പഞ്ചാബ് - ആർ.സി.ബി ഒന്നാം ക്വാളിഫയർ മഴയെടുക്കുമോ? അങ്ങനെയെങ്കിൽ സാധ്യത ഇങ്ങനെ...

മുല്ലൻപുർ: ഇന്ത്യൻ പ്രീമിയർ ലീഗിൽ ടേബിൾ ടോപ്പർമാരായ പഞ്ചാബ് കിങ്സും റോയൽ ചാലഞ്ചേഴ്സ് ബംഗളൂരുവും തമ്മിലുള്ള ഒന്നാം ക്വാളിഫയർ മത്സരം നടത്താനുള്ള അവസാനവട്ട ഒരുക്കത്തിലാണ് മുല്ലൻപുർ സ്റ്റേഡിയം. നിലവിൽ മത്സരത്തിന് മഴ ഭീഷണി ഇല്ലെങ്കിലും അത്തരമൊരു സാധ്യത വന്നാൽ എന്താകും തുടർനടപടികളെന്ന ചർച്ച സമൂഹമാധ്യമങ്ങളിൽ സജീവമാണ്.

ഒന്നാം ക്വാളിഫറിൽ തോൽക്കുന്ന ടീമിന് വീണ്ടും അവസരം ലഭിക്കുമെന്നിരിക്കെ, ജയിക്കുന്ന ടീം നേരിട്ട് ഫൈനലിലെത്തും. ഇന്നത്തെ മത്സരത്തിന് റിസർവ് ദിനം ഇല്ലാത്തതിനാൽ, കളി ഉപേക്ഷിക്കേണ്ടി വന്നാൽ പോയിന്‍റ് ടേബിളിൽ ഒന്നാമതുള്ള പഞ്ചാബ് കിങ്സ് ഫൈനൽ ബർത്ത് ഉറപ്പിക്കും. ഇരുടീമുകൾക്കും ലീഗ് റൗണ്ടിൽ 19 പോയിന്‍റ് വീതമാണുള്ളത്. എന്നാൽ നെറ്റ് റൺറേറ്റിലെ മുൻതൂക്കം കിങ്സിനെ ഒന്നാമരാക്കുന്നു.

ഇന്നത്തെ മത്സരത്തിൽ തോൽക്കുന്ന ടീം, മുംബൈ ഇന്ത്യൻസ് -ഗുജറാത്ത് ജയന്‍റ്സ് എലിമിനേറ്റർ മത്സരത്തിൽ ജയിക്കുന്ന ടീമുമായി ഏറ്റുമുട്ടും. അതിൽ ജയിക്കുന്ന ടീം ഇന്നത്തെ വിജയികളുമായി കലാശപ്പോരിൽ കൊമ്പുകോർക്കും. ഐ.​പി.​എ​ൽ പ്ലേ ​ഓ​ഫി​ലെ ദു​ര​ന്തം ആ​ർ.​സി.​ബി​യെ സം​ബ​ന്ധി​ച്ച് പു​തു​മ​യി​ല്ലാ​ത്ത​താ​ണ്. ഒ​മ്പ​ത് സീ​സ​ണു​ക​ളി​ൽ ടീം ​പ്ലേ ഓ​ഫി​ലെ​ത്തി​യ​പ്പോ​ൾ ആ​റി​ലും പു​റ​ത്തേ​ക്കാ​ണ് വ​ഴി തെ​ളി​ഞ്ഞ​ത്.

മൂ​ന്നെ് സീസണിൽ ആ​ർ.​സി.​ബി ഫൈ​ന​ലി​ലെ​ത്തി‍യെ​ങ്കി​ലും കി​രീ​ടം അ​ക​ന്നു​നി​ന്നു. ക​ഴി​ഞ്ഞ ദി​വ​സം അ​വ​സാ​ന ലീ​ഗ് മ​ത്സ​ര​ത്തി​ൽ ല​ഖ്നോ സൂ​പ്പ​ർ ജ​യ​ന്റ്സ് കു​റി​ച്ച 227 റ​ൺ​സ് വി​ജ​യ​ക​ര​മാ​യി ചേ​സ് ചെ​യ്താ​ണ് ര​ജ​ത് പാ​ട്ടി​ദാ​റും സം​ഘ​വും പോയിന്‍റ് പട്ടികയിലെ നില മെച്ചപ്പെടുത്തിയത്. പു​റ​ത്താ​വാ​തെ 33 പ​ന്തി​ൽ 85 റ​ൺ​സെ​ടു​ത്ത് പ്ലെ​യ​ർ ഓ​ഫ് ദ ​മാ​ച്ചാ​യ ജി​തേ​ഷ് ശ​ർ​മ​യു​ടെ ക​രി​യ​റി​ലെ ഏ​റ്റ​വും മി​ക​ച്ച ഇ​ന്നി​ങ്സും ക​ണ്ടു.

അ​ർ​ധ ശ​ത​കം നേ​ടി​യ സൂ​പ്പ​ർ ബാ​റ്റ​ർ വി​രാ​ട് കോ​ഹ്‌​ലി​യി​ൽ വ​ലി​യ പ്ര​തീ​ക്ഷ​യ​ർ​പ്പി​ക്കു​ന്നു​ണ്ട് ബം​ഗ​ളൂ​രു. പ​രി​ക്ക് ഭേ​ദ​മാ​യി ആ​സ്ട്രേ​ലി​യ​ൻ പേ​സ​ർ ജോ​ഷ് ഹേ​സി​ൽ​വു​ഡും മ​ധ്യ​നി​ര ബാ​റ്റ​ർ ടിം ​ഡേ​വി​ഡും തി​രി​ച്ചെ​ത്തി​യേ​ക്കും. ദേ​ശീ​യ ടീ​മി​നൊ​പ്പം ചേ​രാ​നാ​യി മ​ട​ങ്ങി​യ ദ​ക്ഷി​ണാ​ഫ്രി​ക്ക​ൻ പേ​സ​ർ ലു​ൻ​ഗി എ​ൻ​ഗി​ഡി​യു​ടെ​യും ഇം​ഗ്ലീ​ഷ് ഓ​ൾ റൗ​ണ്ട​ർ ജേ​ക്ക​ബ് ബേ​ത്ത​ലി​ന്റെ‍യും സേ​വ​ന​മു​ണ്ടാ​കി​ല്ല.

2014നു ​ശേ​ഷം ഇ​താ​ദ്യ​മാ​ണ് പ​ഞ്ചാ​ബ് കി​ങ്സ് പ്ലേ ​ഓ​ഫ് കാ​ണു​ന്ന​ത്. ക​ഴി​ഞ്ഞ വ​ർ​ഷം കൊ​ൽ​ക്ക​ത്ത നൈ​റ്റ് റൈ​ഡേ​ഴ്സി​ന് കി​രീ​ടം നേ​ടി​ക്കൊ​ടു​ത്ത ക്യാ​പ്റ്റ​ൻ ശ്രേ‍യ​സ് അ​യ്യ​രു​ടെ നേ​തൃ​ത്വം വ​ലി​യ മു​ത​ൽ​ക്കൂ​ട്ടാ​ണ്. ഓ​പ​ണ​ർ​മാ​രാ​യ പ്രി​യാ​ൻ​ഷ് ആ​ര്യ​യും പ്ര​ഭ്സി​മ്രാ​ൻ സി​ങ്ങും കൊ​ളു​ത്തി​വെ​ക്കു​ന്ന തീ ​ശ്രേ​യ​സും നെ​ഹാ​ൽ വ​ധേ​ര​യു​മ​ട​ക്കം പി​ന്നാ​ലെ വ​രു​ന്ന​വ​ർ ഏ​റ്റു​പി​ടി​ച്ചാ​ൽ ഫി​നി​ഷ് ചെ​യ്യാ​ൻ ശ​ശാ​ങ്ക് സി​ങ്ങി​നെ ക​ഴി​ഞ്ഞു​ള്ളൂ വേ​റാ​രും.

വി​ശ്ര​മ​ത്തി​ലാ‍യി​രു​ന്ന സ്പി​ന്ന​ർ ‍യു​സ്വേ​ന്ദ്ര ചാ​ഹ​ൽ തി​രി​ച്ചെ​ത്തി​യേ​ക്കും. ഫോ​മി​ലു​ള്ള പ്രോ​ട്ടീ​സ് ഓ​ൾ റൗ​ണ്ട​ർ മാ​ർ​കോ യാൻ​സെ​ൻ ദേ​ശീ​യ ടീ​മി​ലേ​ക്ക് മ​ട​ങ്ങി​യ​ത് തി​രി​ച്ച​ടി​യാ​ണ്. അ​ർ​ഷ്ദീ​പ് സി​ങ് ന​യി​ക്കു​ന്ന​താ​ണ് പേ​സ് ബൗ​ളി​ങ് ഡി​പ്പാ​ർ​ട്മെ​ന്റ്. വൈകിട്ട് 7.30ന് ആരംഭിക്കുന്ന മത്സരത്തിനായി ആരാധകർ കാത്തിരിപ്പിലാണ്. ആദ്യ കിരീടം നോട്ടമിട്ടിറങ്ങുന്ന ഇരു ടീമുകളും ജയത്തിൽ കുറഞ്ഞതൊന്നും ഇന്ന് ലക്ഷ്യമിടുന്നില്ല.