Begin typing your search above and press return to search.
exit_to_app
exit_to_app
ലോകകപ്പ്​ യോഗ്യത: മെസ്സി ഗോൾ നേടിയിട്ടും ജയം പിടിക്കാനാവാതെ അർജന്‍റീന
cancel
Homechevron_rightSportschevron_rightFootballchevron_rightലോകകപ്പ്​ യോഗ്യത:...

ലോകകപ്പ്​ യോഗ്യത: മെസ്സി ഗോൾ നേടിയിട്ടും ജയം പിടിക്കാനാവാതെ അർജന്‍റീന

text_fields
bookmark_border

ബ്യൂണസ്​ ഐറിസ്​: കളി വീണ്ടും ചൂടുപിടിക്കുന്ന ലാറ്റിൻ അമേരിക്കൻ ഫുട്​ബാളിൽ അർജന്‍റീനക്കും സൂപർ താരം ലയണൽ മെസ്സിക്കും വെല്ലു​വിളി ശക്​തമാക്കി ചിലി. വ്യാഴാഴ്ച നടന്ന ലോകകപ്പ്​ യോഗ്യത പോരാട്ടത്തിൽ ആദ്യം ഗോൾ നേടി അർജന്‍റീന മുന്നിലെത്തിയിട്ടും ചിലിയുടെ അലക്​​സിസ്​ സാഞ്ചസ്​ ഗോൾ മടക്കിയതോടെ യോഗ്യത പോരാട്ടം കനത്തു.

മാസങ്ങൾ നീണ്ട ഇടവേളക്കു ശേഷമാണ്​ ദേശീയ ജഴ്​സിയിൽ അർജന്‍റീനയും ചിലിയും ലോകകപ്പ്​ യോഗ്യത തേടിയിറങ്ങിയത്​. അതിനാൽ തന്നെ മികച്ച നീക്കങ്ങൾ കുറഞ്ഞു. ലോട്ടറോ മാർട്ടിനെസിനെ ഫൗൾ ചെയ്​തതിന്​ ലഭിച്ച പെനാൽറ്റി 37ാം മിനിറ്റിൽ​ മെസ്സി ലക്ഷ്യത്തിലെത്തിച്ചു​. പിന്നെയും മെസ്സിക്കൂട്ടം മെച്ചപ്പെട്ട നീക്കങ്ങളുമായി മുന്നിൽനിന്നെങ്കിലും ചിലി പ്രതിരോധവും ഗോളി ​േക്ലാഡിയോ ബ്രാവോയും കോട്ടകാത്തു. അതിനിടെ, അലക്​സിസ്​ സാഞ്ചസ്​ തിരിച്ചടിച്ചതോടെ നീലക്കുപ്പായക്കാരുടെ പ്രതീക്ഷകൾ പാതിയായി. കളി അവസാനിക്കാൻ മിനിറ്റുകൾ ശേഷിക്കെ മെസ്സി ഗോളിനരികെ എത്തിയപ്പോഴും ​ബ്രാവോ രക്ഷകനായി.

ഇതോടെ, സ്വന്തം നാട്ടിൽ തുടർച്ചയായ 35 കളികളിൽ തോൽവിയറിയാതെ കുതിക്കുന്നുവെന്ന മികവ്​ മാത്രം അർജന്‍റീനക്ക്​ സ്വന്തം.

​ഖത്തർ ലോകകപ്പിനുള്ള ലാറ്റിൻ ​അമേരിക്ക പട്ടികയിൽ അഞ്ചു കളികളിൽ 11 പോയിന്‍റുമായി അർജന്‍റീന രണ്ടാമതാണ്​. ബ്രസീലാണ്​ ഒന്നാം സ്​ഥാനത്ത്​- 12 പോയിന്‍റ്​. ചിലി ആറാമതുണ്ട്​. മറ്റൊരു കളിയിൽ ബൊളീവിയ 3-1ന്​ വെനസ്വേലയെ തകർത്തപ്പോൾ പാരഗ്വായ്​- യുറുഗ്വായ്​ മത്സരം ഗോൾരഹിത സമനിലയിൽ പിരിഞ്ഞു.

Show Full Article
TAGS:FIFA World Cup Qualifiers Lionel Messi Argentin Chile 
News Summary - 2022 FIFA World Cup Qualifiers: Alexis Sanchez cancels Lionel Messi penalty as Chile hold Argentina
Next Story