ഖത്തറിന്​ മുന്നിൽ കാലിടറിയെങ്കിലും മനം കവർന്ന്​ ഇന്ത്യ

ദോ​ഹ: അ​ൽ​സ​ദ്ദി​ലെ ജാ​സിം ബി​ൻ ഹ​മ​ദ്​ സ്​​റ്റേ​ഡി​യ​ത്തി​ൽ മ​ല​യാ​ളി​ക​ള​ട​ക്ക​മു​ള്ള ഇ​ന്ത്യ​ക്കാ​രു​ടെ ആ​ര​വ​ത്തി​ൽ പ​ന്തു​ത​ട്ടാ​നി​റ​ങ്ങി​യ ഇ​ന്ത്യ​ൻ ഫു​ട്​​ബാ​ൾ ടീം ​ഒ​രി​ക്ക​ൽ​കൂ​ടി ആ​രാ​ധ​ക​രു​ടെ മ​നം​ക​വ​ർ​ന്നാ​ണ്​ തിരിച്ചുകയറിയത്. ബാറിനുതാഴെ ഗോ​ളി ഗു​ർ​പ്രീ​ത്​ സി​ങ്​ സ​ന്ധു​ ഉ​റ​ച്ചു​നി​ന്ന​പ്പോ​ൾ ഏ​ഷ്യ​ൻ ജേ​താ​ക്ക​ളാ​യ ഖ​ത്ത​റി​നെ​തി​രെ ലോ​ക​ക​പ്പ്​ യോ​ഗ്യ​ത റൗ​ണ്ടി​ൽ ഇ​ന്ത്യ​യു​ടെ ​തോ​ൽ​വി ഏ​ക​പ​ക്ഷീ​യ​മാ​യ ഒ​രു ഗോ​ളി​ന്​ മാ​ത്രം.

ആ​ദ്യ​പാ​ദ​ത്തി​ൽ ഖ​ത്ത​റി​നെ ഗോ​ൾ​ര​ഹി​ത സ​മ​നി​ല​യി​ൽ പി​ടി​ച്ചു​കെ​ട്ടി​യി​രു​ന്ന ഇ​ന്ത്യ​ക്ക്​ ഇ​ത്ത​വ​ണ അ​തി​നാ​യി​ല്ലെ​ങ്കി​ലും കൂ​ടു​ത​ൽ ഗോ​ൾ വ​ഴ​ങ്ങാ​തെ പി​ടി​ച്ചു​നി​ന്ന്​ മാ​നം കാ​ത്തു. ഇ​തി​ന്​ ന​ന്ദി പ​റ​യേ​ണ്ട​ത്​ ആ​ദ്യ​പാ​ദ​ത്തി​ലേ​തി​ന്​ സ​മാ​ന​മാ​യി ഗോ​ൾ​വ​ല​ക്കു​മു​ന്നി​ൽ ഗം​ഭീ​ര സേ​വു​ക​ളു​മാ​യി നി​റ​ഞ്ഞു​നി​ന്ന കീ​പ്പ​ർ ഗു​ർ​പ്രീ​തി​നോ​ടു​ ത​ന്നെ. 29 ഷോ​ട്ടു​ക​ളാ​ണ്​ ഖ​ത്ത​ർ ഇ​ന്ത്യ​ൻ ഗോ​ൾ​മു​ഖ​ത്തേ​ക്ക്​ പാ​യി​ച്ച​ത്. ഇ​തി​ൽ ല​ക്ഷ്യ​ത്തി​ലേ​ക്കാ​യി​രു​ന്ന പ​ത്തി​ൽ ഒ​മ്പ​തു​ ഷോ​ട്ടു​ക​ളും സ​ന്ധു​വി​നു മു​ന്നി​ൽ പൊ​ലി​ഞ്ഞു. 33ാം മി​നി​റ്റി​ൽ അ​ബ്​​ദു​ൽ അ​സീ​സ്​ ഹാ​തിം ആ​ണ്​ സ​ന്ധു​വി​നെ കീ​ഴ​ട​ക്കി​യ​ത്.

സ​ന്ദേ​ശ്​ ജി​ങ്കാ​‍െൻറ നേ​തൃ​ത്വ​ത്തി​ലു​ള്ള പ്ര​തി​രോ​ധ നി​ര​യും മി​ക​ച്ച പ്ര​ക​ട​ന​മാ​ണ്​ കാ​ഴ്​​ച​വെ​ച്ച​ത്. പ​ത്ത്​ മി​നി​റ്റാ​വു​േ​മ്പാ​ഴേ​ക്കും വ​ല​തു​വി​ങ്​ ബാ​ക്ക്​ രാ​ഹു​ൽ ബെ​ക്കേ ര​ണ്ടാം മ​ഞ്ഞ​ക്കാ​ർ​ഡും ക​ണ്ട്​ തി​രി​ച്ചു​ക​യ​റി​യ​തോ​ടെ പ​ത്തു പേ​രു​മാ​യാ​ണ്​ ശേ​ഷി​ച്ച 80 മി​നി​റ്റി​ല​ധി​കം ടീം ​ഇ​ന്ത്യ ചെ​റു​ത്തു​നി​ന്ന​ത്. മ​ധ്യ​നി​ര​യി​ലെ പ്ര​ധാ​ന താ​ര​ങ്ങ​ളാ​യ റൗ​ളി​ൻ ബോ​ർ​ഗ​സും അ​നി​രു​ദ്ധ്​ താ​പ്പ​യും ഇ​ല്ലാ​തി​രു​ന്നി​ട്ടും നാ​യ​ക​ൻ സു​നി​ൽ ഛേത്രി ​ഇ​ട​വേ​ള​യി​ൽ ക​യ​റി​യി​ട്ടും ഇ​ന്ത്യ പ​ത​റി​യി​ല്ല.

മൈ​താ​ന​മ​ധ്യ​ത്തി​ൽ അ​വ​സ​രം ല​ഭി​ച്ച സു​രേ​ഷ്​ വാ​ങ്​​ജ​മും ഗ്ലാ​ൻ മാ​ർ​ട്ടി​ൻ​സും പ്ര​തി​രോ​ധ മി​ക​വ്​ പ്ര​ക​ടി​പ്പി​ച്ചെ​ങ്കി​ലും ക്രി​യാ​ത്മ​ക നീ​ക്ക​ങ്ങ​ൾ​ക്ക്​ തു​ട​ക്ക​മി​ടാ​ൻ ക​ഴി​യാ​തി​രു​ന്ന​ത്​ മു​ൻ​നി​ര​ക്ക്​ തി​രി​ച്ച​ടി​യാ​യി. മു​ൻ​നി​ര​യി​ൽ മ​ൻ​വീ​ർ സി​ങ്ങി​നും ബി​പി​ൻ സി​ങ്ങി​നും ഛേത്രി​ക്കും പ​ക​ര​മെ​ത്തി​യ ഉ​ദാ​ന്ത സി​ങ്ങി​നും ഒ​രു ഷോ​ട്ടു​പോ​ലും തൊ​ടു​ക്കാ​നാ​യി​ല്ല. ഒ​രി​ക്ക​ൽ​കൂ​ടി ഇ​ട​തു​ബാ​ക്ക്​ സ്ഥാ​ന​ത്ത്​ ഇ​റ​ങ്ങേ​ണ്ടി​വ​ന്ന മ​ല​യാ​ളി താ​രം ആ​ഷി​ഖ്​ കു​രു​ണി​യ​ൻ നി​രാ​ശ​പ്പെ​ടു​ത്തി​യി​ല്ല. പ​ക​ര​ക്കാ​ര​നാ​യി അ​വ​സാ​ന​ഘ​ട്ട​ത്തി​ൽ സ​ഹ​ൽ അ​ബ്​​ദു​സ്സ​മ​ദും ക​ള​ത്തി​ലി​റ​ങ്ങി.

19 പോ​യ​ൻ​റു​മാ​യി ഖ​ത്ത​ർ ആ​ണ്​ ഗ്രൂ​പ്​ ഇ​യി​ൽ മു​ന്നി​ൽ. 12 പോ​യ​ൻ​റു​ള്ള ഒ​മാ​നും അ​ഞ്ചു പോ​യ​ൻ​റു​ള്ള അ​ഫ്​​ഗാ​നി​സ്​​താ​നും പി​റ​കി​ലാ​ണ്​ മൂ​ന്നു പോ​യ​ൻ​റു​മായി ഇ​ന്ത്യ. ര​ണ്ടു പോ​യ​ൻ​റു​ള്ള ബം​ഗ്ലാ​ദേ​ശാ​ണ്​ അ​വ​സാ​ന സ്ഥാ​ന​ത്ത്. ഇന്ത്യക്ക്​ ലോ​ക​ക​പ്പ്​ യോ​ഗ്യ​ത റൗ​ണ്ടി​ൽ അ​ടു​ത്ത ഘ​ട്ട​ത്തി​ലേ​ക്ക്​ മു​ന്നേ​റാ​നു​ള്ള വ​ഴി​യ​ട​ഞ്ഞെ​ങ്കി​ലും ഏ​ഷ്യ​ൻ ക​പ്പ്​ സാ​ധ്യ​ത നി​ല​നി​ർ​ത്താ​ൻ ഏ​ഴി​ന്​ ബം​ഗ്ലാ​ദേ​ശി​നെ​തി​രെ​യും 15ന്​ ​അ​ഫ്​​ഗാ​നെ​തി​രെ​യും അ​വ​സ​ര​മു​ണ്ട്.