ക​പ്പി​ൽ തീപടരുന്നു; ലോ​ക ടെ​സ്റ്റ് ചാ​മ്പ്യ​ൻ​ഷി​പ് ഫൈ​ന​ൽ ഇ​ന്നു​മു​ത​ൽ

ല​ണ്ട​ൻ: ക്രി​ക്ക​റ്റി​ന്റെ എ​ല്ലാ ഫോ​ർ​മാ​റ്റി​ലും അ​ന്താ​രാ​ഷ്ട്ര ട്രോ​ഫി​ക​ൾ നേ​ടി​യ ആ​സ്ട്രേ​ലി​യ, പേ​രി​നൊ​രു ലോ​ക കി​രീ​ടം പോ​ലും സ്വ​ന്ത​മാ​യി​ല്ലാ​ത്ത ദ​ക്ഷി​ണാ​ഫ്രി​ക്ക...​ലോ​ക ടെ​സ്റ്റ് ചാ​മ്പ്യ​ൻ​ഷി​പ് 2023-25ന്റെ ​ഫൈ​ന​ലി​ന് ബു​ധ​നാ​ഴ്ച ഇം​ഗ്ല​ണ്ടി​ലെ ച​രി​ത്ര​പ്ര​സി​ദ്ധ​മാ​യ ലോ​ർ​ഡ്സി​ൽ തു​ട​ക്ക​മാ​വു​മ്പോ​ൾ കാ​യി​ക​പ്രേ​മി​ക​ൾ ആ​വേ​ശ​ത്തി​ലാ​ണ്. ഐ.​സി.​സി റാ​ങ്കി​ങ്ങി​ലെ ഒ​ന്നാം സ്ഥാ​ന​ക്കാ​രും ടെ​സ്റ്റ് ചാ​മ്പ്യ​ൻ​ഷി​പ് പോ​യ​ന്റ് പ​ട്ടി​ക​യി​ലെ ഒ​ന്നാ​മ​ന്മാ​രും ത​മ്മി​ലാ​ണ് പോ​രാ​ട്ട​മെ​ന്ന​ത് വീ​റും​വാ​ശി​യും കൂ​ട്ടു​ന്നു. ചാ​മ്പ്യ​ൻ​ഷി​പ് പോ​യ​ന്റ് പ​ട്ടി​ക​യി​ൽ ര​ണ്ടാ​മ​ന്മാ​രാ​യാ​ണ് ഓ​സീ​സ് ഫൈ​ന​ലി​ന് യോ​ഗ്യ​ത നേ​ടി​യ​തെ​ങ്കി​ൽ ഒ​ന്നാ​മ​തെ​ത്തി ആ​ധി​കാ​രി​ക​മാ​യി​ത്ത​ന്നെ ക​ട​ന്ന​വ​രാ​ണ് പ്രോ​ട്ടീ​സ്.

തു​ട​രു​മോ അ​തി​ശ​യം?

2025 കാ​യി​ക ലോ​ക​ത്തി​ന് അ​തി​ശ​യ​ങ്ങ​ളു​ടെ വ​ർ​ഷ​മാ​ണ്. നൂ​റ്റാ​ണ്ടി​ന് മീ​തെ കാ​ലം കി​രീ​ടം സ്വ​പ്നം ക​ണ്ടി​രു​ന്ന​വ​ർ​വ​രെ ചാ​മ്പ്യ​ന്മാ​രാ​യ വ​ർ​ഷം. അ​പ്പോ​ഴും ദ​ക്ഷി​ണാ​ഫ്രി​ക്ക​ൻ ക്രി​ക്ക​റ്റ് ടീ​മി​നൊ​രു ലോ​ക​ക​പ്പെ​ന്ന മോ​ഹം ബാ​ക്കി​കി​ട​ക്കു​ക​യാ​ണ്. 1998ൽ ​ചാ​മ്പ്യ​ൻ​സ് ട്രോ​ഫി ജേ​താ​ക്ക​ളാ​യ​താ​ണ് ഇ​വ​രു​ടെ ഏ​ക ഐ.​സി.​സി കി​രീ​ടം. അ​തി​ന​പ്പു​റം ഏ​ക​ദി​ന, ട്വ​ന്റി20 ലോ​ക​ക​പ്പു​ക​ളി​ലൊ​ന്നും ചാ​മ്പ്യ​ന്മാ​രാ​വാ​ൻ പ്രോ​ട്ടീ​സി​ന് ക​ഴി​ഞ്ഞി​ട്ടി​ല്ല. ഏ​ക​ദി​ന ലോ​ക​ക​പ്പി​ൽ ഇ​തു​വ​രെ ഫൈ​ന​ലി​ൽ​പോ​ലു​മെ​ത്തി​യി​ട്ടി​ല്ല. ക​ന്നി ട്വ​ന്റി20 ലോ​ക​ക​പ്പ് ഫൈ​ന​ൽ പ്ര​വേ​ശ​നം 2024ൽ ​സം​ഭ​വി​ച്ചെ​ങ്കി​ലും ഇ​ന്ത്യ​യോ​ട് തോ​റ്റ് റ​ണ്ണ​റ​പ്പാ​യി.

ക്യാ​പ്റ്റ​ൻ ടെം​ബ ബാ​വു​മ പ്ര​ഖ്യാ​പി​ച്ച പ്ലേ​യി​ങ് ഇ​ല​വ​നി​ൽ പ്ര​തി​ഭ​ക​ളു​ടെ നി​ര ത​ന്നെ​യു​ണ്ട്. വി​ക്ക​റ്റ് വേ​ട്ട​ക്കാ​ര​ൻ പേ​സ​ർ കാ​ഗി​സോ റ​ബാ​ദ​ക്ക് കൂ​ട്ടാ​യി ഇ​ടം​കൈ​യ​ൻ മാ​ർ​കോ ജാ​ൻ​സ​നും മൂ​ന്നാം സീ​മ​റാ​യി ലു​ൻ​ഗി എ​ൻ​ഗി​ഡി​യു​മാ​ണു​ള്ള​ത്. ബാ​റ്റി​ങ്ങി​ലും ക​ഴി​വ് തെ​ളി​യി​ച്ച​യാ​ളാ​ണ് ജാ​ൻ​സ​ൻ. കേ​ശ​വ് മ​ഹാ​രാ​ജാ​ണ് പ്ര​ധാ​ന സ്പി​ൻ ആ​യു​ധം. എ​യ്ഡ​ൻ മാ​ർ​ക​റ​മും റ​യാ​ൻ റി​ക്കി​ൾ​ട്ട​ണും ഇ​ന്നി​ങ്സ് ഓ​പ​ൺ ചെ​യ്യും. ബാ​വു​മ നാ​ലാ​മ​നാ​യി ഇ​റ​ങ്ങും. മ​ധ്യ​നി​ര​യി​ൽ ഡേ​വി​ഡ് ബെ​ഡി​ങ്ഹാം ഫോ​മി​ലാ​ണ്. കെ​യ്ൽ വെ​റി​ൻ വി​ക്ക​റ്റ് കീ​പ്പ​റു​ടെ ഗ്ലൗ​സ​ണി​യും.

ഓ​സീ​സ് സെ​റ്റാ​ണ്

ഐ.​സി.​സി ഫൈ​ന​ലു​ക​ളി​ൽ ആ​സ്ട്രേ​ലി​യ​യെ തോ​ൽ​പി​ക്ക​ൽ ക​ടു​പ്പ​മാ​യി​രി​ക്കു​മെ​ന്ന​താ​ണ് ച​രി​ത്രം. ഏ​ക​ദി​ന, ട്വ​ന്റി20 ലോ​ക​ക​പ്പു​ക​ളി​ലും ചാ​മ്പ്യ​ൻ​സ് ട്രോ​ഫി​യി​ലും ടെ​സ്റ്റ് ചാ​മ്പ്യ​ൻ​ഷി​പ്പി​ലു​മാ​യി കം​ഗാ​രു​പ്പ​ട 14 ത​വ​ണ ക​ലാ​ശ​ക്ക​ളി​ക്കി​റ​ങ്ങി​യ​പ്പോ​ൾ 10ലും ​ക​പ്പു​മാ​യാ​ണ് മ​ട​ങ്ങി​യ​ത്. ക​ഴി​ഞ്ഞ ലോ​ക ടെ​സ്റ്റ് ചാ​മ്പ്യ​ൻ​ഷി​പ് ഫൈ​ന​ലി​ൽ ഇ​ന്ത്യ​ക്കെ​തി​രെ 209 റ​ൺ​സ് ജ​യ​വു​മാ​യി കി​രീ​ടം സ്വ​ന്ത​മാ​ക്കി​യ ആ​സ്ട്രേ​ലി​യ​ൻ സം​ഘ​ത്തി​ന് നി​ല​വി​ലെ ചാ​മ്പ്യ​ന്മാ​രെ​ന്ന പൊ​ലി​മ കൂ​ടി​യു​ണ്ട്. പ്ലേ​യി​ങ് ഇ​ല​വ​നെ ഇ​ന്ന​ലെ​ത​ന്നെ പ്ര​ഖ്യാ​പി​ച്ചി​ട്ടു​ണ്ട് ക്യാ​പ്റ്റ​ൻ പാ​റ്റ് ക​മ്മി​ൻ​സ്.

2023ലെ ​ഫൈ​ന​ൽ ക​ളി​ച്ച 11ൽ 10 ​പേ​രും അ​ട​ങ്ങി​യ​താ​ണ് സ്ക്വാ​ഡ്. വി​ര​മി​ച്ച ഡേ​വി​ഡ് വാ​ർ​ണ​റാ​ണ് 11ാമ​ൻ. ഓ​ൾ റൗ​ണ്ട​ർ ബ്യൂ ​വെ​ബ്സ്റ്റ​റൊ​ഴി​ച്ചു​ള്ള​വ​രെ​ല്ലാം പ​രി​ച​യ സ​മ്പ​ന്ന​ർ. പ​രി​ക്കേ​റ്റ പേ​സ​ർ ജോ​ഷ് ഹേ​സ​ൽ​വു​ഡ് പൂ​ർ​ണാ​രോ​ഗ്യം വീ​ണ്ടെ​ടു​ത്ത​തി​നാ​ൽ ക​ളി​ക്കും. ഉ​സ്മാ​ൻ ഖാ​ജ​ക്കൊ​പ്പം മാ​ർ​ന​സ് ല​ബൂ​ഷേ​ൻ ഇ​ന്നി​ങ്സ് ഓ​പ​ൺ ചെ​യ്യും. ക​മ്മി​ൻ​സി​നും ഹേ​സ​ൽ​വു​ഡി​നും പു​റ​മെ പേ​സ് ബൗ​ളി​ങ് ഡി​പ്പാ​ർ​ട്ട്മെ​ന്റി​ൽ ക​രു​ത്ത​നാ​യ മി​ച്ച​ൽ സ്റ്റാ​ർ​ക്കു​ണ്ട്. സ്പി​ൻ ബൗ​ളി​ങ്ങി​ൽ തു​റു​പ്പ് ശീ​ട്ടാ​യി ന​താ​ൻ ലി​യോ​ണും. ട്രാ​വി​സ് ഹെ​ഡ്, കാ​മ​റൂ​ൺ ഗ്രീ​ൻ, സ്റ്റീ​വ് സ്മി​ത്ത്, വി​ക്ക​റ്റ് കീ​പ്പ​ർ അ​ല​ക്സ് കാ​രി തു​ട​ങ്ങി​യ​വ​രു​മു​ൾ​പ്പെ​ടു​ന്ന​താ​ണ് ബാ​റ്റി​ങ് നി​ര.

ആ​സ്ട്രേ​ലി​യ ഇ​ല​വ​ൻ: പാ​റ്റ് ക​മ്മി​ൻ​സ് (ക്യാ​പ്റ്റ​ൻ), ഉ​സ്മാ​ൻ ഖാ​ജ, മാ​ർ​ന​സ് ലാ​ബു​ഷേ​ൻ, കാ​മ​റൂ​ൺ ഗ്രീ​ൻ, സ്റ്റീ​വ് സ്മി​ത്ത്, ട്രാ​വി​സ് ഹെ​ഡ്, ബ്യൂ ​വെ​ബ്‌​സ്റ്റ​ർ, അ​ല​ക്സ് കാ​രി, മി​ച്ച​ൽ സ്റ്റാ​ർ​ക്ക്, ന​താ​ൻ ലി​യോ​ൺ, ജോ​ഷ് ഹേ​സ​ൽ​വു​ഡ്.

ദ​ക്ഷി​ണാ​ഫ്രി​ക്ക ഇ​ല​വ​ൻ: ടെം​ബ ബാ​വു​മ (ക്യാ​പ്റ്റ​ൻ), എ​യ്ഡ​ൻ മ​ർ​ക​റം, റ​യാ​ൻ റി​ക്കി​ൾ​ട​ൺ, വി​യാ​ൻ മ​ൾ​ഡ​ർ, ട്രി​സ്റ്റ​ൻ സ്റ്റ​ബ്സ്, ഡേ​വി​ഡ് ബെ​ഡി​ങ്ഹാം, കെ​യ്ൽ വെ​റി​ൻ, മാ​ർ​ക്കോ ജാ​ൻ​സെ​ൻ, കേ​ശ​വ് മ​ഹാ​രാ​ജ്, കാ​ഗി​സോ റ​ബാ​ദ, ലു​ൻ​ഗി എ​ൻ​ഗി​ഡി.