വ​നി​ത പ്രീ​മി​യ​ർ ലീ​ഗ്: മുംബൈ ഇന്ത്യൻസ് ഫൈനലിൽ

മും​ബൈ: വ​നി​ത പ്രീ​മി​യ​ർ ലീ​ഗ് മുംബൈ ഇന്ത്യൻസ് ഫൈനലിൽ പ്രവേശിച്ചു. എ​ലി​മി​നേ​റ്റ​ർ മ​ത്സ​ര​ത്തി​ൽ ഗു​ജ​റാ​ത്ത് ജ​യ​ന്റ്സിനെ 47 റൺസിന് തോൽപ്പിച്ചാണ് അവർ കലാശപ്പോരിലേക്ക് മുന്നേറിയത്. ടോ​സ് ന​ഷ്ട​പ്പെ​ട്ട് ബാ​റ്റി​ങ്ങി​നി​റ​ങ്ങി​യ മും​ബൈ 20 ഓ​വ​റി​ൽ നാ​ല് വി​ക്ക​റ്റി​ന് 213 റ​ൺ​സ​ടി​ച്ചു.

ഓ​പ​ണ​ർ ഹെ​യ്‌​ലി മാ​ത്യൂ​സി​ന്റെ​യും (50 പ​ന്തി​ൽ 77) നാ​റ്റ് സി​വ​ർ ബ്ര​ണ്ടി​ന്റെ​യും (41 പ​ന്തി​ൽ 77) ത​ക​ർ​പ്പ​ൻ ബാ​റ്റി​ങ്ങും ക്യാ​പ്റ്റ​ൻ ഹ​ർ​മ​ൻ​പ്രീ​ത് കൗ​റി​ന്റെ (12 പ​ന്തി​ൽ 36) വെ​ടി​ക്കെ​ട്ടു​മാ​ണ് കൂ​റ്റ​ൻ സ്കോ​ർ സ​മ്മാ​നി​ച്ച​ത്. ഓ​പ​ണ​ർ യാ​സ്തി​ക ഭാ​ട്യ 14 പ​ന്തി​ൽ 15 റ​ൺ​സ് നേ​ടി​യ​പ്പോ​ൾ മ​ല​യാ​ളി താ​രം സ​ജ​ന സ​ജീ​വ​ൻ (1) പു​റ​ത്താ​വാ​തെ നി​ന്നു. ഗു​ജ​റാ​ത്തി​നാ​യി ഡാ​നി​യ​ൽ ഗി​ബ്സ​ൺ ര​ണ്ട് വി​ക്ക​റ്റെ​ടു​ത്തു.

മറുപടി ബാറ്റിങ്ങിൽ ഗു​ജ​റാ​ത്ത് ജ​യ​ന്റ്സ് 19.2 ഓവറിൽ 166 റൺസിൽ എല്ലാവരും പുറത്തായി. 24 പന്തിൽ 34 റൺസെടുത്ത ഡാനിയൽ ഗിബ്സൺ, 20 പന്തിൽ 31 റൺസെടുത്ത ഫോബെ ലിച്ച്ഫീൽഡ്, 20 പന്തിൽ 30 റൺസെടുത്ത ഭാരതി ഫുൽമാലി, എട്ട് പന്തിൽ 17 റൺസെടുത്ത സിമ്രാൻ ശൈഖ്, 12 പന്തിൽ 16 റൺസെടുത്ത തനൂജ കൻവാർ എന്നിവരാണ് ഗുജറാത്ത് നിരയിൽ ഭേദപ്പെട്ട പ്രകടനം പുറത്തെടുത്തത്.

മുംബൈക്കായി ഹെയ്‍ലി മാത്യൂസ് മൂന്നും, അമേലിയ കെർ രണ്ടും ഷബ്നിം ഇസ്മായിൽ, നാ​റ്റ് സി​വ​ർ ബ്രണ്ട് എന്നിവർ ഒന്ന് വീതവും വിക്കറ്റ് വീഴ്ത്തി. ശനിയാഴ്ച രാത്രി എട്ടിന് നടക്കുന്ന ഫൈനലിൽ മുംബൈ ഇന്ത്യൻസ് ഡൽഹി കാപിറ്റൽസിനെ നേരിടും.