ചെസ് കാൻഡിഡേറ്റ്സ് 2024; രാജകീയം ഈ ഇന്ത്യൻ പട

ടോ​​റ​ന്റോ: ച​തു​രം​ഗ​ത്തി​ന് നാ​ന്ദി കു​റി​ച്ച മ​ണ്ണ് സു​വ​ർ​ണ പ്ര​താ​പ​കാ​ല​ഘ​ട്ട​ത്തി​ലെ​ന്ന് സൂ​ചി​പ്പി​ച്ച് ലോ​ക പോ​രാ​ട്ട​ത്തി​ന് മു​ന്നോ​ടി​യാ​യി ന​ട​ന്ന കാ​ൻ​ഡി​ഡേ​റ്റ്സ് ടൂ​ർ​ണ​മെ​ന്റ്. ഏ​റ്റ​വും മി​ക​ച്ച എ​ട്ടു​പേ​ർ മാ​റ്റു​ര​ക്കു​ന്ന ടൂ​ർ​ണ​മെ​ന്റി​ൽ ഇ​ന്ത്യ​യി​ൽ​നി​ന്ന് ഇ​ത്ത​വ​ണ പ​​ങ്കെ​ടു​ത്ത​ത് പു​രു​ഷ വി​ഭാ​ഗ​ത്തി​ൽ മൂ​ന്നും വ​നി​ത​ക​ളി​ൽ ര​ണ്ടും പേ​രാ​ണ്. 17കാ​ര​നാ​യ ഡി. ​ഗു​കേ​ഷ് കി​രീ​ട​വു​മാ​യി ലോ​ക പോ​രാ​ട്ട​ത്തി​ലേ​ക്ക് ന​ട​ന്നു​ക​യ​റി​യ മ​ത്സ​ര​ങ്ങ​ളി​ൽ ​ആ​ർ. പ്ര​ഗ്നാ​ന​ന്ദ, കൊ​നേ​രു ഹം​പി, വി​ദി​ത് ഗു​ജ​റാ​ത്തി, ആ​ർ. വൈ​ശാ​ലി എ​ന്നി​വ​രും മി​ക​ച്ച പ്ര​ക​ട​ന​വു​മാ​യി അ​ഭി​മാ​ന​മാ​യി.

സീ​ഡി​ങ്ങി​നും റേ​റ്റി​ങ്ങി​നു​മൊ​ത്ത​താ​യി​രു​ന്നു അ​ക്ഷ​രാ​ർ​ഥ​ത്തി​ൽ പ്ര​ഗ്നാ​ന​ന്ദ​യു​ടെ പ്ര​ക​ട​നം. ലോ​ക മൂ​ന്നാം ന​മ്പ​ർ താ​രം ഹി​കാ​രു ന​കാ​മു​റ​യെ ര​ണ്ടു​വ​ട്ടം വീ​ഴ്ത്തു​ക​യെ​ന്ന അ​പൂ​ർ​വ​ത​യാ​യി​രു​ന്നു വി​ദി​തി​ന്റെ സ​വി​ശേ​ഷ​ത. ഹം​പി​യാ​ക​ട്ടെ, പ​ത​റി​യ തു​ട​ക്കം വി​ട്ട് ക​ളി ക​ന​പ്പി​ച്ച് അ​വ​സാ​ന​ത്തി​ൽ പോ​യ​ന്റ് പ​ട്ടി​ക​യി​ൽ മി​ക​ച്ചു​നി​ന്നു. സ​മാ​ന​മാ​യി നാ​ലു​ക​ളി തോ​റ്റ് നി​രാ​ശ​പ്പെ​ടു​ത്തി​യ വൈ​ശാ​ലി പി​ന്നീ​ട് അ​ഞ്ചു ക​ളി​ക​ൾ തു​ട​ർ​ച്ച​യാ​യി ജ​യി​ച്ച് അ​ദ്ഭു​ത​മാ​യി.

പ്ര​ഗ്നാ​ന​ന്ദ ഇ​ത്ത​വ​ണ ടൂ​ർ​ണ​മെ​ന്റി​നെ​ത്തു​ന്ന​ത് റ​ഷ്യ​ൻ ഗ്രാ​ൻ​ഡ് മാ​സ്റ്റ​ർ പീ​റ്റ​ർ സ്വി​ഡ്‍ല​റെ ത​ന്റെ ടീ​മി​ന്റെ ഭാ​ഗ​മാ​ക്കി​യാ​യി​രു​ന്നു. പ​ല​പ്പോ​ഴും ഞെ​ട്ടി​ക്കു​ന്ന പ്ര​ക​ട​ന​വു​മാ​യി ആ​വേ​ശം വാ​നോ​ള​മു​യ​ർ​ത്തി​യെ​ങ്കി​ലും വെ​​റു​തെ ക​ള​ഞ്ഞു​കു​ളി​ച്ച ചി​ല അ​വ​സ​ര​ങ്ങ​ൾ താ​ര​ത്തി​ന് കി​രീ​ട​സാ​ധ്യ​ത ന​ഷ്ട​പ്പെ​ടു​ത്തി.

ഗു​കേ​ഷി​നെ​തി​രെ ര​ണ്ടാം റൗ​ണ്ടി​ലെയ​ട​ക്കം ​തോ​ൽ​വി ചോ​ദി​ച്ചു​വാ​ങ്ങി. അ​ഞ്ചാം റൗ​ണ്ടി​ൽ നെ​പ്പോം​നി​യാ​ഷി​ക്കെ​തി​രെ ജ​യി​ക്കാ​മാ​യി​രു​ന്ന മ​ത്സ​രം സ​മ​നി​ല​യി​ൽ വീ​ണും എ​ട്ടാം റൗ​ണ്ട് മു​ത​ൽ 13 വ​രെ ആ​റു ക​ളി​ക​ളി​ൽ ഒ​രു ജ​യം പോ​ലും നേ​ടാ​നാ​കാ​തെയും ഒന്നാം സ്ഥാനം നഷ്ടപ്പെടുത്തി.

വി​ദി​ത് ഗു​ജ​റാ​ത്തി​യാ​ക​ട്ടെ ക​ന്നി​യ​ങ്ക​ത്തി​ൽ​ത​ന്നെ അ​ദ്ഭു​ത​പ്പെ​ടു​ത്തു​ന്ന ക​ളി​യു​മാ​യി നി​റ​ഞ്ഞു​നി​ന്നു. ന​കാ​മു​റ​ക്കെ​തി​രെ ര​ണ്ടു​വ​ട്ടം ജ​യി​ച്ച​തി​നൊ​പ്പം ലോ​ക നാ​ലാം ന​മ്പ​ർ താ​രം അ​ലി​റി​സ ഫൈ​റൂ​സ്ജ​ക്കെി​രെ​യും ജ​യം ക​ണ്ടു.

വ​നി​ത​ക​ളി​ൽ പ​രി​ച​യം അ​വ​സ​ര​മാ​ക്കി ക​ളി​ച്ചാ​ണ് കൊ​നേ​രു ഹം​പി ര​ണ്ടാം സ്ഥാ​ന​ക്കാ​രി​യാ​യ​ത്. ആ​ദ്യ ഏ​ഴു ക​ളി​ക​ളി​ൽ ജ​യ​മു​ണ്ടാ​യി​ല്ലെ​ന്നു മാ​ത്ര​മ​ല്ല, ഏ​റ്റ​വും റേ​റ്റി​ങ് കു​റ​ഞ്ഞ ബ​ൾ​ഗേ​റി​യ​ൻ താ​രം നു​ർ​ഗി​ൽ സ​ലി​മോ​വ​ക്കെ​തി​രെ തോ​ൽ​ക്കു​ക​യും ചെ​യ്ത​ത് കി​രീ​ട​സ്വ​പ്നം പാ​തി​വ​ഴി​യി​ലാ​ക്കു​ക​യാ​യി​രു​ന്നു. എ​ന്നാ​ൽ, അ​വ​സാ​ന ക​ളി​യി​ൽ നി​ല​വി​ലെ ചാ​മ്പ്യ​ൻ ലീ ​ടി​ങ്ജി​യെ വീ​ഴ്ത്തി ത​ന്റെ ന​ഷ്ട​ക്ക​ണ​ക്കു​ക​ൾ​ക്ക് പ​ക​രം വീ​ട്ടാ​നും അ​വ​ർ​ക്കാ​യി.