വേഗം തുണയായി; 'കശ്​മീർ എക്​സ്​പ്രസ്'​ഉമ്രാൻ മാലിക്​ നെറ്റ്​ ബൗളറായി ട്വൻറി20 ലോകകപ്പ്​ ടീമിൽ

ദുബൈ: ഇന്ത്യൻ ക്രിക്കറ്റ്​ ടീം നായകൻ വിരാട്​ കോഹ്​ലിയുടെ പ്രശംസ്​ ഏറ്റുവാങ്ങിയതിന്​ പിന്നാലെ കശ്​മീരി പേസ്​ സെൻസേഷൻ ഉമ്രാൻ മാലിക്കിന്​ അംഗീകാരം. ഉമ്രാനെ അടുത്ത ആഴ്​ച ആരംഭിക്കാനിരിക്കുന്ന ട്വൻറി0 ലോകകപ്പിനുള്ള ഇന്ത്യൻ ടീമിൽ നെറ്റ്​ ബൗളറായി ഉൾപെടുത്തി. ഐ.പി.എല്ലിൽ സൺറൈസേഴ്​സ്​ താരമായ ഉമ്രാനോട്​ യു.എ.ഇയിൽ​ തുടരാൻ ബി.സി.സി.ഐ ആവശ്യപ്പെട്ടു.

'ഓരോ തവണയും പുതിയ പ്രതിഭകൾ ഉണ്ടാകും. ഏറ്റവും മികച്ച പ്രകടനത്തിലേക്ക് എത്തിക്കാൻ ഉമ്രാന്‍റെ പുരോഗതി കൃത്യമായി ശ്രദ്ധചെലുത്തണം. മികച്ച ഫാസ്റ്റ് ബൗളർമാർ വള‌ന്നുവരുന്നത് ഇന്ത്യൻ ക്രിക്കറ്റിന് ശുഭ സൂചനയാണ്​'-കോഹ്​ലി പറഞ്ഞു.

ത​െൻറ ഐ.പി.എൽ അരങ്ങേറ്റ മത്സരത്തിൽ വേഗം കൊണ്ട്​ കൊൽക്കത്ത നൈറ്റ്​റൈഡേഴ്​സ്​ ബാറ്റ്​സ്​മാൻമാരെ വെള്ളം കുടിപ്പിച്ചാണ്​ ഉമ്രാൻ തുടങ്ങിയത്​. അന്ന്​ 151 കി.മീ വേതത്തിൽ പന്തെറിഞ്ഞ്​ സീസണിലെ വേഗമേറിയ ഇന്ത്യൻ ബൗളറായി.

പിന്നാലെ റോയൽ ചല​ഞ്ചേഴ്​സ്​ ബാംഗ്ലൂരിനെതിരെ ഒരോവറിൽ തന്നെ മണിക്കൂറിൽ 151,152,153 കിലോമീറ്റർ വേഗത്തിൽ പന്തെറിഞ്ഞാണ് ഉമ്രാൻ മാലിക് ഏവരുടെയും ശ്രദ്ധ പിടിച്ചുപറ്റിയത്. ലീഗ്​ ഘട്ടം അവസാനിക്കു​േമ്പാൾ സീസണിൽ ഏറ്റവും വേഗത്തിൽ പ​ന്തെറിഞ്ഞ താരമാണ്​ ഉമ്രാൻ. കൊൽക്കത്തയുടെ കിവീസ്​ താരം ലോക്കി ഫെർഗൂസനെയാണ്​ (152.75 കി.മീ) മറികടന്നത്​. മുന്‍ ഇംഗ്ലണ്ട് നായകനും കമ​േൻററ്ററുമായ മൈക്കല്‍ വോണും ഉമ്രാനെ അഭിനന്ദിച്ച് രംഗത്തെത്തിയിരുന്നു.

ദേവ്ദത്ത് പടിക്കലിനെതിരെയാണ്​ മുൻ ഇന്ത്യൻ താരം ഇർഫാൻ പത്താ​െൻറ ശിഷ്യനായ ഉമ്രാൻ 153 കി.മീ വേഗം കണ്ടെത്തിയത്​. കെ.എസ്. ഭരത്തിനെ പുറത്താക്കി ആദ്യ ഐപിഎൽ വിക്കറ്റും സ്വന്തമാക്കി. പാകിസ്​താൻ പേസ്​ ഇതിഹാസം വഖാർ യുനിസിന്‍റെ ബൗളിങ്​ ആക്ഷനെ അനുസ്​മരിപ്പിക്കുന്ന തരത്തിലാണ്​ ഉമ്രാൻ പന്തെറിയുന്നത്​.

സീസണിൽ താരം മൂന്ന്​ മത്സരങ്ങളിൽ നിന്ന്​ രണ്ടു വിക്കറ്റ്​ സ്വന്തമാക്കി. വെറും രണ്ട്​ ആഭ്യന്തര മത്സരങ്ങളുടെ മാത്രം അനുഭവ സമ്പത്തുമായാണ്​ 21കാരൻ ലോകത്തിലെ ഏറ്റവും മികച്ച ട്വൻറി20 ലീഗിൽ പ​െന്തറിയാനെത്തിയത്​.

കോവിഡ്​ ബാധിച്ച ടി. നടരാജന്‍റെ പകരക്കാരനായാണ്​ മാലിക്കിനെ എസ്​.ആർ.എച്ച്​ ടീമിലെത്തിച്ചത്​. ഐ.പി.എൽ കളിക്കുന്ന നാലാമത്തെ കശ്​മീരി ക്രിക്കറ്ററാണ്​ മാലിക്​. പർവേഷ്​ റസൂൽ, റാസിഖ്​ സലാം, അബ്​ദുൽ സമദ്​ എന്നിവരാണ്​ മാലിക്കിന്​ മുമ്പ്​ ഐ.പി.എല്ലിൽ കളത്തിലിറങ്ങിയ ജമ്മു കശ്​മീർ താരങ്ങൾ. ഒക്​ടോബർ 24ന്​ പാകിസ്​താനെതിരെയാണ്​ ലോകകപ്പിലെ ഇന്ത്യയുടെ ആദ്യ അങ്കം.