Begin typing your search above and press return to search.
proflie-avatar
Login
exit_to_app
exit_to_app
Homechevron_rightSportschevron_rightCricketchevron_rightകോവിഡിനെ നിങ്ങൾ...

കോവിഡിനെ നിങ്ങൾ സിക്​സർ പറത്തുമെന്ന്​ എനിക്കുറപ്പാണ്​; സചിന്​ സൗഖ്യം നേർന്ന്​ പാക്​ ഇതിഹാസം

text_fields
bookmark_border
sachin and akram
cancel

ന്യൂഡൽഹി: കോവിഡ്​ ബാധിതനായ ഇന്ത്യൻ ക്രിക്കറ്റ്​ ഇതിഹാസം സചിൻ ടെണ്ടുൽക്കറിന്​ സൗഖ്യം നേർന്ന്​ പാകിസ്​താൻ പേസ്​ ഇതിഹാസം വസീം അക്രം. കൊറോണ വൈറസിനെ സിക്​സടിച്ച്​ പറത്താൻ സചിനാകുമെന്ന്​ അദ്ദേഹം ആത്മവിശ്വാസം പ്രകടിപ്പിച്ചു.

കോവിഡ്​ ബാധയത്തുടർന്ന്​ ആശുപത്രിയിൽ പ്രവേശിപ്പിച്ചിരിക്കുകയാണെന്ന സചിന്‍റെ സന്ദേശം പുറത്ത്​ വന്നതിന്​ പിന്നാലെയാണ്​ അക്രമിന്‍റെ ട്വീറ്റ്​.

16ാം വയസിൽ ലോകോത്തര ബൗളർമാരെ നേരിട്ട പരിചയമുള്ള സചിന്‍റെ ഈ ഒരു അവസ്​ഥ ധൈര്യപൂർവം മറികടക്കാനാകുമെന്ന്​ അദ്ദേഹം പ്രത്യാശ പ്രകടിപ്പിച്ചു​. 16ാം വയസിൽ കറാച്ചിയിൽ തന്‍റെ അരങ്ങേറ്റ മത്സരത്തിൽ തന്നെ വസീം അക്രം, വഖാർ യൂനിസ്​, ഇംറാൻ ഖാൻ എന്നിവരടങ്ങുന്ന പാക്​ പേസ്​ നിരയെ നേരിട്ടാണ്​ സചിൻ വരവറിയിച്ചത്​.

'വെറും 16 കാരനായിരിക്കേ ധൈര്യവും ആത്മസംയനവും വെച്ച്​ ലോകത്തിലെ ഏറ്റവും മികച്ച ബൗളർമാരോട് നിങ്ങൾ പോരാടി... അതിനാൽ നിങ്ങൾ കോവിഡിനെ സിക്​സ്​ അടിക്കുമെന്ന് എനിക്ക് ഉറപ്പുണ്ട്... ഉടൻ തിരിച്ചുവരൂ മാസ്റ്റർ! ഇന്ത്യയുടെ 2011 ലോകകപ്പ് വിജയത്തിന്‍റെ വാർഷികം ഡോക്ടർമാരുടെയും ആശുപത്രി ജീവനക്കാരുടെയും കൂടെ നിങ്ങൾ ആഘോഷിക്കുകയാണെങ്കിൽ വളരെ നന്നായിരിക്കും ... എനിക്ക് ഒരു ചിത്രം അയച്ചു തരിക'-അക്രം ട്വിറ്ററിൽ കുറിച്ചു.

കോവിഡിനെ തുടർന്ന്​ വീട്ടുനിരീക്ഷണത്തിലായിരുന്ന മുൻ ഇന്ത്യൻ ക്രിക്കറ്റ്​ താരം സചിൻ ടെണ്ടുൽക്കറെ വെള്ളിയാഴ​്​ചയാണ്​ ആശുപത്രിയിൽ പ്രവേശിപ്പിച്ചത്​. ആരോഗ്യപ്രവർത്തകരുടെ നിർദേശപ്രകാരം ആശുപത്രിയിലേക്ക്​ മാറുകയാണെന്ന്​ സചിൻ ട്വിറ്ററിൽ കുറിച്ചു.


ഉടൻ തന്നെ വീട്ടിലേക്ക്​ മടങ്ങിയെത്താനാവുമെന്നാണ്​ പ്രതീക്ഷയെന്നും സചിൻ പറഞ്ഞു.ലോകകപ്പ്​ നേടിയതിന്‍റെ 10ാം വാർഷികത്തിൽ ടീമംഗങ്ങൾക്ക്​ സചിൻ ആശംസകൾ അർപ്പിച്ചു. സചിന്​ പുറമേ റോഡ്​ സേഫ്​റ്റി സീരിസിൽ കളിച്ച ഇന്ത്യൻ ലെജന്‍റസിന്‍റെ നാല്​ താരങ്ങൾക്ക്​ കോവിഡ്​ സ്ഥിരീകരിച്ചിരുന്നു. സചിൻ ടെണ്ടുൽക്കർ, എസ്​.ബദരീനാഥ്​, യൂസഫ്​ പത്താൻ, ഇർഫാൻ പത്താൻ എന്നിവർക്കാണ്​ കോവിഡ്​ സ്ഥിരീകരിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:sachin tendulkarwasim akram​Covid 19
News Summary - you will hit Covid-19 for a six Wasim Akram wishes Sachin Tendulkar speedy recovery
Next Story