Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_rightകർഷകർ രാജ്യത്തി​െൻറ...

കർഷകർ രാജ്യത്തി​െൻറ ജീവരക്തം, സമാധാനപരമായി പരിഹരിക്കണം; ജന്മദിനത്തിൽ നിലപാട്​ വ്യക്തമാക്കി യുവരാജ്​

text_fields
bookmark_border
കർഷകർ രാജ്യത്തി​െൻറ ജീവരക്തം, സമാധാനപരമായി പരിഹരിക്കണം; ജന്മദിനത്തിൽ നിലപാട്​ വ്യക്തമാക്കി യുവരാജ്​
cancel

ന്യൂഡൽഹി: മുൻ ഇന്ത്യൻ ക്രിക്കറ്റ്​ താരം യുവരാജ്​ സിങ്​ ത​െൻറ 39ാം ജന്മദിനത്തിൽ പങ്കുവെച്ച കുറിപ്പ്​ ശ്രദ്ധേയമാകുന്നു. പിതാവും ക്രിക്കറ്റ്​ താരവുമായ പിതാവ്​ യോഗേന്ദ്ര സിങ്ങി​െൻറ നിലപാടുകൾ തള്ളിയ യുവരാജ്​ കർഷകരുമായുള്ള പ്രശ്​നങ്ങൾ സമാധാനപരമായി സർക്കാർ പരിഹരിക്കുമെന്ന്​ പ്രതീക്ഷ പ്രകടിപ്പിച്ചു.

''കർഷകരും സർക്കാരും തമ്മിലുള്ള സംഘർഷം വേഗത്തിൽ പരിഹരിക്കാൻ ഞാൻ പ്രാർഥിക്കുന്നു. കർഷകർ നമ്മുടെ നാടി​െൻറ ജീവരക്തമാണെന്നതിൽ തർക്കമില്ല. സമാധാനപരമായ ചർച്ചകളിലൂടെ പരിഹരിക്കാൻ സാധിക്കാത്തതായി ഒന്നുമില്ലെന്ന്​ ഞാൻ ഉറച്ചു വിശ്വസിക്കുന്നു.

ഒരു ഇന്ത്യക്കാരനെന്ന നിലയിൽ പിതാവ്​ യോഗേന്ദ്ര സിങ്ങി​െൻറ പരാമർശത്തിൽ ഞാൻ ദുഖിതനാണ്​. അദ്ദേഹ​ത്തി​െൻറ ആശയങ്ങളല്ല എനിക്കുള്ളതെന്ന്​ ഞാൻ വ്യക്തമാക്കുന്നു. എല്ലാവരും ഇനിയും അവസാനിക്കാത്ത കോവിഡ്​ മഹാമാരിക്കെതിരെ മുൻകരുതൽ എടുക്കണം'' -യുവരാജ്​ സമൂഹമാധ്യമങ്ങളിലൂടെ പ്രതികരിച്ചു.

കർഷക സമരവേദിയിൽ വെച്ച്​ ​യുവരാജ്​ സിങ്ങി​െൻറ പിതാവ്​ യോഗ്​രാജ്​ നടത്തിയ പ്രസംഗം ഹിന്ദു ജനവിഭാഗത്തെ അപമാനിക്കുന്നതും സ്​ത്രീ വിരുദ്ധമാണെന്നും വിവിധ കോണുകളിൽ നിന്നും വിമർശനമുയർന്ന സാഹചര്യത്തിലാണ്​ യുവരാജി​െൻറ വിശദീകരണം.

2007 ​ട്വൻറി 20 ലോകകപ്പ്​, 2011 ഏകദിന ലോകകപ്പ്​ എന്നിവ ഇന്ത്യ നേടു​േമ്പാൾ നിർണായക സാന്നിധ്യമായ യുവരാജ്​ ഇന്ത്യയുടെ എക്കാലത്തേയും മികച്ച ഓൾറൗണ്ടർമാരിലൊരാളായാണ്​ അറിയപ്പെടുന്നത്​. ഇന്ത്യക്കായി 40 ടെസ്​റ്റുകളിലും 304 ഏകദിനങ്ങളിലും 58 ട്വൻറി 20കളിലും യുവരാജ്​ കളത്തിലിറങ്ങിയിട്ടുണ്ട്​.

Show Full Article
TAGS:Yuvraj Singh Farmers protest 
News Summary - Yuvraj Singh supports farmers in birthday post, distances himself from father Yograj's views
Next Story