Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightയൂനിസ്​ ഖാൻ സ്​ഥാനം...

യൂനിസ്​ ഖാൻ സ്​ഥാനം ഒഴിഞ്ഞു; പാകിസ്​താൻ ഇംഗ്ലണ്ടിലെത്തുന്നത്​ ബാറ്റിങ്​ കോച്ചില്ലാതെ

text_fields
bookmark_border
younis khan batting coach
cancel

ഇസ്​ലാമാബാദ്​: മുൻ നായകൻ യൂനിസ്​ ഖാൻ പാകിസ്​താൻ ക്രിക്കറ്റ്​ ടീമി​െൻറ പരിശീലക സ്​ഥാനം ഒഴിഞ്ഞു. ജൂൺ 25 മുതൽ ട്വൻറി20, ഏകദിന പരമ്പരകൾക്കായി ടീം ഇംഗ്ലണ്ടിലേക്ക്​ പറക്കാൻ ഒരുങ്ങുന്നതിനിടെ യൂനിസ്​ സ്​ഥാനം ഒഴിയാനിടയായ സാഹചര്യം വ്യക്തമല്ല.

ഇംഗ്ലണ്ടിൽ മൂന്ന്​ വീതം ട്വൻറി20, ഏകദിന മത്സരങ്ങൾ കളിച്ച ശേഷം പാകിസ്​താൻ വെസ്​റ്റിൻഡീസ്​ സന്ദർശിക്കുന്നുണ്ട്​. ജൂലൈ 21 മുതൽ ആഗസ്​റ്റ്​ 21 വരെ നീണ്ടുനിൽക്കുന്ന കരീബിയൻ പര്യടനത്തിൽ അഞ്ച്​ ട്വൻറി20യും രണ്ട്​ ടെസ്​റ്റ്​ മത്സരങ്ങളും പാകിസ്​താൻ കളിക്കും.

ബാറ്റിങ്​ കോച്ചില്ലാതെയാകും ടീം ഇംഗ്ലണ്ടിലേക്ക്​ പോകുകയെന്നും വിൻഡീസ്​ പര്യടനത്തിന്​ മുമ്പ്​ ബാറ്റിങ്​ കോച്ചിനെ നിയമിക്കുമെന്നും പാകിസ്​താൻ ക്രിക്കറ്റ്​ ബോർഡ്​ അറിയിച്ചു.

ടീം സെലക്ഷനിൽ ത​െൻറ അഭിപ്രായങ്ങൾക്ക്​ വേണ്ടവിധ പരിഗണന ലഭിക്കുന്നില്ലെന്നും ത​െൻറ റോളിൽ യൂനിസ്​ ഖാൻ സംതൃപ്​തനല്ലെന്നും നേരത്തെ റിപ്പോർട്ടുകൾ ഉണ്ടായിരുന്നു. ഭാവി ടീമിനെ വാർത്തെടുക്കുന്ന രീതിയിലും അദ്ദേഹത്തിന്​ അതൃപ്​തിയുണ്ടായിരുന്നു. 2022 ഐ.സി.സി ട്വൻറി20 ലോകകപ്പ്​ വരെ രണ്ടു വർഷത്തെ കരാറിലാണ്​ കഴിഞ്ഞ നവംബറിൽ യൂനിസ്​ ഖാനെ ബാറ്റിങ്​ കോച്ചായി നിയമിച്ചത്​. ​

10000ത്തിലേറെ റൺസ്​ സമ്പാദ്യമുള്ള യൂനിസ്​ ഖാൻ ടെസ്​റ്റിലെ പാക്​ ടീമി​െൻറ ഏറ്റവും മികച്ച റൺവേട്ടക്കാരനാണ്​. മുമ്പും അപ്രതീക്ഷിതമായ തീരുമാനങ്ങൾ കൊണ്ട്​ യൂനിസ്​ പാക്​ ക്രിക്കറ്റിനെ ഞെട്ടിച്ചിരുന്നു. പി.സി.ബി ചെയർമാനെ കാണാൻ അവസരം ലഭിച്ചില്ലെന്ന്​ കാണിച്ച്​ 2007 ചാമ്പ്യൻസ്​ ട്രോഫിയിൽ ടീമിനെ നയിക്കാൻ അദ്ദേഹം വിസമ്മതിച്ചിരുന്നു.

ടീമിലെ ചില കളിക്കാർ ത​െൻറ ശൈലിക്കെതിരെ രംഗത്തെത്തിയതോടെ 2009ലാണ്​ യൂനിസ്​ ഖാൻ നായക സ്​ഥാനം ഒഴിഞ്ഞത്​. 2015ൽ ഇംഗ്ലണ്ടിനെതിരെ കളിച്ച്​ ഏകദിനത്തോട്​ വിടപറഞ്ഞ യൂനിസ്​ 2017 മേയിൽ വിൻഡീസിനെതിരായ മത്സരത്തിൽ ടെസ്​റ്റിൽ നിന്നും വിരമിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:pakistan cricketYounis KhanBatting Coach
News Summary - Younis Khan steps down as Pakistan’s batting coach
Next Story