Top
Begin typing your search above and press return to search.
exit_to_app
exit_to_app
CSK
cancel
Homechevron_rightSportschevron_rightCricketchevron_rightചെന്നൈ ടീമിന്‍റെ ബസ്​...

ചെന്നൈ ടീമിന്‍റെ ബസ്​ ക്ലീനർക്കടക്കം മൂന്നു പേർക്ക്​ കോവിഡ്​; ടീമിന്‍റെ പരിശീലനം റദ്ദാക്കി

text_fields
bookmark_border

ന്യൂഡൽഹി: ഇന്ത്യൻ പ്രീമിയർ ലീഗിലെ മുൻനിര ടീമായ ചെന്നൈ സൂപ്പർ കിങ്​സിന്‍റെ രണ്ടു കണ്ടിൻജന്‍റ്​ സ്റ്റാഫ്​ അംഗങ്ങൾക്കും ടീം ബസിലെ ക്ലീനർക്കു​ം കോവിഡ്​. ഇതേ തുടർന്ന്​ ടീമിന്‍റെ തിങ്കളാഴ്ചത്തെ പരിശീലന സെഷൻ റദ്ദാക്കി.

കൊൽക്കത്ത നൈറ്റ്​ ​റൈ​േഡഴ്​സ്​ താരങ്ങളായ സന്ദീപ്​ വാര്യരും വരുൺ ചക്രവർത്തിയും കോവിഡ്​ പോസിറ്റീവായതോടെ തിങ്കളാഴ്​ചത്തെ കൊൽക്കത്ത-ബാംഗ്ലൂർ മത്സരം നീട്ടിവെക്കാൻ അധികൃതർ നിർബന്ധിതരായിരിക്കുന്നതിന്​ പിന്നാലെയാണ്​ ചെന്നൈ ടീമിന്​ പശ്ചാത്തല സൗകര്യമൊരുക്കുന്ന സംഘത്തിലെ മൂന്നുപേർക്ക്​ കോവിഡ്​ സ്​ഥിരീകരിച്ചത്​. ഐ.പി.എൽ പതിനാലാം സീസൺ കനത്ത ബയോ ബബ്​ൾ സുരക്ഷയോടെ നടക്കുന്നതിനിടയിലാണ്​ ആ സരക്ഷാ കവചങ്ങൾ തകർത്ത്​ കോവിഡ്​ കൊൽത്തക്കു പിന്നാലെ ചെന്നെ ടീമിന്‍റെ അകത്തളങ്ങളിലേക്കുമെത്തിയത്​.

ഇതോടെ ​ടീമിൽ കൂടുതൽ പരിശോധനകൾ നടത്തുമെന്ന്​ ചെന്നൈ അധികൃതർ വ്യക്​തമാക്കി. പരിശോധനകൾ പൂർത്തിയാകുന്നതുവരെ എല്ലാവരും ഐസൊലേഷനിൽ കഴിയും. എല്ലാ കളിക്കാർക്കും പരിശോധന നടത്തുമെന്നും ടീം അധികൃതർ അറിയിച്ചു. ചെന്നൈ ടീം നിലവിൽ ഡൽഹിയിലെ ഹോട്ടലിലാണുള്ളത്​. ശനിയാഴ്ച മുംബൈ ഇന്ത്യൻസുമായാണ്​ അവരുടെ അടുത്ത മത്സരം നടക്കേണ്ടത്​.

Show Full Article
TAGS:IPL-2021 Covid 19 CSK Chennai Super Kings 
News Summary - Two members of CSK contingent, team bus cleaner test Covid positive
Next Story