'കിങ് ഈസ് ബാക്ക്'; ഇനി കളി ഇന്ത്യയിൽ, ഇംഗ്ലണ്ടിനെതിരെയുള്ള ഇന്ത്യൻ ടീം പ്രഖ്യാപിച്ചു
text_fieldsആസ്ട്രേലിയൻ പര്യടനത്തിലെ സ്വപ്ന തുല്യമായ വിജയത്തിന് പിന്നാലെ ഇംഗ്ലണ്ടുമായി ഇന്ത്യയിൽ നടക്കുന്ന ആദ്യ രണ്ട് ടെസ്റ്റുകൾക്കുള്ള ഇന്ത്യൻടീമിനെ പ്രഖ്യാപിച്ചു. ഭാര്യയുടെ പ്രസവത്തോടനുബന്ധിച്ച് ആസ്ട്രേലിയൻ പര്യടനത്തിനിടെ നാട്ടിലേക്ക് മടങ്ങിയ വിരാട് കോഹ്ലി നായകനായി ടീമിൽ മടങ്ങിയെത്തി. ഓൾറൗണ്ടർ ഹാർദിക് പാണ്ഡ്യ, ഇശാന്ത് ശർമ തുടങ്ങിയവരും ടീമിൽ തിരിച്ചെത്തിയിട്ടുണ്ട്.
ആസ്ട്രേലിയൻ പര്യടത്തിൽ മോശം പ്രകടനം കാഴ്ചവെച്ച പ്രഥ്വി ഷാ, നവദീപ് സൈനി എന്നിവർ പുറത്തായപ്പോൾ മികച്ച പ്രകടനം കാഴ്ചവെച്ച ശുഭ്മാൻ ഗിൽ, ഷർദുൽ ഠാക്കൂർ, മുഹമ്മദ് സിറാജ് തുടങ്ങിയവർ ടീമിലിടം പിടിച്ചു. 'ലിമിറ്റഡ് ഓവർ സ്പെഷ്യലിസ്റ്റായ' നടരാജനും ടീമിലിടം പിടിച്ചില്ല.
ടീം: ഓപ്പണർമാർ: രോഹിത് ശർമ, ശുഭ്മാൻ ഗിൽ, മായങ്ക് അഗർവാൾ
മധ്യനിര: ചേതേശ്വർ പൂജാര, വിരാട് കോഹ്ലി, അജിൻക്യ രഹാനെ, റിഷഭ് പന്ത്, വൃദ്ധിമാൻ സാഹ, ഹാർദിക് പാണ്ഡ്യ, കെ.എൽ രാഹുൽ
ഫാസ്റ്റ് ബൗളർമാർ: ജസ്പ്രീത് ബുംറ, ഇശാന്ത് ശർമ, മുഹമ്മദ് സിറാജ്, ഷർദുൽ ഠാക്കൂർ
സ്പിന്നർമാർ: ആർ.അശ്വിൻ, കുൽദീപ് യാദവ്, വാഷിങ്ടൺ സുന്ദർ, അക്സർ പേട്ടൽ
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.