രോഹിതിന്​ ഖേൽ രത്​ന; ജിൻസി ഫിലിപ്പിന്​ ധ്യാൻചന്ദ്​

ന്യൂഡൽഹി: അവാർഡ്​ നിർണയ സമിതി നിർദേശിച്ച അഞ്ചു പേർക്കും ഖേൽരത്​ന പുരസ്​കാരം. രോഹിത്​ ശർമ (ക്രിക്കറ്റ്​), മാരിയപ്പൻ ടി (പാര അത്​ലറ്റിക്​സ്​), മണിക ബത്ര (ടി.ടി), റാണി രാംപാൽ (ഹോക്കി) എന്നിവർക്കാണ്​ ഖേൽരത്​ന പുരസ്​കാരം. രാജ്യത്തെ പരമോന്നത കായിക പുരസ്​കാരമായ രാജീവ്​ ഗാന്ധി ഖേൽരത്​നക്ക്​ അഞ്ചുപേരെ തെരഞ്ഞെടുക്കുന്നത്​ ഇതാദ്യമായാണ്​.

2016ൽ നാലു പേർക്ക്​ അവാർഡ്​ നൽകിയിരുന്നു. ദ്രോണാചാര്യ പുരുസ്​കാരത്തിന്​ 13 പേരെ തെരഞ്ഞെടുത്തു. ലൈഫ്​ ടൈം വിഭാഗത്തിൽ എട്ടും റെഗുലർ വിഭാഗത്തിൽ അഞ്ചു പേർക്കുമാണ്​ അവാർഡ്​. ജൂഡ്​ ഫെലിക്​സ്​ (ഹോക്കി), ജസ്​പാൽ റാണ (ഷൂട്ടിങ്​) എന്നിവർക്ക്​ ദ്രോണ പുരസ്​കാരം നൽകും.

ക്രിക്കറ്റ്​ താരം ഇശാന്ത്​ ശർമ, അത്​ലറ്റ്​ ദ്യുതി ചന്ദ്​, ഫുട്​ബാൾ താരം സന്ദേശ്​ ജിങ്കാൻ, ഷൂട്ടിങ്​ താരം സൗരഭ്​ ചൗധരി, മനു ഭകർ, അ​െമ്പയ്​ത്ത്​ താരം അതാനു ദാസ്​, ബാഡ്​മിൻറൺ താരങ്ങളായ സ്വാതിക്​ സായ്​രാജ്​, ചിരാഗ്​ ഷെട്ടി, വനിത ക്രിക്കറ്റ്​ താരം ദീപ്​തി ശർമ, ടെന്നിസ്​ താരം ദിവിജ്​ ശരൺ എന്നിവർ ഉൾപ്പെടെ 27 പേർക്കാണ്​ അർജുന പുരസ്​കാരം.സമിതി നിർദേശിച്ച 29 പേരിൽ നിന്നും ​നേരത്തേ ഖേൽരത്​ന പുരസ്​കാരം നേടിയ മീരാഭായ്​ ചാനു, സാക്ഷി മാലിക്​ എന്നിവരെ​ ഒഴിവാക്കി​.