഈ ​ലോ​ക​ക​പ്പി​ൽ ക​ന്നി​യ​ങ്കം കു​റി​ക്കു​ന്ന മൊ​റോ​ക്കോ നി​ര ചെ​റു​ത്തു​നി​ൽ​ക്കാ​ൻ പോ​ലു​മാ​കാ​തെ​യാ​ണ് കീ​ഴ​ട​ങ്ങി​യ​ത്.

സ​മാ​ന​മാ​യി, ആ​ദ്യ​മാ​യി ലോ​ക​ക​പ്പി​നെ​ത്തു​ന്ന പാ​ന​മ​ക്കെ​തി​രെ സാം​ബ വ​നി​ത​ക​ളും നി​ർ​ദ​യ​മാ​യ പ്ര​ക​ട​ന​മാ​ണ് പു​റ​ത്തെ​ടു​ത്ത​ത്.

ആ​ദ്യ പ​കു​തി​യി​ൽ ര​ണ്ടു വ​ട്ടം വ​ല​കു​ലു​ക്കി​യ ആ​രി ബോ​ർ​ഹെ​സ് ഇ​ട​വേ​ള ക​ഴി​ഞ്ഞ​യു​ട​ൻ ബാ​ക്ഹീ​ൽ പാ​സു​മാ​യി സാ​നെ​റാ​റ്റോ യൊ​ആ​വോ​ക്ക് അ​സി​സ്റ്റ് ന​ൽ​കി​യും 70ാം മി​നി​റ്റി​ൽ ഗോ​ള​ടി​ച്ചും പ​ട്ടി​ക പൂ​ർ​ത്തി​യാ​ക്കി.

യൂ​റോ​പ്യ​ൻ-​ലാ​റ്റി​ന​മേ​രി​ക്ക​ൻ ക​രു​ത്ത് മു​ഖാ​മു​ഖം നി​ന്ന മൂ​ന്നാം അ​ങ്ക​ത്തി​ൽ പ​ക​ര​ക്കാ​രി​യാ​യി എ​ത്തി​യ ക്രി​സ്റ്റ്യാ​ന ജി​റേ​ലി​യാ​ണ് ഇ​റ്റ​ലി​യെ വി​ജ​യി​പ്പി​ച്ച​ത്. പ​തി​വു​പോ​ലെ പ്ര​തി​രോ​ധം ക​ന​പ്പി​ച്ചി​റ​ങ്ങി​യ അ​സൂ​റി​ക​ൾ ഒ​രു പ​ണ​ത്തൂ​ക്കം മു​ന്നി​ൽ നി​ന്ന ക​ളി​യി​ൽ അ​വ​സാ​നം വ​രെ ഇ​ഞ്ചോ​ടി​ഞ്ച് പോ​രാ​ട്ടം ന​ട​ന്ന​തി​നി​ടെ​യാ​യി​രു​ന്നു ഗ​തി നി​ർ​ണ​യി​ച്ച ഗോ​ൾ.