ഷൂവിൽ ദ്വാരമിട്ട്​ ഷമിയുടെ ബൗളിങ്​; ദാരിദ്ര്യമല്ല മുൻകരുതലെന്ന്​ വിദഗ്​ധർ

അഡ്‌ലെയ്​ഡ്​: ഇന്ത്യയും ഓസ്ട്രേലിയയും തമ്മിൽ നടക്കുന്ന പിങ്ക് ബോള്‍ ടെസ്റ്റി​െൻറ രണ്ടാം ദിനത്തിലാണ്​ ക്രിക്കറ്റ് പ്രേമികളുടെ കണ്ണുകൾ പേസർ മുറമ്മദ്​ ഷമിയുടെ കാലുകളിൽ പതിഞ്ഞത്​. ഇടതു കാലിലെ ഷൂവി​െൻറ മുന്‍ ഭാഗത്ത്​ ദ്വാരവുമായിട്ടായിരുന്നു ഷമിയുടെ ബൗളിങ്​. ഒരു വിരല്‍ പുറത്തുകാണാൻ പാകത്തിനായിരുന്നു ദ്വാരമുണ്ടായിരുന്നത്​. സാമ്പത്തിക പ്രതിസന്ധി കാരണം ബി.സി.സി.​െഎക്ക്​ ഷൂ വാങ്ങാൻ പണമില്ലാത്തതാണോ എന്ന്​ ഒരുനിമിഷം ടീം ഇന്ത്യ ആരാധകർ സംശയിച്ചു.

ലോകത്തിലെ ഏറ്റവും സമ്പന്നമായ ക്രിക്കറ്റ് ബോര്‍ഡെന്ന ഖ്യാതിയുള്ള ബിസിസിഐയുടെ ഗതികേടിൽ പലരും പരിതപിച്ചു. എന്നാൽ സംഗതി പുതിയ തന്ത്രമാണെന്നാണ്​ മേഖലയിലെ വിദഗ്​ധർ പറയുന്നത്​. ബൗള്‍ ചെയ്യവെ ലാന്‍ഡിങിനിടെ കാല്‍വിരല്‍ സ്വതന്ത്രമാവുന്നതിനു വേണ്ടിയാണത്രെ ഷൂവിൽ ദ്വാരമിട്ടിരിക്കുന്നത്​. കാല്‍വിരലിനു പരിക്കേല്‍ക്കുന്നത് കുറയ്ക്കാന്‍ ഇതു സഹായിക്കും. മുന്‍ കാലങ്ങളില്‍ ലോകത്തിലെ പല ഫാസ്​റ്റ്​ ബൗളര്‍മാരും ഈ തന്ത്രം പരീക്ഷിച്ചിരുന്നതായി കാണാം. പാകിസ്​ഥാൻ ഫാസ്റ്റ് ബൗളര്‍മാരില്‍ ചിലര്‍ ഇതുപോലെ ഷൂവി​െൻറ മുന്‍ഭാഗത്ത്​ ദ്വാരമിട്ടിരുന്നു.

ആ​സ്​​ട്രേ​ലി​യ​ൻ മ​ണ്ണി​ൽ ആ​ദ്യ​മാ​യി പി​ങ്ക്​ പ​ന്തി​ൽ രാ​പ്പ​ക​ൽ ടെ​സ്​​റ്റിനിറ​ങ്ങി​യ ഇ​ന്ത്യ​ ഒന്നാം ഇന്നിങ്​സിൽ 244 റൺസിന്​ പുറത്തായി. നാല്​ വിക്കറ്റ്​ നേടിയ മിച്ചൽ സ്​റ്റാർക്കും മൂന്ന്​ വിക്കറ്റ്​ പിഴുത കമ്മിൻസുമാണ്​ ഇന്ത്യയുടെ നടുവൊടിച്ചത്​. കളിയുടെ ആ​ദ്യ ഓ​വ​റി​ൽ​ത​ന്നെ വി​ക്ക​റ്റ്​ ന​ഷ്​​ട​മാ​യി തു​ട​ങ്ങി​യ ഇ​ന്ത്യ ആ​ദ്യദി​നം ആ​റ്​ വി​ക്ക​റ്റ്​ ന​ഷ്​​ട​ത്തി​ൽ 233 റ​ൺസാണ്​ എടുത്തിരുന്നത്​. രണ്ടാം ദിനം 11 റൺസ്​ ചേർത്തപ്പോഴേക്കും ബാക്കി നാല്​ വിക്കറ്റും നഷ്​ടമായി. 3.1 ഓവർ മാത്രമാണ്​ ആസ്​ട്രേലിയൻ ബൗളർമാർക്ക്​ വെള്ളിയാഴ്​ച എറിയേണ്ടി വന്നത്​.

അ​ർ​ധ സെ​ഞ്ച്വ​റി നേ​ടി​യ നാ​യ​ക​ൻ വി​രാ​ട്​ കോ​ഹ്​​ലി​ക്കു പു​റ​മെ, ചേ​തേ​ശ്വ​ർ പു​ജാ​ര​യും അ​ജി​ൻ​ക്യ ര​ഹാ​നെ​യു​മാ​ണ് കഴിഞ്ഞദിവസം​ വ​ൻ​അ​പ​ക​ട​ത്തി​ൽ​നി​ന്ന്​ ഇന്ത്യയെ ക​ര​ക​യ​റ്റി​യ​ത്. പി​ങ്കു​പ​ന്തി​ൽ ക​ളി​ക്കേ​ണ്ട​ത്​ എ​ങ്ങ​നെ​യെ​ന്ന ആ​ശ​യ​ക്കു​ഴ​പ്പം ഇ​ന്ത്യ​ൻ ബാ​റ്റി​ങ്ങി​ൽ പ്ര​ക​ട​മാ​യി​രു​ന്നു.