Begin typing your search above and press return to search.
exit_to_app
exit_to_app
Homechevron_rightSportschevron_rightCricketchevron_right​'ലോക തോൽവികളെ...

​'ലോക തോൽവികളെ അൺഫോളോ ചെയ്യുക'; തുടർച്ചയായ അഞ്ചാം പരമ്പര തോറ്റ ലങ്കൻ ടീമിനെതിരെ കാമ്പയിനുമായി ആരാധകർ

text_fields
bookmark_border
srilanka cricket team
cancel

ലണ്ടൻ: തോറ്റ്​ ​തോറ്റ്​ തുന്നംപാടി നിൽക്കുന്ന തങ്ങളുടെ ക്രിക്കറ്റ്​ ടീം കുറച്ചെങ്കിലും സീരിയസ്​ ആവാനായി സോഷ്യൽ മീഡിയ കാമ്പയിന്​ തുടക്കമിട്ടിരിക്കുകയാണ്​ ശ്രീലങ്കൻ ആരാധകർ. ശനിയാഴ്​ച സതാംപ്​റ്റണിൽ ഇംഗ്ലണ്ടിനോട്​ 89 റൺസിന്​ തോറ്റ്​ ട്വൻറി20 പരമ്പര 3-0ത്തിന്​ അടിയറവ്​ വെച്ചതോ​െടയാണ്​ ആരാധകരുടെ കലി ഇരട്ടിയായത്​.

ട്വൻറി20യിൽ ഇത്​ തുടർച്ചയായി അഞ്ചാം പരമ്പരയാണ്​ ലങ്ക തോറ്റത്​. ഇതോടെ 'അൺഫോളോ ക്രിക്കറ്റേഴ്​സ്​' ഹാഷ്​ ടാഗ്​ ഫേസ്​ബുക്കിലടക്കം ട്രൻഡിങ്ങായി മാറി. ആയിരക്കണക്കിന്​ ആരാധകർ​ ഉപനായകൻ കുശാൽ മെൻഡിസ്​, ഓപണർ ധനുഷ്​ക ഗുണതിലക എന്നിവരടമടക്കമുള്ള താരങ്ങളുടെ ഫേസ്​ബുക്ക്​ പേജുകൾ അൺഫോളോ ചെയ്​തു.

പരാജിതരായ ലങ്കൻ ക്രിക്കറ്റ്​ താരങ്ങളുടെ ഫേസ്​ബുക്ക്​, ഇൻസ്​റ്റഗ്രാം, ട്വിറ്റർ എന്നീ സോഷ്യൽ മീഡിയ പ്ലാറ്റ്​ഫോമുകളിലുള്ള ഔദ്യോഗിക​ അക്കൗണ്ടുകൾ അൺഫോ​ളോ ചെയ്യുക എന്നതാണ്​ കാമ്പയിനി​െൻറ ലക്ഷ്യമെന്ന്​ ന്യുസ്​സെൻറർ.എൽകെ റിപ്പോർട്ട്​ ചെയ്​തു. ദേശീയ ടീമി​െൻറ മത്സരങ്ങൾ ആരും ടി.വിയിൽ കാണരുതെന്ന സന്ദേശമുള്ള മീമുകളും പങ്കുവെക്കപ്പെട​ുന്നുണ്ട്​.

'ഈ തോൽവികളായ താരങ്ങളെ അൺഫോളോ ചെയ്യുക. രാജ്യത്തിനായി നന്നായി കളിക്കാൻ സാധിക്കുന്നില്ലെങ്കിൽ അവർക്ക്​ സോഷ്യൽ മീഡിയയിൽ അത്ര പ്രാധാന്യം നൽകണ്ടേതില്ല. അവർ വലിയ ആരാധക പിന്തുണ അർഹിക്കുന്നില്ല'- അഹമദ്​ ഇനാമുൽ ഹഖ്​ ട്വീറ്റ്​ ചെയ്​തു.

സീനിയർ താരങ്ങളാരും ഇതുവരെ പ്രതികരിച്ചിട്ടില്ലെങ്കിലും കഴിഞ്ഞ മൂന്ന്​ പതിറ്റാണ്ടിനിടെയിലുള്ള ഏറ്റവും മോശം പ്രകടനമാണ്​ ലങ്കൻ ടീം നടത്തുന്നതെന്നാണ്​ വിലയിരുത്തൽ. 'ഞാൻ 1993 മുതൽ ക്രിക്കറ്റ്​ കാണുന്നയാളാണ്​. ഇത്രയും ദുർബലമായ ലങ്കൻ ടീമിനെ ഞാൻ കണ്ടിട്ടില്ല' -കായിക റിപ്പോർട്ടറായ മഞ്​ജുള ബസനായകെ ട്വിറ്ററിൽ കുറിച്ചു.

2018 ഒക്​ടോബറിന്​ ശേഷം 10 ട്വൻറി20 പരമ്പരകൾ കളിച്ച ലങ്കക്ക്​ ഒന്നിൽ മാത്രമാണ്​ ജയിക്കാനായത്​. ഇംഗ്ലണ്ട്​, ന്യൂസിലൻഡ്​, വെസ്​റ്റിൻഡീസ്​ എന്നീ ടീമുകളോട്​ രണ്ട്​ തവണ പരമ്പര തോറ്റു. ആസ്​ട്രേലിയ, ഇന്ത്യ, ദക്ഷിണാഫ്രിക്ക എന്നിവർ ​ഒരോ തവണയും തോൽപിച്ചു.

കഴിഞ്ഞ ദിവസം നടന്ന മത്സരത്തിൽ ആദ്യം ബാറ്റുചെയ്​ത ഇംഗ്ലണ്ട്​ 180 റൺസെടുത്തു. മറുപടി ബാറ്റിങ്ങിൽ ലങ്ക 91ന്​ കൂടാരം കയറി. ലോക ജേതാക്കളായ ഇംഗ്ലണ്ടിനെതിരെ മൂന്ന്​ മത്സരങ്ങളടങ്ങിയ ഏകദിന പരമ്പരയും ലങ്ക കളിക്കുന്നുണ്ട്​. ചെസ്​റ്റർ ലെ സ്​ട്രീറ്റിൽ ചൊവ്വാഴ്​ചയാണ്​ ആദ്യ മത്സരം.

Show Full Article
TAGS:sri lanka cricket Social media campaign unfollowcricketers 
News Summary - unfollowcricketers Social Media Campaign Against Players by Sri Lanka Cricket Fans
Next Story