ഒരു സീസൺ കൊണ്ട്​ തള്ളിപ്പറയില്ല, 2021ലും ധോണി നയിക്കും -ചെന്നൈ സി.ഇ.ഒ

ചെന്നൈ: ​ഐ.പി.എൽ സീസണിൽ ചെന്നൈ സൂപ്പർകിങ്​സി​െൻറ നിരാശാജനകമായ പ്രകടനത്തെത്തുടർന്ന്​ 'തല'എം.എസ്​ ധോണിയെ മാറ്റുമെന്ന്​ കരുതിയവർക്ക്​ തെറ്റി. 2021ലും ധോണിതന്നെ ചെന്നൈയെ നയിക്കുമെന്ന ആത്മവിശ്വാസവുമായി ടീമി​െൻറ സി.ഇ.ഒ കാശി വിശ്വനാഥൻ തന്നെ രംഗത്തെത്തി.

''തീർച്ചയായും, ധോണി 2021ലും സി.എസ്​.കെയെ നയിക്കുമെന്ന ആത്മവിശ്വാസം എനിക്കുണ്ട്​. അദ്ദേഹം ഞങ്ങൾക്കായി ഐ.പി.എല്ലിൽ മൂന്ന്​ കിരീടം തന്നിട്ടുണ്ട്​. ​േപ്ല ഓഫിന്​ യോഗ്യത നേടാനാകാത്ത ആദ്യ ടൂർണമെൻറാണിത്​. മറ്റു ടീമുകളും ഇതുവരെ ​േപ്ലഓഫ്​ ഉറപ്പിച്ചിട്ടില്ല. ഒു മോശം വർഷം കൊണ്ട്​ എല്ലാം മാറ്റണമെന്നതിൽ അർത്ഥമില്ല'' -കാശി വി​ശ്വനാഥൻ മാധ്യമങ്ങളോട്​ പറഞ്ഞു.

സീസണിൽ 12 കളികളിൽ എട്ടും തോറ്റ ചെന്നൈ അവസാന സ്ഥാനത്താണ്​. ടീമി​െൻറ​ മോശം പ്രകടനത്തിനൊപ്പം ധോണിക്കും ശോഭിക്കാനായിരുന്നില്ല. അതോടെ അന്താരാഷ്​ട്ര ക്രിക്കറ്റിൽ നിന്നും വിരമിച്ച ധോണി ഐ.പി.എല്ലിൽ നിന്നും വിരമിക്കുമെന്ന്​ അഭ്യൂഹമുയർന്നിരുന്നു. ടീം സി.ഇ.ഒയുടെ പ്രസ്​താവനയോടെ​ ഈ അഭ്യൂഹങ്ങൾക്ക്​ താൽകാലിക വിരാമമാകുകയാണ്​.

ടീമിന്​ ​പ്രതിഭ പുറത്തെടുക്കാനായില്ല, ജയിക്കാവുന്ന മത്സരങ്ങളും തോറ്റു. സുരേഷ്​ റെയ്​നയുടെയും ഹർഭജൻ സിങ്ങി​െൻറയും പിൻവാങ്ങലും ​ക്യാമ്പിലെ കോവിഡ്​ കേസുകളും ടീമിന്​ വിനയായതായി സി.ഇ.ഒ കൂട്ടിച്ചേർത്തു.